Marketinq kommunikasiyaları sahəsində çalışanlar təşkilatlandılar

Marketinq kommunikasiyaları sahəsində çalışanlar təşkilatlandılar
15:40
16.04.2018
1164
İqtisadiyyat
A
Marketinq kommunikasiyaları sahəsində fəaliyyət göstərənlər ortaq maraqlarının qorunması, sektorun daha da inkişafı və sektor daxilində maariflənmə səviyyəsinin yüksəldilməsi üçün təşkilatlandılar.

“Ölkə.Az” xəbər verir ki, Azərbaycan Marketinq Kommunikasiyaları Assosiasiyası Məmməd Şahməmmədov (AA&M), Elnur Nurəliyev (McCann Baku), Emin Quluzadə (PeopleBrand), Ceyhun İmanov (JIS), Abbas Fətullayev (TradeMark/Leo Burnett Azerbaijan), Afət Yaqubova (Laboratoriya PR), Namiq Bayramov (YelloAD), Aygün İslamzadə (Kapital Bank), Sabit Məmmədov (Admedia), Azər Nəcəfov (YelloAD), Rəşad Nəzərli (PeopleBrand), Elnur Osmanov (Air Group) və Teymur Məmmədov (PamPam Kreativ Butik) kimi marketinq kommunikasiyaları sahəsində böyük təcrübəyə malik mütəxəssislər və tanınmış şirkət rəhbərləri tərəfindən təsis olunub.

Birlik “Reklam haqqında” Azərbaycan Respublikasının Qanununa müvafiq olaraq, özünütənzimləmə funksiyası həyata keçirməyi qarşısına məqsəd qoyub.

Amma MKA təkcə maraqların qorunması ilə kifayətlənməyəcək.
Marketinq kommunikasiyalarının kompleks inkişafı üçün müxtəlif sahələrdə çalışan mütəxəssisləri bir araya gətirib, birgə fəaliyyət göstərmək, münaqişələrin həllində mediator olmaq, üzvlər arasında bilik, təcrübə və fikir mübadiləsinə, eləcə də, gənc mütəxəssislərin inkişafına şərait yaratmaq, reklam standartlarını və fəaliyyətlərini inkişaf etdirmək, marketinq kommunikasiyaları sahəsində fəaliyyət göstərən şirkət və mütəxəssislərin hüquqlarını dövlət və özəl qurumlar qarşısında müdafiə etmək, etik kodeks hazırlayaraq təbliğ, tətbiq və tətbiqinə nəzarət kimi məqsədlərə nail olmaq niyyətindədir.

Marketinq kommunikasiyaları sahəsində müəllif hüquqlarının müdafiəsi, kommunikasiya materiallarında Azərbaycan dilinin təmizliyinin qorunması kimi vacib və aktual məsələlər, həmçinin Azərbaycan marketinq kommunikasiyaları sahəsində fəaliyyət göstərən şirkətlərin daxili və xarici bazarlarda təqdimatının təşkili də Assosiasiyanın diqqətində olacaq.

“Biznes fəaliyyətində rəqabətdə olmağımız peşəkar olaraq birləşməyimizə, peşə standartlarımızın qurulması və qorunmasına çalışmağımıza, təcrübələrimizi bir-birimizlə və gənclərlə paylaşmağımıza mane olmamalıdır və əminəm ki, olmayacaqdır da!” – İctimai Birliyin İdarə Heyətinin Sədri, Yello Advertising şirkətinin həmtəsisçisi Namiq Bayramov belə deyib.

Namiq Bayramov həmçinin qeyd edib ki, Assosiasiyaya üzvlük sərbəstdir. Marketinq və marketinq kommunikasiyaları sahəsi üzrə ixtisaslaşmış hər kəs Marketinq Kommunikasiyaları Assosiasiyasına üzvlük üçün müraciət edə bilər. Bununla bağlı prosedurlar yaxın vaxtlarda açıqlanacaqdır.

ŞƏRH YAZ
0

Azərbaycan nefti bahalaşıb

Azərbaycan nefti bahalaşıb
00:26
Bu gün
344
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti martın 18-də 68,5 dollar/barel təşkil edib ki, bu da ötən həftənin cümə gününə olan göstəricidən 0,32 dollar/barel çoxdur.

“Ölkə.Az” xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin son qiyməti 67,85 dollar/barel təşkil edib ki, bu da əvvəlki qiymətdən 0,34 dollar/barel çoxdur.

Novorossiysk limanından yüklənən URALS neftinin son qiyməti 65,83 dollar/barel təşkil edib ki, Trend-ə görə, bu, əvvəlki qiymətdən 0,61 dollar/barel çoxdur.

Şimal dənizindən hasil edilən "Brent Dated" etalon növlü neftin son qiyməti 66,86 dollar/barel təşkil edib, bu da əvvəlki qiymətdən 0,58 dollar çoxdur.

Ölkə.Az

ŞƏRH YAZ
0

Azərbaycanda bayram ərəfəsində qızıl və gümüş bahalaşıb

Azərbaycanda bayram ərəfəsində qızıl və gümüş bahalaşıb
22:34
19.03.2019
220
İqtisadiyyat
A
Azərbaycanda qızıl və gümüş bahalaşıb.

"Ölkə.Az" martın 19-da qızılın qiyməti martın 18-i ilə müqayisədə 13,3195 manat artaraq 1 unsiya üçün 2223,1325 manat təşkil edib.

Gümüş 0,1779 manat bahalaşaraq 1 unsiya üçün 26,1769 manata bərabər olub.

Platinin qiyməti 17,221 manat artaraq 1425,875 manat, palladiumun qiyməti isə 58,735 manat artaraq 2631,8975 manat təşkil edib.

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0
BAĞLA