Mançester terrorunda 50 uşağı xilas edən Paula danışdı

"Ölkə.Az" xəbər verir ki, qadın uşaqları bir otelə aparıb və orada qoruyub. Robinson deyib: "Evliliyimizin il dönümünü qeyd edəndə hücuma məruz qaldıq. Artıq o tarixi bir daha qeyd etməyəcəyik. Başqa gün seçəcəyik".

48 yaşlı Paula əri ilə evliliklərinin 13-cü ilini qeyd etmək üçün şəhərdə olub. Sonra isə evə qayıtmaq üçün Viktoriya avtobus terminalına gedib. Paula bu hadisəni belə xatırlayır: "Terminalın yanındakı stadiondan partlayış səsi gəldi. O dəqiqə ora qaçdıq. Panikada olan uşaqları sakitləşdirməyə çalışdıq".

Uşaqların valideynlərinə sosial şəbəkədən "uşaqlarınız mənim yanımdadır, lütfən mobil telefonumla əlaqə saxlayın" cümləsi ilə mesaj buraxıb. Bu hərəkətinə görə bəziləri ona "Mələk", bəziləri isə "Paula ana" adlandırır.

Hikmət
Ölkə.Az