Manaf Ağayev: "İmkanım yoxdur, problemlər o qədərdir ki..."

Manaf Ağayev:
11:35
10.11.2017
2781
Maqazin
A
Tanınmış müğənni Manaf Ağayev yaradıcılığından danışıb.

Sənətçi "Ölkə.Az"a açıqlamasında bildirib ki, yeni mahnılar yazdırıb və bir neçə gündən sonra onları dinləyicilərinə təqdim edəcək. Sənətçi son illər solo konsert verənlərin azlığı və özünün solo konsert proqramı ilə çıxış edə bilməməsindən də söz açıb:

"İşlərim çoxdur. İşlərim o qədərdir ki, konsert zad yadıma düşmür. Problemlər o qədərdir ki, heç ildə bir-iki mahnını güclə yazdırıram. Cavan uşaqlar konsert versinlər də... Konsert maddiyyatdı, məsuliyyətdi. Toyda oxuduğunu orda oxumursan. Gərək məşqlər, yüksək səviyyəli hazırlıqlar olsun. Çox ağır və məsuliyyətli işdir. Amma hesabat konserti vermək arzum var".

Əməkdaşımızın "Bəlkə fəxri ad aldıqdan sonra konsert vermək istəyirsiniz" sualına M.Ağayev belə cavab verib:

"Fəxri adı alsam, məsuliyyət də artacaq. Ondan sonra işini-gücünü atıb, konsertin dalına düşürsən". 

İntiqam VALEHOĞLU
Ölkə.Az

ŞƏRH YAZ
0

Namiq Qaraçuxurlu ayağını sındırdı

Namiq Qaraçuxurlu ayağını sındırdı
21:13
16.12.2017
4879
Maqazin
A

Ölkə.Az Milli.Az-a istinadən xəbər verir ki, tanınmış meyxanaçı Namiq Qaraçuxurlu yıxılaraq ayağını sındırıb. Meyxanaçının ayağı 3 yerdən sınıb.

Namiq Qaraçuxurlu hal-hazırda xəstəxanalardan birindədir. Meyxanaçını bu vəziyyətində sənət yoldaşları da tək qoymayıb. Belə ki, Sevil-Sevinc bacıları, Əhməd Mustafayev, Manaf Ağayev, Aysun İsmayılova və teleaparıcı Afaq Gəncəli onun ziyarətinə yollanıblar.

Qeyd edək ki, müğənni dünən toydan evə gələrkən maşından düşmək istəyəndə ayağı bardyura dəyib.

ŞƏRH YAZ
0

İraq gözəli bu fotodan sonra ölkədən qaçdı

İraq gözəli bu fotodan sonra ölkədən qaçdı
11:10
16.12.2017
6493
Maqazin
A
Ötən ay Las Veqas şəhərində keçirilən gözəllik müsabiqəsində İraq gözəli Sara İdan ilə İsrail gözəli Adar Qandelsmanın çəkdirdiyi foto qalmaqala səbəb olub.

"Ölkə.Az" xəbər verir ki, iraqlı gözəl sülh naminə çəkdirdiyi fotoya görə ölümlə hədələndiyini bildirib. Bu səbəbdən Sara ailəsi ilə ölkədən qaçmaq məcburiyyətində qalıb.

Noyabr ayında keçirilən tədbirdən sonra iki gözəl dostluq münasibəti qurub. Bu səbəbdən də sülh naminə birlikdə foto çəkdirib. Amma bu foto İraqda qalmaqala səbəb olub. İdan və ailəsi təhdidə məruz qalıb. Bu səbəbdən ölkəni tərk etmək məcburiyyətində qalıb.

İdanın başına gələnləri isə Qandelsman dünyaya çatdırıb. Yəhudi gözəl İsrail mətbuatına açıqlama verib: "Bu fotodan sonra İdanın ailəsi ölüm qorxusu ilə ölkədən qaçmağa məcbur edildi. İnsanlar onları öldürmək istəyirdilər və foto silinməsə, tacını geri alacağını bildirirdilər. Ailə hadisələr sakitləşənə qədər ölkədən qaçıb".

Hikmət Həsənov
Ölkə.Az

ŞƏRH YAZ
1
BAĞLA