Malta və Azərbaycan oyunu heç-heçə bitdi

***

Futbol üzrə UEFA Millətlər Liqasının qrup mərhələsi çərçivəsində keçirilən Malta-Azərbaycan oyununda birinci taym başa çatıb.

"Ölkə.Az" xəbər verir ki, hesabı Malta yığması 10-cu dəqiqədə açıb. Aqius millimizin qapısına təyin olunan penalti zərbəsini dəqiq yerinə yetirib.

Lakin Azərbaycan millisi hesabı bərabərləşdirə bilib. Belə ki, 26-cı dəqiqədə müdafiəçi Təmkin Xəlilzadə rəqib qapıçısını məyus edib.

Birinci taym 1:1 hesabı ilə başa çatıb.

***
Futbol üzrə UEFA Millətlər Liqasının qrup mərhələsi çərçivəsində Malta-Azərbaycan oyunu başlayıb.

"Ölkə.Az" xəbər verir ki, Maltadakı Ta Qali milli stadionunda keçirilən oyunu monteneqrolu hakimlər briqadası idarə edir.

Matçın baş hakimi Nikola Dabanoviçdir. Ona Milovan Djukiç və Jovica Tatar kömək edirlər. Dördüncü hakim funksiyasını Aleksandar Djikanoviç yerinə yetirir.

Qrup mərhələsinin ilk oyununda Azərbaycan millisi Bakı Olimpiya Stadionunda Kosovo yığmasını qəbul edib və qarşılaşmada hesab açılmayıb.

Qeyd edək ki, Farer adaları 3 xalla qrupda birinci pillədə qərarlaşıb. Azərbaycan və Kosovo 1 xalla ikinci-üçüncü, hesabında xal olmayan Malta isə sonuncu pillədədir.

***
UEFA Millətlər Liqasının II tur oyununda üz-üzə gələcək Malta və Azərbaycan yığmalarının start heyətləri açıqlanıb.

"Ölkə.Az" xəbər verir ki, qonaq komandanın baş məşqçisi Qurban Qurbanov Kosovo ilə qolsuz yekunlaşmış ilk tur qarşılaşması ilə müqayisədə "11-lik"də 3 dəyişiklik edib. Sol cinah müdafiəçisi mövqeyində Ürfan Abbasovu Təmkin Xəlilzadə, hücum xəttində Ruslan Qurbanovla Ramil Şeydayevi Dmitri Nazarovla Rauf Əliyev əvəzləyib.

Malta: 1. Endryu Hoqq, 3. Jozef Zerafa, 4. Stiv Borq, 5. Andrey Acus, 6. Rayan Fenek, 8. Pol Fenek, 9. Maykl Mifsud (k.), 10. Andre Şembri, 13. Jozef Mbonq, 14. Jan-Pol Farruciya, 17. Rayan Kamilleri

Azərbaycan: 1. Kamran Ağayev (k.), 2. Qara Qarayev, 4. Pavlo Paşayev, 5. Maksim Medvedev, 7. Mahir Mədətov, 8. Emin Mahmudov, 10. Rauf Əliyev, 13. Dmitri Nazarov, 20. Riçard Almeyda, 21. Təmkin Xəlilzadə, 22. Bədavi Hüseynov

Qeyd edək ki, bu gün Ta Qali Milli Stadionunda keçiriləcək Malta - Azərbaycan matçı Bakı vaxtı ilə saat 22:45-də başlanacaq.

Ölkə.Az