Manaf Ağayevdən jurnalistə hücum etməsi xəbərinə — AÇIQLAMA

Manaf Ağayevdən jurnalistə hücum etməsi xəbərinə
16:37
12.10.2018
5522
Maqazin
A
Tanınmış müğənni Manaf Ağayev ARB TV-nin "Şou news" verilişinin əməkdaşına hücum etməsiylə bağlı yayılan videoya münasibət bildirib.

 Müğənni "Ölkə.Az"ın əməkdaşıyla söhbətində bildirib ki, sözügedən görüntüləri özünün "İnstagram" hesabında da paylaşıb:

"Çəkiliş vaxtı verilişin əməkdaşına deyirəm ki, maşının sandıqçasına əl vurmayın. Çünki orada evin açarları, mini disklər, fləş kartlar və mənə aid digər əşyalar var. Sadəcə, anons elə yığılıb ki, guya mən nəsə başqa söz deyirəm. Heç bir problem yoxdur, həmin jurnalistlə də münasibətlərimiz qaydasındadır. O anonsu da özüm "İnstagram"da paylaşmışam. Pis şey olsa paylaşaram?"

Qeyd edək ki, sözügedən verilişin anonsu sosial şəbəkələrdə M.Ağayevin müxbirə hücumu kimi anlaşılıb.

İntiqam VALEHOĞLU
Ölkə.Az

ŞƏRH YAZ
0

Tanınmışlar İnstaqramda — FOTOLAR

Tanınmışlar İnstaqramda
22:55
24.05.2019
1519
Maqazin
A
Tanınmış şou-biznes nümayəndələri, incəsənət adamları İnstaqram sosial şəbəkəsində yeni fotolarını yayıblar.

"Ölkə.Az" məşhurların paylaşdığı son fotoları təqdim edir:

 

Ölkə.Az

ŞƏRH YAZ
0

Niyamın "çör-çöp" qalmaqalına münsiflər də qoşuldu

Niyamın
21:46
24.05.2019
998
Maqazin
A
Müğənni Niyam Salaminin "Yenu ulduz" ifaçılarını "çör-çöp" adlandırması ətrafında qalmaqal səngimək bilmir.

"Ölkə.Az"ın məlumatına görə, bu dəfə yarışmada münsif kürsüsündə oturan Xalq artisti Mübariz Tağıyev və "Soy" prodakşının və layihənin rəhbəri Oqtay Əliyev məsələyə fikir bildirib.

O.Əliyev axşam.aza açıqlamasında "Yeni ulduz" iştirakçılarının Azərbaycan estradasındakı rolundan bəhs edib:

"Onun sözlərinin iki mənası var: əgər Niyam bunu qara, pis, atmaca, sancma fikri ilə desəydi, münasibət başqa olardı. Niyam burada bənzətmə edib. Əslində, şou-biznesi, insanları əşyaya bənzətmək düz deyil. Yenə də ümid edirəm ki, onun çörək kəsdiyi, münasibəti olduğu insanlara qarşı fikri pis olmayıb.

Amma həmin o, "çör-çöp"lər Azərbaycan estrada janrında öz sözünü demiş, dünya səhnələrini fəth etmiş gənclərdir. Safura, Aysel, Çingiz, İlhamə, Elvin, Azad Şabanov və başqaları tanınır. Bunların heç biri küncdə, bucaqda, səviyyəsiz, mənasız mahnılar oxuyub, çıxıb onla-bunla qalmaqal edənlər deyil. Onlar qısa vaxt da olsa, bir məktəb keçdilər. Həmin ifaçılar bu məktəbin əlaçı tələbələridir.

Hamımız da ümidvarıq ki, gələcək onların əlindədir. Dedikləri "çör-çöp"lər Azərbaycan estradasında balaca da olsa, imza qoyacaqlar".

M.Tağıyev isə Niyam adlı bir müğənni tanımadığını deyib:

"O, kimdir? Tanımıram... "Çör-çöp" sözünə gəldikdə isə... Onlar məktəb keçiblər, mötəbər müsabiqələrə qatılıblar. Nələr etdiklərini hamı bilir. Kiməsə "çör-çöp" deməzdən əvvəl, həmin müğənni özü gedib nəsə etsin, tanınsın, yadda qalsın. Bu cür insanların sözlərinə fikir vermək lazım deyil".

Qeyd edək ki, Niyamın "çör-çöp" ifadəsinə müğənnilər İlhamə Qasımova, Aygün İsmayılova, Elvin Abdullayev, Aysel Əlizadə öz etirazını bildirmişdi. N.Salami isə onları özlərini reklam etməkdə ittiham etmişdi.

Ölkə.Az

ŞƏRH YAZ
0
BAĞLA