Mançesterdə terror aktı törədən şəxsin atası və qardaşları saxlanılıb
Mançesterdə terror aktı törədən Salman Abedinin atası saxlanılıb.
“Ölkə.Az” xəbər verir ki, Ramadan Abedi Tripolidə televiziyaya müsahibə verərkən maskalı şəxslər tərəfindən saxlanılıb.
Onun 90-cı illərdə Böyük Britaniyada terror təşkilatı kimi tanınan Liviya İslam Döyüşçü Qrupunun (LİFG) üzvü olduğu bildirilir
Qeyd edək ki, bundan əvvəl Mançesterdə törədilən terror aktı ilə əlaqədar terrorçu-kamikadze Salman Abedinin iki qardaşı da saxlanılıb. Keçirilən əməliyyat zamanı Salman Abedinin 1997-ci il təvəllüdlü Haşim Abedi və İsmail Abedi saxlanılıb.
Mançester şəhərində amerikalı müğənni Ariana Qrandenin konserti zamanı törədilən terror aktında ölənlərin sayı 22-yə çatıb. Yaralıların sayı 59 nəfərdir. Hadisəyə görə məsuliyyəti İŞİD terror təşkilatı öz üzərinə götürüb.
Ziya Səccad
Ölkə.Az
