Marin Le Pen: \"Millət vəkili namizədi olacam\"
Fransa prezidentliyinə keçirilən seçkilərdə məğlub olan Marin Le Pen millət vəkili olmaq istəyir.
"Ölkə.Az" xəbər verir ki, ifrat sağ görüşlü "Milli Cəbhə" partiyasının sədri olan Le Pen gələn ay Fransada keçiriləcək millət vəkili seçkilərində namizəd olacağını açıqlayıb.
"TF1" televiziya kanalının "11 və 18 iyunda keçiriləcək millət vəkili seçkilərində namizəd olacaqsınızmı?"-sualına Le Pen müsbət cavab verib.
7 may tarixində keçirilən prezident seçkilərində Emmanuel Makrona məğlub olan Marin Le Pen 10.6 milyon seçicinin səsini toplamışdı. Qadın siyasətçi deyib: "Çox vacib olduğunu düşündüyüm bir savaşda savaşçılarıma rəhbərlik etməməyi düşünə bilmərəm".
Hikmət
Ölkə.Az
