Manatla pul qazananlara — ŞAD XƏBƏR!

Manatla pul qazananlara
22:53
26.09.2017
591
İqtisadiyyat
A
Ekspertlər Azərbaycan manatının möhkəmlənəcəyini bildirirlər.

Dünya bazarında neftin bahalaşması Azərbaycna neftinin qiymətinə də təsir edib. Azərbaycanın dünya bazarına çıxardığı "Azeri LT CIF" markalı xam neftin 1 barelinin qiyməti 1,39 dollar və yaxud 2,35% artıb.

"Ölkə.Az" xəbər verir ki, "Azeri LT CIF" markalı neftin qiyməti 60,51 dollar/barelə bərabər olub. Azərbaycanlı mütəxəssislər bildirirlər ki, neftin bahalaşması birbaşa ölkə iqtisadiyyatına təsir etməsə də, manatın möhkəmlətməsinə səbəb olacaq.

İqtisadçı ekspert İlham Şaban “Ölkə.Az”a açıqlamasında bildirib ki, neftin bahalaşması Azərbaycan iqtisadiyyatına az da olsa təsir göstərəcək. Onun sözlərinə görə, bu bahalaşmaya aldanıb, böyük neft pullarına ümidli ola bilmərik.

“Tədiyyə balansına görə, ixracatda enerji daşıyıcılarından asılılıq 90 faizdir. Bizdə bu il ərzində 2 milyon tondan çox neft hasilatı azalıb. Neftin qiymətinin artımı həmin hasilatın azalmasını kompensasiya edir. Bu artım hətta bir qədər də əlavə qazanc əldə etməyə imkan verir. Təbii ki, biz böyük neft pullarına ümidli ola bilmərik. Çünki neft hasilatımız gələn illərdə artmayacaq. Ona görə də, gələn gəlirdən çalışmalıyıq ki, maksimum istifadə edək”, - deyə mütəxəssis bildirib.

İ.Şabanın sözlərinə görə, neftin bahalaşmasının Azərbaycan manatına müstəb təsiri olacaq: “Neftin bahalaşması rus rublunun möhkəmlənməsinə səbəb oldu. İndi Azərbaycan manatında da bu artım özünü göstərə bilər. Mərkəzai Bankın ehtiyatlarının toplanmasında və neft fondunun gəlirlərinin artmasında özünü göstərə bilər. Bu artım da manatın kursunun stabil saxlanılmasına xərclənər”. 

Millət vəkili, iqtisadçı ekspert Vahid Əhmədov da “Ölkə.Az”a açıqlamasında bildirib ki, neftin bahalaşması Azərbaycan üçün böyük əhəmiyyət kəsb edir.

“Azərbaycan büdcəsinə və Neft Fonduna gələn gəlirlər birbaşa neftin qiymətindən asılıdır. Əgər ilin əvvəlində neftin qiyməti Dövlət Büdcəsində 40 dollar götürülürdüsə, indi 45 dollar götürülür. Gələcəkdə neftin qiyməti 60-65 dollar olarsa, bu bizim üçün daha əhəmiyyətli olacaq. Neftin qiymətinin artımı Azərbaycan manatının stabil qalması üçün zəmin yaradacaq”, - deyə V.Əhmədov qeyd edib.

İqtisadçı ekspert Natiq Cəfərli da “Ölkə.Az”-a açıqlamasında bildirib ki, neftin qiymətinin bahalaşması Azərbaycan iqtisadiyyatına böyük təsir edir. Onun sözlərinə görə, bu artım manatın möhkəmlənməsinə səbəb olacaq amildir.

“Təbii ki, bu artım Azərbaycan iqtisadiyyatına böyük təsir edir. Son vaxtlar Azərbaycan neftinin hasilatının 9 faiz azalması kəsirlərin yaranmasına səbəb olmuşdu. İndi 2-3 gündür neftin bahalaşması ölkə iqtisadiyyatına elə də böyük təsir göstərməyəcək. Əgər bahalıq 2-3 ay davam edərsə, bu zaman ölkə iqtisadiyyatında gözlə görünəcək səviyyədə dəyişiklik müşahidə oluna bilər. Hər halda neftin qiyməti nə qədər yüksəkdirsə, ölkənin valyuta gəlirləri bir o qədər artacaq. Bu həm manatın bahalaşmasına və həm də ümumi iqtisadiyyata müsbət təsir göstərəcək”.

Ziya Səccad
Ölkə.Az

ŞƏRH YAZ
0

Ölkədə tikilən mənzillərin kvadratmetrinin dəyəri bəlli oldu

Ölkədə tikilən mənzillərin kvadratmetrinin dəyəri bəlli oldu
17:15
22.07.2018
1435
İqtisadiyyat
A
Bu ilin birinci yarısında bütün maliyyə mənbələri hesabına ümumi sahəsi 946,4 min kvadrat metr və ya ötən ilin müvafiq dövrü ilə müqayisədə 12,9 faiz çox yeni yaşayış evləri tikilib istifadəyə verilib.

"Ölkə.Az" rəsmi statiistikaya istinadən xəbər verir ki, yanvar-iyun aylarında mənzil tikintisində istifadə edilmiş vəsaitin həcmi 463,8 milyon manat olub.

Bunun 89,3 milyon manatı dövlət, 374,5 milyon manatı isə qeyri-dövlət mülkiyyətində olan müəssisə və təşkilatların, habelə əhalinin payına düşüb.

Rəqəmlərin müqayisəsi göstərir ki, 2018-ci ilin 6 ayında Azərbaycanda tikilən mənzillərin 1 kvadratmetrinin orta qiyməti 490 manat təşkil edib. 

Qeyd edək ki, ölkə vətəndaşları mənzil şəraitlərinin yaxşılaşdırması məqsədilə şəxsi vəsaitləri hesabına 6,0 min yaşayış evi tikib. Onların əksəriyyəti Naxçıvan Muxtar Respublikasında, Bakı və Sumqayıt şəhərlərində, Masallı, Tovuz, Qazax, Abşeron, Qəbələ, Şəmkir və Cəlilabad rayonlarının payına düşüb.

Ölkə.Az

ŞƏRH YAZ
0

Ölkə üzrə istixanaların sayı açıqlanıb

Ölkə üzrə istixanaların sayı açıqlanıb
12:38
22.07.2018
1764
İqtisadiyyat
A
2018-ci il iyul ayının 1-nə ölkədə ümumi sahəsi 1,3 min hektar olan 2907 vahid istixana fəaliyyət göstərib.

"Ölkə.Az" xəbər verir ki, Dövlət Statistika Komitəsindən Modern.az-a verilən məlumata görə, ötən ilin müvafiq dövrü ilə müqayisədə istixanaların ümumi sayında 4,2 faiz, onların sahəsində isə 6,8 faiz artım olub.

Ötən ilin müvafiq dövrü ilə müqayisədə bu ilin yanvar-iyun aylarında istixanalarda yetişdirilən əsas məhsullardan olan pomidorun istehsalı 4,3 faiz artaraq 173,1 min ton, xiyarın istehsalı isə 2,7 faiz artaraq 7,8 min tona çatıb.

Ölkə.Az

ŞƏRH YAZ
0
BAĞLA