Mançesterdə terror aktını törədən şəxsin kimliyi müəyyən olub

“Ölkə.Az” xəbər verir ki, bu barədə şəhər polis idarəsinin rəisi İon Xopkinq bildirib. Onun sözlərinə görə, terroru 22 yaşlı Salman Abedin törədib.

“Biz terror aktını törədən şəxsin kimliyini müəyyən etmişik. Bu 22 yaşlı Salman Abedindir. Lakin terrorun hansı şəraitdə hazırlandığı və necə həyata keçirilməsi dəqiqləşdirilir. Bu səbəbdən də, hadisə ilə bağlı ətraflı açıqlama verə bilmirik”. – deyə polis rəisi bildirib.

Terrorla bağlı Böyük Britaniyanın Baş naziri Tereza Mey açıqlama verib. O, mətbuat konfransında terrorçunun 22 yaşlı biri olduğunu deyib. 

“Hələlik terror aktını törədən şəxsin yaşı müəyyən edilib. Onun kimliyi barədə də müəyyən şübhələr var. Lakin dəqiqləşmə aparılır”, - deyə Tereza Mey bildirib.

Qeyd edək ki, Mançester şəhərində amerikalı müğənni Ariana Qrandenin konserti zamanı törədilən terror aktında ölənlərin sayı 22-yə çatıb. Yaralıların sayı 59 nəfərdir. Hadisəyə görə məsuliyyəti İŞİD terror təşkilatı öz üzərinə götürüb. 

Ziya Səccad
Ölkə.Az