Marneulidə Novruz bayramı qeyd olundu

Marneulidə Novruz bayramı qeyd olundu
15:15
21.03.2018
1834
Dünya
A
Gürcüstanda azərbaycanlıların kompakt yaşadığı Marneuli rayonunda Novruz bayramı qeyd olunub.

"Ölkə.Az" APA-ya istinadən xəbər verir ki,rayonun yerli sakinləri və qonaqlar Azərbaycan və gürcü milli guşələri, Kvemo Kartli bölgəsinin bələdiyyələrinin pavilyonları, rəsm əsərləri və əl işlərindən ibarət sərgilər, müxtəlif mövzulara həsr olunmuş fotosərgilərlə tanış olublar.

 Tədbirdə çıxış edən Kvemo-Kartli bölgəsinin qubernatoru Qriqol Nemsadze prezident Giorgi Marqvelaşvili və baş nazir Giorgi Kvirikaşvilinin bayram təbriklərini oxuyub. Dövlət başçısı və baş nazir azərbaycanlıları bayram münasibətilə təbrik edərək, onlara uğurlar, sevinc, bol bərəkət və rifah arzu ediblər.

Bayram şənliyində Gürcüstanın barışıq və vətəndaş bərabərliyi məsələləri üzrə dövlət naziri Ketevan Tsixelaşvili, regional inkişaf və infrastruktur naziri Zurab Alavidze, Qaçqınlar və məcburi köçkünlərin işləri üzrə nazir Sozar Subari, Marneuli rayonunun icra başçısı Temur Abazov, Azərbaycanın Gürcüstandakı səfiri Dursun Həsənov, Türkiyə səfiri Fatma Ceren Yazqan, Gürcüstan parlamentinin deputatı Ruslan Hacıyev və digər rəsmi şəxslər iştirak edib.

Çıxış edən T.Abazov marneuliləri Novruz bayramı münasibətilə təbrik edib: “Arzu edirəm ki, hər bir gününüz bayram olsun. Sizlərə çiçəklənmə, sevincli günlər və əmin-amanlıq arzu edirəm”. 

T.Abazov marneuliləri Novruz bayramı münasibətilə təbrik edib: “Arzu edirəm ki, hər bir gününüz bayram təbriklərə görə Gürcüstan rəhbərliyinə minnətdarlığını bildirib. 

Azərbaycan və Türkiyənin səfirləri də çıxış edərək marneuliləri bayram münasibətilə təbrik edərək hər bir azərbaycanlı ailəyə bərəkət, sülh və rifah arzu ediblər.

Şənliklər çərçivəsində Azərbaycan və gürcü mahnı və rəqslərindən ibarət konsert proqramı da baş tutub. Konsertdə Azərbaycanın xalq artisti Aygün Kazımova da hit mahnıları ilə çıxış edib.   

Qeyd edək ki, əvvəlki illərdə Marneulidə keçirilən Novruz şənliklərində Gürcüstan prezidenti Giorgi Marqvelaşvili və baş nazir Giorgi Kvirikaşvili şəxsən iştirak ediblər. Onların bu ilki tədbirə qatılmamasına səbəb işğal olunan Tsxinvali bölgəsində fevralın 23-də naməlum şəraitdə ölən Gürcüstan vətəndaşı Arçil Tatunaşvilinin meyitinin ötən gün axşam ölkəyə qaytarılması ilə bağlıdır.

ŞƏRH YAZ
0

Rusiyanın Yekaterinburq şəhərində binada yanğın: 100-dən çox sakin təxliyə olunub

Rusiyanın Yekaterinburq şəhərində binada yanğın: 100-dən çox sakin təxliyə olunub
01:17
Bu gün
677
Dünya
A
Rusiyanın Yekaterinburq şəhərində 16 mərtəbəli binada yanğın baş verib.

"Ölkə.Az"ın Rusiya KİV-lərinə istinadən verdiyi məlumata əsasən, ilk öncə binanın 9-11-ci mərtəbələri, daha sonra 12-ci mərtəbəsi də yanmağa başlayıb.

İlkin məlumata əsasən, 100-dən çox sakin təxliyə olunub. Ölən və yaralananlar barədə məlumat verilmir. Hadisə yerində 15 ədəd yanğınsöndürən texnika və 47 yanğınsöndürən çalışır.

Yanğının səbəbləri araşdırılır.

Ölkə.Az

ŞƏRH YAZ
0

ABŞ-ın rəhbərlik etdiyi koalisiya Suriyaya havadan zərbə endirib

ABŞ-ın rəhbərlik etdiyi koalisiya Suriyaya havadan zərbə endirib
00:21
Bu gün
859
Dünya
A
ABŞ-ın rəhbərlik etdiyi koalisiya qüvvələri Suriyanın Deyr-ər-Zor şəhərində dinc əhalini bombalayıb.

"Ölkə.Az" "RİA Novosti"yə istinadən xəbər verir ki, bunu Suriyadan olan hərbi mənbə deyib.

Zərbənin Əs-Susa kəndinə endirildiyi qeyd olunur.

"Bəli, bu gün belə bir hadisə baş verib, koalisiya aviasiyası daima günahsız insanların evlərini bombalamaqla İŞİD-ə kömək edir", – deyə mənbə əlavə edib.

Hadisə nəticəsində ölən və yaralananlar var.

Ölkə.Az

ŞƏRH YAZ
0
BAĞLA