Maral Tahirqızı həbsxana həyatından danışır — "Yanına gələni olmayanlara pul verirdim, işimi görürdülər" - MÜSAHİBƏ

Maral Tahirqızı həbsxana həyatından danışır
12:18
14.10.2017
641
Maqazin
A

Müğənni Maral Tahirqızı "Ölkə.Az"-ın suallarını cavablandırıb. Qeyd edək ki, sənətçi  2015-ci ildə Cinayət Məcəlləsinin 244-ci (əxlaqsızlıq yuvası təşkil etmə) maddəsi ilə 3 il müddətinə azadlıqdan məhrum edilmişdi.

- Maral xanım, nə vaxtdan azadlığa buraxılmısınız?

- Bu ayın 9-da, axşam 7-8 radələrində oranı tərk etmişəm. İki il, beş ay, iyirmi səkkiz gün həbsxanada oldum.

- Amma sizin cəza müddətiniz üç il idi.

- Bəli, ən sərt cəzanı vermişdilər. 

- Yəqin ki, nümunəvi davranmısınız...

- Mən kobud hərəkətləri sevmirəm. Orada da heç kimlə narazılığım olmayıb. Ancaq gözəl xanımlarla yanaşı, özlərini kobud aparanlar da var idi. 

- Bu müddət sizə dərs oldumu? Hansı nəticələri çıxardınız?

- Mən həbsxanadan dərs ala bilmərəm. Cinayətkardan nə dərs almalıyam? Cinayətkar aləmdən həmişə qaçmışam. Orada elə cinayət törətmiş insanlar var ki. Sadəcə, dözülməzdir. Elələri də var ki kiminsə ucbatından ora düşmüşdü.

- Əslində niyə həbsə düşdüyünüzü bilirsiniz? Qadın alveriylə məşğul olduğunuz bildirilirdi.

- Esmira Vəliyeva adlı bir qadın vardı, gözəllik salonunda işləyirdi. Dedi ki, qaş alıram. Bir dəfə də estetik klinikada rastlaşmışıq. Yaşadığım ünvanı soruşdu, dedim. Bildirdi ki, nə vaxt istəsən, gəlib üzünü, qaşını alaram. Sonra da bir neçə dəfə zəng vurdu. Deyirdim ki, Azərbaycanda yoxam, evdə deyiləm. Saat 12-dən 5-ə qədər fotosessiyada olmuşam. Gəlmişəm ki beş saatdır liftin qarşısında gözləyir. Dedi ki, gəldim çay içək, söhbət edək. Gördüm arxasınca da bir qadın gəldi. Qadının kim olduğunu Esmiradan soruşanda bildirdi ki, qonşumdur, qadın həkiminə gəlib. Esmiranın təxminən əlli, qadının qırx yaşı olar. Mətbəxə keçdik. Üç-dörd dəqiqədən sonra İnsan Alverinə Qarşı Mübarizə İdarəsinin əməkdaşları içəri girdilər. Dedim ki, bu qadınları tanımıram. Sonuncu məhkəmədə də qərar çıxarılıb ki, mən Vəliyevanı tanımıram. 

- Həbsxanada sizi tanıdılarmı?

- Çoxdan həbsdə olanlar tanımadılar, ancaq yeni həbsə düşənlər tanıyırdılar. 

- Sizə qarşı münasibət necə idi?

- Pis deyildi. Məni sevənlər, cinayətkar xarakterli insanlar da vardı. 

- Boş vaxtınızda nə işlə məşğul olurdunuz?

- Demək olar ki, heç nə ilə məşğul olmamışam. Qəzetlər oxuyurduq, arabir filmlərə baxırdım. Amma xəbərlərin bir buraxılışını da buraxmırdım.

- Toy qiymətinizdə dəyişiklik olacaq?

- Hər kəsin maddi durumu fərqlidir. Ayağımı dirəyib deyə bilmərəm ki, filan məbləği verməlisən. 

- Sənətçilərdən yanınıza gələnlər olurdu?

- Heç bir həmkarım yanıma gəlməyib. Ancaq böyük bacım ayda iki-üç dəfə gəlirdi. 

- Həbsdən çıxandan nə işlə məşğulsunuz?

- Bildiyiniz kimi Məhərrəm ayıdır. Bu ayda Allah qapıları üzümə açdı, çıxdım. Fəaliyyətimi davam etdirəcəyəm. Hələlik toylar da yoxdur. Həbsxanadakılar deyirdilər ki, biz çıxanda səni mütləq toylarımıza çağıracağıq.

- Rəfiqəniz vardı?

- Bəli, yaxşı münasibətim olan qadınlar vardı. 

- Bildiyimə görə, həbsxanada əksəriyyətin ləqəbi, təxəllüsü olur...

- Mənə heç bir ləqəb qoymayıblar. Elə Maral Tahirqızı kimi tanıyırdılar.

- Ailə həyatı qurmaq barədə düşünürsünüz?

- Həbsdən yeni çıxmışam, elə şeylər haqda düşünmürəm. Hələ də mənə yuxu kimi gəlir ki, doğrudanmı həbsxanada olmuşam? Çünki həbsxana mənim aləmim deyil. İnsan hər yaşında ailə qura bilər. Zövqümcə insan olsa, ailə qurmaqdan imtina etmərəm.

- Zövqünüzcə deyərkən?

- Birincisi, alicənab, şəxsiyyətli olmalıdır, davranışını bilməlidir, mədəniyyəti yüksək olmalıdır. Yəqin ki, bir az da görünüşü olmalıdır (gülür). 

- Bəs maddi durumu?

- Maddi durumu da gözəl olmalıdır ki, yaşaya biləsən (gülür).

- Bəs müğənni olsa?

- O haqda düşünməmişəm. Peşəsindən asılı olmayaraq, insanın daxili aləmi, mənəviyyatı zəngin olmalıdır. 

- Səsiniz yerindədirmi?

- Elə bil ki, səsim daha gözəlləşib, zənginləşib, gurlaşıb. Bəlkə də az oxuyurdum, enerji yığılıb.  

- Həbsxana rejimi necədir?

- Saat 11-dən sonra adamlar sayılırdı. Saat 11-dən sonra çölə çıxmaq olmaz. Həyətə də xalatla çıxmaq lazımdır. Səhər 7-də zəng vurulurdu. On beş dəqiqədən sonra yoxlama olurdu. 240 nəfərlik masada yemək yeyirdik.

- Gündəlik hansı iş bölgüləri olurdu?

- Sözün düzü, mən o işləri görmürdüm.

- Niyə?

- Yanına gəlməyəni olanlara hörmət edirsən, sənin əvəzinə işləyir. Təxminən iki aydan bir altmış nəfərlik otağı yığışdırmaq növbəm olurdu. Onda da yanına gələni olmayanlardan birinə hörmət edirdim, əvəzimə təmizləyirdi.

- Həbsxanadan çıxanda sizi kim qarşıladı?

- Ancaq bacım bilirdi. O da gəlmişdi.

- Hazırda maddi ehtiyaclarınızı kim qarşılayır?

- Bankda pulum var idi. Səhəri gün gedib pulumu çıxartdım. Amma elə bil hər şey sıfırdan başlayır. Əlimi nəyə vururamsa, sınıqdır (gülür). 


İntiqam VALEHOĞLU
Ölkə.Az

ŞƏRH YAZ
0

Aytac Vidadiqızı oğul anası olacaq — VİDEO

Aytac Vidadiqızı oğul anası olacaq
11:33
Bu gün
105
Maqazin
A
ARB TV-nin “Canım sizə desin” proqramının budəfəki qonağı müğənni Aytac Vidadiqızı olub.

"Ölkə.Az" xəbər verir ki, proqramın aparıcısı efirdə ekskluziv açıqlama verib.

Belə ki, əməkdar artist Mehriban Xanlarova Aytac Vidadiqızının yaxın zamanlarda ana olacağını deyib. Müğənni bunu təsdiqləyərək oğul anası olacağını bildirib:

“Oğlan olacaq. Bunu siz hardan bildiniz? Heç yerdə söyləməmişdim”.

Müğənni qeyd edib ki, atasının adını qoymaq barədə düşünməyib:

“O haqda düşünməmişəm. Həmişə evdə bu mövzuda dava gedib. Balaca qardaşım Əhməd deyib ki, oğlumun adını Vidadi qoyacam”.

Ölkə.Az

ŞƏRH YAZ
0

Azərbaycanlı model ərəb şeyxinin qızından evlilik təklifi almasından danışdı — FOTO

Azərbaycanlı model ərəb şeyxinin qızından evlilik təklifi almasından danışdı
00:22
Bu gün
5537
Maqazin
A
Azərbaycanlı model Əli Hüseynov ərəb şeyxlərindən birinin qızından evlilik təklifi almasından danışıb.

"Ölkə.Az"ın məlumatına görə, musavat-a açıqlama verən model bildirib ki, ərəb ölkələrində populyar olduğu üçün qadınların diqqətini çəkməyi bacarır:  

"Ərəb şeyxinin qızından evlilik təklifi almışam. Xanım mənə mesaj bölməsində yazdı, evlənməyi təklif etdi. Fotolarım ərəb ölkələrində çox populyardır, sosial şəbəkədə tez-tez paylaşılır. Təklifə müsbət cavab vermədim. Azərbaycan qızlarını dünyanın heç bir yerindəki qızlara dəyişmərəm".

Qeyd edək ki, sosial şəbəkə fenomeni olan Ə.Hüseynov "Mister Azerbaijan 2017" müsabiqəsinin də qalibidir.

Ölkə.Az

ŞƏRH YAZ
1
BAĞLA