"Mamedin kim olduğunu tanımırlar, amma maşını anons olunur" — MƏŞHUR SƏNƏTÇİYLƏ TƏNQİDİ MÜSAHİBƏ

13:08
23.05.2018
5320
Maqazin
A
Tanınmış müğənni İntiqam Kərimov "Ölkə.Az"ın suallarını cavablandırıb.

- İntiqam müəllim, niyə efirə az-az çıxırsınız?

- Ayda üç dəfə efirə çıxıram, bəsimdir. Həm də maqazin proqramlarını sevmədiyim üçün o cür verilişlərdən uzağam. Görürsən anons edirlər ki, Mamedin maşınına nə oldu? Halbuki Mamedin kim olduğunu heç kim bilmir ha. Sadəcə, maşın bir yeşik pomidorun üstündən keçib. Hətta getmədiyimə görə bəzi proqramlar məndən küsdülər. Dedim ki, elə verilişlərə çəkilmək istəmirəm. Müğənni oxuyar, qalmaqal etməz. Mədəniyyət və İncəsənət Universitetinin estrada sənəti kafedrasında müəllim işləyirəm, dövlət tədbirlərində, məclislərdə çıxış edirəm. Ötən ayın 27-də çox populyar səhər proqramına dəvət etdilər, imtina etdim.

- Son konsertinizdə olmuşdum. Yeni konsert planı varmı?

- Bəli, sonuncu konsertim dörd il əvvəl olub. Payız aylarında konsert verməyi planlaşdırıram.

- Bəzi verilişlərdən imtina etməyinizin başqa səbəbi varmı?

- Yanındakını gözəl sənətkar kimi təqdim edirlər. Axı bu adam gözəl sənətkar deyil. Orada cavab verməsən, olmur. Düz danışanda pis olursan, susanda da musiqidən başı çıxanlar qınayır. Ona görə də dəvət ediləndə hara getdiyimi, digər qonaqların kimliyini soruşuram. 

- Həmkarınız Abbas Əhməd bildirib ki, Bakıda konsert vermək üçün 500 min vəsait lazımdır. 

- Öz adıma deyə bilərəm ki, Azərbaycanda konsert vermək üçün o qədər vəsaitin lazım olmadığını düşünürəm. Bizdə ona qiymət verəcək kontingent də çox azdır. Ona görə çalışıram ki, dünyanın klassik estrada mahnılarını oxuyum. İnsanlar konsertə gəlib, istirahət etsinlər. Konsertimin xərci borcunu ödəyirsə, mənə bəsdir. Konsertdən pul gözləmirəm.

- Sizcə sənətçi pul qazanmadığı konserti niyə versin ki?

- Yaxşı pul qazanmalıdır. Bizdə pul qazananlar həqiqi musiqi təmsilçiləri deyillər. Bizdə əsl musiqinin dinləyiciləri yoxdur.

- Toylara tez-tez gedirsiniz?

- Gedirəm, amma əvvəlcədən məndən hansı repertuarı istədiyini soruşuram. Məclisdə kimsə məndən nəsə istəsə, oxumaram. Yalnız öz repertuarımı, xarici mahnılar, Tofiq Quliyev, Rauf Hacıyev kimi bəstəkarların əsərlərini oxuyuram.

İntiqam VALEHOĞLU
Ölkə.Az

ŞƏRH YAZ
0

“Öz mahnılarıma qulaq asa bilmirəm” — Əməkdar artist - VİDEO

“Öz mahnılarıma qulaq asa bilmirəm”
16:05
Bu gün
2980
Maqazin
A
ARB TV-nin “Səhər-Səhər” verlişinin növbəti qonağı əməkdar artist Nüşabə Ələsgərli olub.

“Ölkə.Az” xəbər verir ki, Əməkdar artist maraqlı açıqlama verib:

“Mən öz mahnılarıma qulaq asa bilmirəm. O, mahnının üzərində çox işləyirsən-işləyirsən və doyursan”.

ŞƏRH YAZ
1

Şair olmaq istəyən, repində öz anasını söyən Eminem haqqında — BİLİNMƏYƏN FAKTLAR

Şair olmaq istəyən, repində öz anasını söyən Eminem haqqında
14:47
Bu gün
3480
Maqazin
A
Dünyanın məşhur rep ustası Eminemin 46 yaşı tamam oldu.

“Ölkə.Az” Eminem haqqında bu günə qədər bilinməyən bəzi faktları təqdim edir.

Eminem 1972-ci ilin 17 oktyabr tarixində anadan olub. O, ABŞ-ın Missuri ştatında dünyaya gəlib. Onun əsl adı Marşal Bryus Matersdir.


Eminemin ailəsi də sənətçidir. Anası və atası “Daddy Warbucks” musiqi qrupunun üzvləri olub.

Uşaqlığı pis olan Eminemin atası oğlu 18 yaşlı olanda ailəni tərk edib. Ailə Detroytdakı maşın-evdə yaşamağa başlayıb.

Eminemin məktəb həyatı da parlaq olmayıb. Bir dəfə dərsdən qaçdığı üçün müəllimi tərəfindən döyülüb. Məhəllədəki bir neçə ağdərili uşaqdan biri olması da problemli idi. Afrika-amerikalı məhəllə uşaqlarının o dövrdə ən böyük əyləncəsi tutduqları ağdərililəri döymək idi.

9 yaşı olanda zəncilər tərəfindən elə döyüldü ki, komaya düşdü və 1 həftə reanimasiya şöbəsində qaldı.

İlk repini “i am bad”i yazanda 14 yaşı var idi. Bu mahnını “LL Coll J's” qrupuna satdı.

Eminem siqaret çəkmir. “Siqaret çəkən insanları çarəsiz hesab edirəm” deyir.

Eminem “Detroit Pistons” tərəfdarıdır. “Lose Yourself” mahnısı bu günə qədər ifa edilən ən ağıllı mahnıdır. Eminem bu mahnında anasını təhqir edib.

Mahnını ifa etmədən əvvəl anasına zəng edərək söyüşləri özünə götürməməyi xahiş edib.

Boyu 173 sm olan reperin əsas istəyi karikaturaçı və ya şair olmaq idi.


Eminemin Rihanna ilə duet oxuduğu “Love The Way You Lie” mahnısının klipinə çəkilən aktrisa Meqan Foks Eminem haqqında deyib:

“Onunla telefonda danışdım. Mən heç vaxt məşhur bir insanla danışanda həyəcanlanmıram və tərləmirəm. Onunla danışanda çox gərgin idim. Çünki ona qarşı kiçik səhv addım atsan, növbəti albomunda yer alacaqsan”.


Eminem Spider Man fanatıdır. “Rap God” mahnısını çox sürətlə oxuyub. “Lyrics” şirkəti mahnının sözlərini yazanda dəfələrlə səhvə yol verib.

Bəzi mənbələrə görə “Slim Shady” obrazı Eminemin ən pis tərəfidir. Bu obraz Eminemin məşhurlara, anasına, ətrafdakı insanlara, baş verən və baş vermiş hadisələrə söyüş söyən tərəfidir. Bu səbəbdən yüzdən çox məhkəmə prosesində iştirak edib. Eminem “Recovery” albomunda “Slim Shady” obrazından qurtulduğunu, onun çox pis bir insan olduğunu söyləyib.


Hikmət Həsənov
Ölkə.Az

ŞƏRH YAZ
0
BAĞLA