Marneulidəki seçki məntəqəsində insident baş verib
Gürcüstanın Marneuli rayonunun Qızılhacılı kəndinin 49 və 89 saylı seçki məntəqələrində insident hadisəsi olub.
"Ölkə.Az" Türkiyə mediasına istinadən xəbər verir ki, qeydiyyatdan keçməmiş müxalif “Avropalı Gürcüstan” partiyasından olan müşahidəçi 49 saylı seçki məntəqəsinə yaxınlaşıb.
Müşahidəçi məntəqədə səs-küy saldıqdan sonra onu binadan kənarlaşdırıblar.
Analoji insident 89 saylı məntəqədə də baş verib. Hadisə yerinə patrul polis əməkdaşları çağırılıb. Polisin müdaxiləsindən sonra seçki məntəqəsindəki vəziyyət sakitləşib.
Ölkə.Az
