Maradona “Dinamo” klubuna rəhbər təyin edildi
Əfsanəvi futbolçu Dieqo Maradona Belarusun “Dinamo” klubu ilə üçillik müqavilə imzalayıb.
“Ölkə.Az” xəbər verir ki, argentinalı futbolçu Brestin “Dinamo” futbol klubunun sədri olacaq.
“Dieqo Armando Maradona “Dinamo-Brest” futbol klubu ilə üçillik müqavilə imzalayıb. Futbolçu klubun sədri vəzifəsinə başlayıb”, - deyə klubun rəsmi məlumatında deyilir.
Maradona klubun strateji inkişaf məsələləri ilə məşğul olacaq. Eyni zamanda alt bölmələrinə nəzarət edəcək. Bu sıraya “Dinamo-Brest” uşaq futbol akademiyası da daxildir.
Qeyd edək ki, Rusiyada futbol üzrə keçirilən dünya çempionatı başa çatdıqdan sonra Maradona rəsmən işə başlayacaq.
Hikmət Həsənov
Ölkə.Az
