Maliyyə sanksiyasının həcmi 5 dəfə artırılır

Maliyyə sanksiyasının həcmi 5 dəfə artırılır
16:18
20.11.2018
1635
İqtisadiyyat
A
Maliyyə institutları tərəfindən hüquqi və fiziki şəxslərə hesab açıldıqda və ya maliyyə xidmətləri göstərildikdə, ölkənin normativ hüquqi aktlarının, habelə vergi və maliyyə məlumatlarının mübadiləsini nəzərdə tutan Azərbaycanın tərəfdar çıxdığı beynəlxalq müqavilələrin tələblərinə əməl edilməməsinə görə maliyyə sanksiyasının həcmi 5 dəfə artırıla bilər.

"Ölkə.Az" xəbər verir ki, bu barədə Vergi Məcəlləsinə təklif edilən dəyişiklik layihəsində qeyd olunub. Dəyişikliyə əsasən, hər belə hesab və ya əməliyyat üçün maliyyə sanksiyası 100 manatdan 500 manata artırılır.

Təklif olunan digər dəyişikliyə əsasən, bu Məcəllənin 16.1.11-4-cü maddəsində göstərilən elektron hesabatın müəyyən edilmiş qaydada və müddətdə təqdim edilməməsinə görə maliyyə sanksiyasının məbləği 10 dəfə artırılaraq 1 000 manatdan 10 000 manata çatdırılacaq.

Digər dəyişikliyə əsasən isə bu Məcəllənin 76.1-ci maddəsinə uyğun olaraq vergi və maliyyə məlumatlarının mübadiləsini nəzərdə tutan Azərbaycanın tərəfdar çıxdığı beynəlxalq müqavilələrin tələblərinin pozulması həmin müqavilələrin tərəfi olan digər dövlətin səlahiyyətli orqanının bildirişinə əsasən aşkar olunduqda hər belə hesab üçün 100 manat əvəzinə 1 000 manat maliyyə sansksiyası tətbiq olunacaq.

Xatırladaq ki, 16.1.11-4 maddəyə əsasən, maliyyə institutları tərəfindən hüquqi və fiziki şəxslərə hesab açıldıqda və ya maliyyə xidmətləri göstərildikdə, Azərbaycan Respublikasının normativ hüquqi aktlarının, habelə vergi və maliyyə məlumatlarının mübadiləsini nəzərdə tutan Azərbaycan Respublikasının tərəfdar çıxdığı beynəlxalq müqavilələrin tələblərinə əməl edilməsini və bu Məcəllənin 76-1-ci maddəsinə uyğun olaraq, maliyyə institutları tərəfindən təqdim edilməsi nəzərdə tutulan məlumatların əks olunduğu forması müvafiq icra hakimiyyəti orqanı tərəfindən təsdiq edilən elektron hesabatların təqdim edilməsini təmin etmək vergi ödəyicisinin vəzifəsidir. 

Ölkə.Az

ŞƏRH YAZ
0

Bu il ölkəyə 22714 avtomobil idxal olunub

Bu il ölkəyə 22714 avtomobil idxal olunub
19:17
Bu gün
55
İqtisadiyyat
A
Bu ilin yanvar-noyabr aylarında Azərbaycana idxal olunan avtomobillərin sayı 22 min 714 ədəd olub.

Dövlət Gömrük Komitəsindən "Ölkə.Az"a verilən məlumata görə, ölkəyə gətirilən avtomobillərin 235 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 20 min 429 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 1938 ədədi yük daşımaq üçün motorlu nəqliyyat vasitələri, 112 ədədi isə xüsusi təyinatlı motorlu nəqliyyat vasitələridir. 

Ölkə.Az

ŞƏRH YAZ
0

Bu il ölkəyə kərə yağı idxalı azalıb

Bu il ölkəyə kərə yağı idxalı azalıb
19:02
Bu gün
142
İqtisadiyyat
A
Bu ilin yanvar-noyabr aylarında Azərbaycan 62 094,19 min ABŞ dolları dəyərində 10 677,64 ton kərə yağı və süddən hazırlanmış digər yağlar idxal edib.

“Ölkə.Az” Dövlət Gömrük Komitəsinə istinadən xəbər verir ki, bu, məbləğ baxımından ötən ilin eyni dövrü ilə müqayisədə 3 490,16 min dollar (5,96%) çox, həcm baxımından isə illik müqayisədə 1 790,04 ton (14,36%) azdır.

11 ay ərzində kərə yağı və süddən hazırlanmış digər yağ məhsullarının idxalı Azərbaycanın ümumi idxalının 0,6%-ni təşkil edib.

Ölkə.Az

ŞƏRH YAZ
0
BAĞLA