\"Manchester United\"dən Ronaldo və Morata həmləsi
Ronaldonun "Real"la yollarını ayırmaq istəməsi barədə söz-söhbətlərdən sonra onun hansı kluba gedə biləcəyi axtarılır.
Bunlardan biri portuqaliyalı ulduzun sabiq komandası "Manchester United"dir.
Ölkə.Az Goal.az-a istinadən xəbər verir ki, "Tuttosport" "qırmızı şeytanlar"ın Madrid klubuna təklifi barədə yazır. İdman nəşrinin məlumatına görə "United" Morata və Kriştianu Ronaldonu heyətə cəlb etmək üçün qarşı tərəfə 210 milyon avro təklif edir. Üstəlik "manikunainlar" David De Xeanı da "kral klubu"na buraxmağa hazırdır.
Güman olunur ki, "Real" De Xeanı alsa, Canluici Donnarummanın transferindən əl çəkəcək. Belə olan halda "Juventus"un gənc qapıçını heyətə cəlb etmək şansları artacaq.
