“Mançester Siti” bir daha çempion oldu

“Mançester Siti” bir daha çempion oldu
22:10
12.05.2019
1425
İdman
A
Mayın 12-də İngiltərə Premyer Liqasının sonuncu - 38-ci turu keçirilib.

"Ölkə.Az" xəbər verir ki, sonuncu tur olduğundan 10 oyunun hamısı eyni anda başlayıb.

Premyer Liqada çempionluq uğrunda əsas mübarizə “Liverpul” və “Mançester Siti” komandaları arasında gedirdi. Belə ki, 37 turdan sonra “Mançester Siti” 95 xalla birinci, “Liverpul” isə 94 xalla ikinci yerdə qərarlaşmışdı.
“Mançester Siti” səfərdə “Brayton” komandasının 1:4 hesabı ilə məğlub edərək ardıcıl ikinci, tarixində isə yeddinci dəfə çempion olub. Pep Qvardiolanın yetirmələrindən Serxio Aqüero, Aymerik Laport, Riyad Mahrez və İlkay Gündoğan fərqləniblər. Meydan sahiblərinin yeganə qoluna isə Qlen Mürey imza atıb.

Klubun ilk çempionluğu 1936-ci ilə təsadüf edir. Həmin il rəqiblərinə şans verməyən “Şəhərlilər” “Çarlton Atletik” klubunu 8 xal qabaqlayaraq çempion olublar. Klub, həmçinin dəfələrlə İngiltərə kuboku və Superkubokunun qalibidir.

“Liverpul” son turda doğma azarkeşlər önündə “Vulverhempton” komandası ilə qarşılaşıb. Yürqen Kloppun yetirmələri 17-ci dəqiqəsində Trend Aleksander-Arnold və 81-ci dəqiqədə Sadio Manenin vurduğu qollarla rəqibini 2:0 hesabı ilə məğlubiyyətə uğradıblar.

Turun digər oyunlarında aşağıdakı hesablar qeydə alınıb:

“Börnli” - “Arsenal” - 1:3

“Kristal Pelas” - “Bornmut” - 5:3

“Fulhem” - “Nyukasl” - 0:3

“Lester Siti” - “Çelsi” - 0:0

“Mançester Yunayted” - “Kardif Siti” - 0:2

“Sauthempton” - “Haddersfild” - 1:1

“Tottenhem” - “Everton” - 2:2

“Uotford” - “Vest-Hem” - 1:4

Ölkə.Az

ŞƏRH YAZ
0

“Arsenal” futbolçuları Bakıya uçur — FOTOLAR

“Arsenal” futbolçuları Bakıya uçur
15:44
Bu gün
304
İdman
A
Bu gün “Arsenal” komandasının futbolçuları təyyarə ilə Bakıya uçublar.

 “Ölkə.Az” xəbər verir ki, London klubunun rəsmi internet səhifəsində məsələ ilə bağlı fotolar yerləşdirib. Fotolarda futbolçular hava limanında və təyyarədədirlər. Mesut Özil, Qranit Caka və Denni Uelbek də Bakıya uçan futbolçular arasındadırlar.

Qeyd edək ki, 29 may tarixində Bakının Olimpiya Stadionunda “Arsenal”  və “Çelsi” komandalarının qarşılaşması baş tutacaq.

Ölkə.Az

ŞƏRH YAZ
0

Azad Rəhimov: Mxitaryana görə F-16 qırıcılarını göndərək?

Azad Rəhimov: Mxitaryana görə F-16 qırıcılarını göndərək?
15:24
Bu gün
188
İdman
A
Azərbaycan Bakıda olacağı müddətdə “Arsenal” klubunun futbolçusu Henrix Mxitaryanın təhlükəsizliyinə tam zəmanət verir.

"Ölkə.Az" xəbər verir ki, bu haqda Azərbaycanın Gənclər və İdman naziri Azad Rəhimov CNN-ə verdiyi müsahibədə danışıb.

Amerika telekanalının jurnalisti Azərbaycanın Mxitaryanın təhlükəsizliyinə daha çox zəmanət verməyə hazır olub-olmadığını soruşub. Nazir Azərbaycanın bütün mümkün zəmanətləri verdiyini vurğulayıb.

“Başqa nə etməliyik ki? Dalınca F-16 qırıcılarının müşayiəti ilə şəxsi təyyarə göndərməliyik? Bundan başqa nə edə bilərik axı?”, - deyə nazir bildirib.

A.Rəhimov  Mxitaryanın Bakıya gələcəyi təqdirdə təhlükəsizliyinin tam təmin olunacağı ilə bağlı bütün sənədlərin həm UEFA, həm də futbolçunun çıxış etdiyi “Arsenal” futbol klubuna göndərildiyini diqqətə çatdırıb.

“Azərbaycan hökumətinin, həmçinin, Azərbaycan Futbol Federasiyaları Assosasiyası və təhlükəsizliyə cavab verən bütün dövlət orqanlarının adından zəmanət məktubu göndərmişəm”, - deyə nazir əlavə edib.

O, həmçinin, qeyd edib ki, Mxitaryana şəxsən təhlükəsizliklə bağlı zəmanətlərin çatdırılması üçün onun Azərbaycan səfirliyi ilə əlaqə yaratması təklif edilsə də, futbolçu müraciət etməyib.

Bakıya gəlmək istəyən digər erməni əsilli futbol azarkeşlərinə gəlincə, nazir Azərbaycanın heç vaxt azarkeşlərin ölkədə keçirilən beynəlxalq miqyaslı idman tədbirlərində iştirakına əngəl yaratmadığını dilə gətirib.

“Erməni əsilli istənilən şəxs Azərbaycana viza almaq üçün sorğu göndərə bilər”, - deyə o əlavə edib.

Xatırladaq ki, UEFA Avropa Liqasının finalı mayın 29-da Bakı Olimpiya Stadionunda keçiriləcək.

Bundan əvvəl “Arsenal” klubu erməni futbolçu Henrix Mxitaryanı “Çelsi”yə qarşı matça Bakıya gətirməyəcəyini bəyan edib.  

“Biz Mxitaryanla bağlı bütün variantları nəzərdən keçirmişik, onunla və ailəsi ilə danışıqlar aparmışıq. Keçirilən görüşdən sonra qərar aldıq ki, o, final oyununda oynamayacaq. Biz artıq bu barədə UEFA-nı da məlumatlandırmışıq”, - deyə saytda dərc olunan bəyanatda deyilib.

Ölkə.Az

ŞƏRH YAZ
0
BAĞLA