KORONAVİRUSA YOLUXANLARIN SAYI - CANLI STATİSTİKA

Mark Zukerberqi cərimələdilər — SƏBƏB

Mark Zukerberqi cərimələdilər
20:00
11.07.2018
1822
Dünya
A
“Facebook” şirkəti “Cambridge Analytica” ilə əməkdaşlıqla bağlı yaranan qalmaqala görə ilk cəriməni ödəyəcək.

“Ölkə.Az” xəbər verir ki, on milyonlarla sosial şəbəkə istifadəçisinin məlumatlarının ötürülməsinə görə Mark Zukerberq 500 min avro ödəyəcək.

Bildirilir ki, “Facebook” məlumatların qorunmasına dair qanunu iki dəfə pozub. İlk dəfə 1998-ci ildə şirkət sosial şəbəkə istifadəçilərinin şəxsi məlumatlarının təhlükəsizliyini qorumayıb və bu məlumatlar üçüncü şəxslər tərəfindən istifadə edilib. Növbəti qanun pozuntusu isə “Cambrdige Analytica” şirkəti ilə bağlıdır.

Bu dəfə 10 milyonlarla istifadəçinin məlumatları şirkətə ötürülüb. May ayında isə “Facebook” 200-dən çox tətbiqi dayandırdığını bəyan etdi.

Hikmət Həsənov
Ölkə.Az

ŞƏRH YAZ
0

Əkrəm İmamoğlu Azərbaycan xalqını təbrik etdi — FOTO

Əkrəm İmamoğlu Azərbaycan xalqını təbrik etdi
15:30
Bu gün
792
Dünya
A
“Azərbaycan xalqının Respublika Gününü təbrik edirəm. 102 il əvvəl Azərbaycan Xalq Cümhuriyyətini elan edən dost və qardaşlarımızla ürəklərimiz hər zaman birlikdə döyünəcək”.

“Ölkə.Az” xəbər verir ki, bu sözləri Türkiyənin İstanbul Böyük Şəhər Bələdiyyəsinin sədri Əkrəm İmamoğlu “Twitter” səhifəsində Azərbaycan xalqına təbrik mesajında yazıb.

Ölkə.Az

 

ŞƏRH YAZ
0

İyunun 1-dən etibarən ölkədə qatarla sərnişin daşıma başlayacaqmı — RƏSMİ AÇIQLAMA

İyunun 1-dən etibarən ölkədə qatarla sərnişin daşıma başlayacaqmı
15:01
Bu gün
1682
Dünya
A
"Azərbaycan Dəmir Yolları" QSC beynəlxalq və ölkədaxili sərnişin daşıma fəaliyyətini bərpa etməyə hazır vəziyyətdədir.

Bunu “Ölkə.Az”a açıqlamasında "Azərbaycan Dəmir Yolları" QSC Natavan Bayramova bildirib.

Onun sözlərinə görə, ancaq "Azərbaycan Dəmir Yolları" QSC Nazirlər Kabinetinin müvafiq qərarına əsasən, martın 29-dan ölkədaxili və beynəlxalq istiqamətlərdə sərnişindaşımalarını dayandırdığından , məhz Nazirlər Kabineti yanında Operativ Qərargahın müvafiq qərarına uyğun olaraq  bərpa edəcək.

“Lakin buna baxmayaraq "Azərbaycan Dəmir Yolları" QSC bu müddət ərzində qatarların, xətlərin , yolların xidmətə hazır  vəziyyətdə olması  üçün müvafiq  texniki işləri həyata keçirməkdədir. Odur ki, qərar olan kimi biz fəaliyyətə başlayacağıq. Hesab edirəm ki, iyunun 1-dən sonra yumşaldılma prosesi davam edərsə və pandemiya ilə bağlı durum imkan verərsə  beynəlxalq və ölkədaxili sərnişin daşımaya da icazə verilə bilər. Bir daha qeyd edirəm ki, bu  Nazirlər Kabinetinin qərarından asılıdır”- N.Bayramova bildirib.

Bununla belə o əlavə edib ki, bütün sahələrə olduğu kimi pandemiya Dəmir yollarının fəaliyyətinə, xüsusi ilə sərnişin daşımaya təsirsiz ötüşməyib: “Düzdü  yükdaşımalarımız fasiləsiz şəkildə davam edir. Sərnişin daşımalarının isə sayı təbii olaraq azalıb.

"Azərbaycan Dəmir Yolları" QSC Nazirlər Kabinetinin müvafiq qərarına əsasən, martın 29-dan ölkədaxili və beynəlxalq istiqamətlərdə sərnişindaşımalarını dayandırıldığından, yalnız Abşeron Dairəvi Dəmir Yolu xətti üzrə məhdud sayda qatar  işləyir. Statistik göstəricilərə gəlincə, bu ilin birinci rübü üçün ən çox sərnişin fevral ayında daşımışıq, 430 mindən çox. Yanvarda sərnişinlərimizin sayı 400 minin üzərində olub, bu rəqəmlər martda təxminən 2 dəfə azalıb, apreldə isə haradasa 30 minin üzərində sərnişin daşıya bilmişik. 

Məlumat üçün bildirim ki, mayın 4-dən xüsusi karantin rejiminin yumşaldılmasından sonra sərnişin sıxlığının artdığını nəzərə alaraq, xəttə daha 2 qatar buraxılıb. Mayın 18-dən xüsusi karantin rejimi çərçivəsində tətbiq edilən bəzi məhdudiyyətlərin aradan qaldırılması ilə əlaqədar yenidən sərnişin sayında artım olduğunu müşahidə etdik. Ona görə də martın 20-dən həmin marşrut üzrə xəttə daha 2 qatar  əlavə edilib”.

Mürtəza
Ölkə.Az

ŞƏRH YAZ
0
BAĞLA