Marsda gizli krater kəşf edildi

Marsda gizli krater kəşf edildi
06:15
27.06.2019
2032
Maraqlı
A
Arizona universitetinin alimləri “MRO” kosmik aparatı tərəfindən əldə edilən kadrları incələyəndə maraqlı kəşfə imza atıblar.

“Ölkə.Az” xəbər verir ki, kadrların birində diametri 15-16 metr olan krater görünüb.

Ehtimal edilir ki, partlayış 2016-2019-cu illər arasında baş verib. Alimlər hələ də 1.5 metr diametri olan səma cisminin Qırmızı planetə necə düşməsini müəyyən edə bilmirlər. Amma onlar əminliklə bildirirlər ki, əgər bu səma cismi Yerin atmosferinə daxil olsaydı, səthinə çatmamış havada yanardı. Alimlər qeyd edirlər ki, krater tünd ləkəyə bənzəyir və kiçik meteoritlərin zərbəsindən yaranan digər çuxurlara bənzəmir.

Ölkə.Az

 

ŞƏRH YAZ
0

Qədim insanların yüksək texnologiyaları haqqında HƏQİQƏT AŞKARLANDI

Qədim insanların yüksək texnologiyaları haqqında HƏQİQƏT AŞKARLANDI
12:19
Bu gün
1731
Maraqlı
A
Beynəlxalq alimlər qrupu Neandertalların yüksək inkişaf səviyyəsini şübhə altına alıb.

 "Ölkə.Az" xəbər verir ki,onlar paleoantropların ağcaqayın qabığından yapışqan əldə etməyin əvvəllər düşünüldüyündən daha sadə bir texniki proses olduğunu göstəriblər.

Tədqiqatçılar daş dövründə mövcud olan adi materiallarla eksperimentlər aparıblar. Onlar ağcaqayın qabığını yığıb və düz çay daşlarının ortasında yandırıblar, üç saatdan sonra istifadə üçün uyğun olan material alıblar. Alınmış qatran yapışqanının molekulyar xüsusiyyətləri Neandertalların dayanacaqlarında tapılmış arxeoloji nümunələrə oxşayıb. Əvvəllər hesab edilirdi ki, yapışqanın hazırlanması üçün Neandertallar xüsusi qazılmış çuxurlardan, gil məmulatlarından, metal və keramik gəmilərdən istifadə ediblər. Lakin yeni metod o qədər sadədir ki, qədim insanlar onu gündəlik fəaliyyət zamanı təsadüfən tətbiq edə bilərdilər. Buna görə də, tozağacı qatranının istifadəsi artıq Neandertalların kompleks texnoloji inkişafının etibarlı göstəricisi kimi xidmət edə bilməz. Alimlər tərəfindən yaradılmış yapışqan ağacın təmizlənməsi üçün nəzərdə tutulmuş bir alət hazırlamaq üçün istifadə edilib. Robotun köməyi ilə mütəxəssislər 170 zərbəni vurublar. Təcrübə nəticələri yapışan bağın zəifləməsinin olmadığını nümayiş etdirib.                                                                   

Müşfiq Məmmədov
  Ölkə.Az

ŞƏRH YAZ
0

İnsanlara donuz ürəyi köçürüləcək — TİBBDƏ İNQİLAB

İnsanlara donuz ürəyi köçürüləcək
11:12
Bu gün
1669
Maraqlı
A
Yaxın gələcəkdə insanlara donuz orqanlarının köçürülməsinə başlanacaqdır.

 "Ölkə.Az" xəbər verir ki, bu barədə ingilis transplantoloq - cərrah Terens İnqliş bildirib. Onun sözlərinə görə, yenilik yaxın üç il ərzində baş tuta bilər.  O, həmçinin 2019-cu ildə bir donuzun böyrəyinin bir insana ilk transplantasiyasının həyata keçiriləcəyini bildirib.

Bu barədə "The Guardian" nəşri yazıb. Cərrahın sözlərinə görə, bir heyvandan bir insana böyrək köçürməsinin nəticəsi qənaətbəxşdirsə, tezliklə ürək transplantasiyası da mümkün olacaq. Bu, donor orqanlarına artan tələbatı ödəməyə kömək edəcək.

İngiltərədə təxminən 300 nəfər ürək transplantasiyası gözləmə siyahısındadır, buna görə tədqiqatçılar yeni orqan mənbələri axtarırlar. Donuz orqanlarının ölçüsü ən yaxşı alternativ hesab olunur. Bədənin hissələrinin bir növdən digərinə köçürüldüyü ksenotransplantasiya, orqanizmi donor olaraq istifadə üçün uyğun vəziyyətə gətirən gen mühəndisliyinin inkişafı sayəsində daha çox mümkün olub. Bununla birlikdə, bir sıra mütəxəssislər belə bir təcrübənin qəbuledilməz bir risk daşıyacağına inanır və insanlarda sınaqdan keçirilməməlidir deyə bildirib.                                                                                        

Müşfiq Məmmədov
 Ölkə.Az

ŞƏRH YAZ
0
BAĞLA