Mark Töner “Türkiyənin İraqdakı əməliyyatları Amerika hərbçilərinin həyatını təhlükə altında qoyub”
"Ölkə.Az" xəbər verir ki, M.Töner Türkiyə tərəfinin koalisiya ilə əlaqəsinin olmamasının regionda Amerika hərbçilərinin həyatını təhlükə altında qoyduğunu bildirib.
"Biz yüksək səviyyədə Türkiyə hökumətinə bu günlərdə atılan addımla bağlı dərin narahatçılığımızı çox dəqiq şəkildə ifadə etdik. Onlar nəinki addımlarını koalisiya ilə əlaqələndirməyiblər, hətta, həmin rayonda olan ABŞ hərbçilərinin həyatı üçün ciddi təhlükə yaradıblar", — deyə Töner bildirib.
Qeyd edək ki, Türkiyə Hərbi-Hava Qüvvələri aprelin 25-də kürd terror qruplaşmalarının (PKK, PYD, YPG) Suriya və İraqdakı mövqelərinə güclü zərbələr endirib. Ankara bundan əvvəl dəfələrlə Vaşinqtonu PYD və YPG-ni silahlandırmaqda ittiham edib. ABŞ İŞİD-lə mübarizədə kürd terror qruplaşmalarını müttəfiq hesab edir.
Ərdoğan, Türkiyənin kürd terrorçularına qarşı keçirilən əməliyyat barədə Rusiya, ABŞ və digər tərəfdaş ölkələri əvvəlcədən xəbərdar etdiyini bəyan edib. Moskva zərbələrin qəbuledilməz olduğunu, əməliyyatlar barədə İraq və Suriya hökumətlərinin məlumatlandırılmalı olduğunu bildirib.
Ziya Səccad
Ölkə.Az
