Marsa səfər edən Şumer çarları — Yadplanetlilərlə əlaqəni sübut edən FOTO FAKTLAR

Marsa səfər edən Şumer çarları
16:28
23.05.2018
15591
Maraqlı
A
Şumer mədəniyyətinin yaranmasını yerdənkənar sivilizasiyalar ilə əlaqələndirən alimlər kifayət qədərdir.

“Ölkə.Az” xəbər verir ki, bir sıra alimin fikrinə görə, Şumer sivilizasiyasının inkişafına yadplanetlilər böyük təsir edib. Bu teoriyanın təsdiqi üçün isə gil lövhələrə həkk edilmiş bəzi qədim mətn və rəsmlər incələnib.

Tədqiqatçılar qeyd edirlər ki, bir çox rəsmdə səmada uçan disk və raketlər, uçan aparatların yanında dayanan insanlar təsvir olunub. Mütəxəssislərin fikrinə əsasən, gil lövhələr üzərinə həkk edilən bəzi işarələr uçan gəmi və yadplanetliləri xarakterizə edir. Məsələn, iti ucu olan silindrşəkilli əşya alimlər tərəfindən “din-qir” kimi oxunub. Şumer dilindən tərcümədə bu söz alovlu raket tanrısı mənasına gəlir.

Şumer əfsanələrində isə səmada uçan, qartala bənzəyən, işıq saçan dairəvi obyektlərdən bəhs edilir. Bu zaman “şem” kəliməsi alimlərin fikrinə görə şumerlilər tərəfindən yadplanetlilərin uçan gəmilərini ifadə etmək üçün istifadə edilib. Şumer sözünün özü isə şumer dilində “ki en qir” kimi yazılır.

Tərcümədə isə raket sahibinin ölkəsi mənasına gəlir.

Məsələn, Gilqamış haqqında əfsanədə Şumer çarı deyir: “Gələcəyim torpaqda “şem”imi alaram. “Şem”lər havaya qalxan yerdə mən də öz “şem”imlə səmaya qalxaram”.

Əfsanəvi çarın həyatından bəhs edən gil lövhənin birinin üzərində isə yazılıb:

“Əvvəlcə səma qaraldı. Sonra isə işığın parlaq şüası göründü. Buradan qüdrətli “Günəş Tanrısı” peyda oldu. O, əvvəlcə qarşısında duran insanlara baxdı. Sonra isə dostu Gilqamış Enkidunu özü ilə apararaq yoxa çıxdı”.

Sonra isə əfsanəyə əsasən, Enkidu səfərdən sonra müəmmalı xəstəlikdən dünyasını dəyişib. Gilqamış bu məsələdə səma heyvanının zəhərli nəfəsini günahlandırırdı. Alimlər bildirirlər ki, səma heyvanının zəhərli nəfəsi deyəndə radiasiya nəzərdə tutulub.

Şumerlilərin yadplanetlilərlə əlaqəsi barədə Aşurbanipalın kitabxanasından tapılan qədim Mesopotamiya mətnində də məlumat var. Bu mətn eramızdan 2500 il əvvəl yazılıb. Əfsanəyə əsasən, mehriban ləqəbli çar Etan 5000 il əvvəl yaşayıb. Bir dəfə çar sarayının yaxınlığındakı şəhər meydanına uçan dəmir qalxan enir. Bu dəmir qalxanın içindən hündür, tünd rəngli dərisi olan, açıq saçlı məxluqlar çıxıb. Onların əynində insan paltarı olub.

Onlar çarı gəmiyə dəvət ediblər və uzaq planetlərə səfər təklif ediblər. Çar bu təkliflə razılaşıb və gəmi səmaya ucalıb. Etan illüminatorda buğda dənəsi boyda olan Yeri görüb. O, Marsda, Ayda və Venerada olub. Etan səfərə çıxdıqdan iki həftə sonra saray əyanları onun öldüyünü düşünərək taxta vəliəhd axtarmağa başladılar. Qəflətən şəhərin səmasında uçan gəmi peyda oldu. Alovla əhatə olunmuş gəmi sarayın qarşısında yerə enib. Alov sakitləşəndə çar Etan gəmidən “tanrı”ların müşayəti ilə çıxıb. Bu “tanrı”lar bir neçə gün sarayda qonaq qaldılar.

Mətndə bir də qeyd edilir ki, çar sonradan yenə də başqa kosmik gəmi ilə səmaya uçub.

Mesopotamiyada arxeoloji qazıntılar zamanı qeyri-adi möhür tapılıb. Bu möhür Mars və Yer arasındakı uçuşu təsvir edib. Möhürün üzərində Yer 7 dairə formasında, Mars isə altıguşəli ulduz kimi verilib. Onlar arasında isə qanadlı disk var. Bu disk iki uzaq planet arasında səfər edir. Bundan başqa möhür üzərində iki “tanrı” da qeyd edilib. Alimlərin fikrinə görə, möhürün 6 min il yaşı var.

Hikmət Həsənov
Ölkə.Az

ŞƏRH YAZ
0

Rəhbərlik qarşınızda yüksək tələblər qoyur — Günün ulduz falı

Rəhbərlik qarşınızda yüksək tələblər qoyur
00:43
Bu gün
2709
Maraqlı
A
"Ölkə.Az" milli.az-a istinadən günün qoroskopunu təqdim edir:

Qoç - böyük uğurlar əldə etmək istəyirsiniz. Amma əlverişli gün deyil. Ətrafınızdakı insanlar arasında sizə mane olmaq istəyənlər və ya sizdən öz maraqları üçün yararlanmaq fikrinə düşənlər az deyil. İşdə həmkarlarla dil tapmaq asan deyil. Rəhbərlik qarşınızda yüksək tələblər qoyur. O tələblərin hamısını yerinə yetirmək asan deyil.

Nikbin olun. Yanınızdakı şəxslərdən fərqli olaraq ruhdan düşməyin. Sizi qeyri-ciddilikdə suçlaya bilərlər. Məsuliyyətli olun. Mövqeyinizdən geri çəkilməyin, amma aqressivlik də etməyin. Əks təqdirdə ünvanınıza yeni tənqidlər eşidəcəksiniz.

Buğa - bu gün yaranacaq çoxsaylı çətinliklər peşəkar fəaliyyət sahənizdəki məsələləri vaxtında həll etməyə mane olur. İşdə rəhbərliklə fikir ayrılıqları istisna deyil. İş yerini dəyişmək barədə düşünə bilərsiniz. Yekun qərar verməyə tələsməyin. Bir qədər sonra, vəziyyət stabilləşəndə hər şeyin o qədər də pis olmadığını anlayacaqsınız.

Ənənəvi rejimə riayət edin. Spontan qərarlar əhvalınıza pis təsir edə bilər. Kulinar eksperimentlər üçün əlverişsiz gündür.

Əkizlər - əla və ya yaxşı nəticələrə nail olmaq üçün ənənəvi taktikadan imtina edərək riskə getmək lazımdır. Maraqlandığınız sualların cavabları uzaqda deyil. Gərəkli informasiya əldə etmək üçün çətinlik çəkmək gərəkdir.

Emosional durumunuza nəzarət edin. Ruhdan düşməyin, pərişanlığa qapılmayın. İşlərinizdə nizama riayət edin.

Yaxın ətrafınızdakı insanlarla münasibətlərə fikir verin. Münasibətləri təhlil edin, bəzi əlaqələrdən boyun qaçırın. Əks cinsin mənsubları ilə əlaqələri qaydaya salın. Özünüz istəmədən belə, təmaslarda problemlər yarada bilərsiniz.

Xərçəng - işgüzar görüşlər və mühüm məsələlərin müzakirəsi üçün əlverişli gün deyil. Əldə etdiyiniz bütün uğurlar hələlik ilkin səciyyəlidir. Onlara sonradan yenidən baxmaq olar.

Peşəkar fəaliyyət müstəvisində isə durum dəyişə bilər. Bu gün alacağınız təkliflər maraqlı təsir bağışlaya bilər. Amma saatlar keçdikcə şərtlər pisləşəcək.

Günün ikinci yarısında əhvalınızın pisləşməsi, xroniki xəstəliklər və ağrıların yaranması istisna deyil.

Pəhriz saxlayırsınızsa, şərtləri əsla pozmayın.

Axşam saatlarında gəzintiyə çıxın.

Şir - çoxsaylı kiçik problemlər əhvalınızı poza bilər. Yolunuzda qəflətən yaranan sədlər sizi ruhdan salmasın. Qüvvələrinizə inanın və nikbin olun. Yaxın ətrafınızdakı insanlar sizə güvənirlər. Onlara mənəvi dəstək olun.

Yeni romantik münasibətlərin başlaması mümkündür. Yeni taışlıqlardan biri az sonra ciddi təmasa çevriləcək və yaşamınızda mühüm rol oynayacaq.

Ailə münasibətləri üçün yaxşı gündür. Yaxınlarla dil tapmaq asan deyil.

Qız - istənilən format və xassəli dəyişikliklər üçün əlverişli gündür. Nə istədiyinizi, bunun üçün nə etmək gərəkdiyini dəqiqləşdirin. Bədxahlardan biri sizi yoldan çıxarmaq istəyir. Onun uğur əldə etməsinə imkan verməyin. Nüfuzlu şəxslə mübahisələrdə mövqeyinizi qoruyun.

Opponentlər haqlı olduğunuzu etiraf etmək məcburiyyətində qalacaqlar.

Yaxınlarınızla münasibətlərdə güzəştə getməyi bacarın. Dartışmanı münaqişəyə çatdırmayın. Fəqət, bütün təmaslarda harmoniyaya da bel bağlamayın.

Axşam saatlarında səhhətdə kiçik problemlər, yuxusuzluq ola bilər.

Tərəzi - çoxsaylı yeni ideyalar yaranır. Onları qulaqardına vurmayın. Yaradıcılıq potensialı səviyyəsi yüksəkdir. Müşahidələrinizdə dəqiq olun. Paradoksal nəticələrə gəlməyin, səlis davranın. Yaxın ətrafınızdakı insanlar sizdən nümunə götürməyə çalışırlar. Müttəfiq və həmfikirlərlə yanaşı, sizinlə çalışmaq, əməkdaşlıq yaratmaq istəyən insanlar peyda olur.

 

Təmirə başlamaq, yaşam arealında dəyişikliklər etmək olar. Ailə və məişət qayğılarını çözün. İşlər lap çox olsa belə, yorğunluqdan şikayətlənməyin.

Əqrəb - gün çətinliklər və problemlər vəd edir. Bütün bunlara rəğmən məqsədə doğru qətiyyətlə irəliləyin. Uğur istədiyiniz kimi asanlıqla əldə olunmur. Maliyyə çətinlikləri yarana bilər. Nəzərdə tutulmamış alış-verişə yollanmayın.

Səfəri təxirə salın. Bu gün səfər və ya səyahət yorucu, faydasızdır.

Fəaliyyət sahənizlə bağlı xoş xəbər alacaqsınız. Karyera müstəvisində irəliləmək şansı var.

Əyləncəyə vaxt yoxdur.

Oxatan - ilk baxışdan faydasız görünsə də, əslində böyük əhəmiyyət kəsb edən məlumat alacaqsınız. Bir qədər keçəcək və anlayacaqsınız ki, bu informasiya yetərincə dəyərlidir. İşgüzar fəaliyyət və ya şəxsi münasibətlər müstəvisində gözlənilməz təklifin alınması mümkündür. Yaşamınızda ciddi dəyişikliklərə hazırsınızsa, həmin təklifi qəbul edin.

Travma riskinin az olmadığı gündür. Səfərdə, səyahətdə, iti və kəsici alətlərlə iş zamanı ehtiyatlı olun. Sayıq davranın. Enerji potensialı səviyyəsi yüksəkdir.

Özünüzü yaxşı hiss edirsiniz. Yaralar tez sağalır.

Oğlaq - maliyyə məsələlərində mümkün qədər ehtiyatlı olun. Pulları itirmək çox asandır. Qazanc əldə etmək və ya itkiləri bərpa etmək üçün çox çətindir. İşdə və ya evdə münaqişələr ola bilər. Yalnız xoş sözlər eşitməyə adət etdiyiniz insanlar belə davranışınızdan narazı qaldıqlarını gizlətmirlər.

Günün ikinci yarısında əhvalınız pisləşə bilər. Emosional baxımdan mürəkkəb zamandır. Dözümsüz, qıxıqlı olmayın. Aqressiv davranmayın. Mənfi emosiyalarınızı cilovlayın.

Dolça - gün ilk baxışdan göründüyü təki pis deyil. Bəzi problemlər yaransa da, onları tez, əlahiddə səy göstərmədən həll edin. Yeni tanışlıqlar şəxsi münasibətlər və işgüzar fəaliyyət baxımından faydalı ola bilər.

Aktual məsələ ilə bağlı mövqeyinizi açıq bildirməkdən çəkinməyin. Fikirlərinizin yaxın ətrafınızdakı insanların düşüncələri ilə üst-üstə düşməməsindən qorxmayın. Hadisələrin inkişaf məcrası məhz sizin haqlı olduğunuzu göstərəcək.

Qəfil, nəzərdə tutulmamış səyahət və ya səfər pozitiv emosiyalar bəxş edəcək, sizə yeni nə isə öyrədəcək.

Yaxınlarınızla fikir ayrılıqlarını aradan qaldırın, ailədəki xoş münasibətləri bərpa edin.

Balıqlar - təfərrüatlara və xırdalıqlara diqqətli olun. Sənədlərlə, hesablamalarla iş zamanı sayıq davranın. Sizdən dəqiqlik tələb olunur.

Gəlir istisna deyil. Pula ehtiyacınız var.

Alış-veriş sərfəli ola bilər.

Bilik və bacarıqların artırılması, yeni təcrübənin mənimsənilməsi üçün əlverişli zamandır. Dünyagörüşünüzü artırın. Faydalı məlumatlarla informasiyaları tez yadda saxlayın. Gərəksiz xəbərləri yadda saxlamaqla hafizənizi yükləməyin.

Axşam saatlarını istirahətə həsr edin.

Ölkə.Az

ŞƏRH YAZ
0

Ürək ritminin pozulması — XƏSTƏLİKDİRMİ?

Ürək ritminin pozulması
23:59
22.01.2019
1718
Maraqlı
A
Ürək ritminin pozulması və ya möhkəm döyünməsi - həyəcan doğuran narahat bir hissdir. Amma mütəxəssislər bildirirlər ki, bu cür halın səbəbi həmişə ürək xəstəliyi olmur.

"Ölkə.Az" medicina.az-a istinadən qeyri-adi ürək döyünməsinin hansı hallarda ürək patologiyasından xəbər vermədiyini açıqlayır.

Normal halda insan ürək döyüntüsünü hiss etməməlidir. Amma bəzən bu hal yaşanır ki, həkimlər onu ürək döyünməsi adlandırırlar. Bu zaman ürəkdə qeyri-ritmik döyünmələr və  çırpınma hiss edilir. Mütəxəssislər bildirirlər ki, bir çox hallarda döyünmələr ürək xəstəlikləri ilə əlaqəli deyil. Hər bir insan vaxtaşırı olaraq bu cür vəziyyətə düşə bilər. Ürək sağlam olduqda bu heç bir təhlükə daşımır. Amma bu hal yanaşı olaraq digər əlamətlərlə uzun müddət davam edərsə, o zaman həkimə müraciət edilməlidir.

Ürək döyüntüləri ürəklə bağlı olmasa belə hansısa digər ciddi bir xəstəliyin əlaməti ola bilər. Buna görə də bu əlaməti görməzdən gəlmək olmaz.

Səbəbləri:

1)Stress. Bu amil ürək ritminin pozulmasının əsas səbəblərindəndir. Emosional zərbə, fiziki gərginlik və uzun müddətli həyəcan ürək döyünməsinə səbəb ola bilər.
 
2)Çox yorulma, yuxu pozulması da ürəyin işinə təsir göstərir.

3)Alkoqol. Spirtli içkilərdən həddən artıq istifadə ürək ritminin pozulmasına gətirib çıxarır. Həmçinin sinir sistemi oyadan qəhvə, cola, tünd çay kimi tonuslaşdırıcı içkilər, narkotik də sinir sistemini oyaradaq ürək əzələsinin sürətlə işləməsinə səbəb olur.

4)Ürək döyünməsinin səbəbi isti və bir sıra dərmanların təsiri də ola bilər.  Bu dərmanlara allergiya əleyhinə olan həblər, kortikosteroidlər və damarları genişləndirən bir sıra preparatlar daxildir.

Ürək ritmini aşağıdakı xəstəliklər də poza bilər: anemiya, qalxanabənzər vəzin hiperfunksiyası, diabet, menopauza. Hormonal balansın pozulması, yüksək hərarət ürək əzələsinə düşən  giziki gərginliyi artıraraq onun ritmini pozur. Həmçinin mədə və 12 barmaq bağırsaq, sinir xəstəlikləri və psixi pozğunluqlar da bu vəziyyətin yaranmasına səbəb olur.

Ölkə.Az

ŞƏRH YAZ
0
BAĞLA