Marsda güclü qum fırtınası gündüzü gecəyə çevirdi

Marsda güclü qum fırtınası gündüzü gecəyə çevirdi
10:47
13.06.2018
1525
Dünya
A
Marsda güclü qum fırtınası baş verib.

 “Ölkə.Az” xəbər verir ki, fırtına “Opportunity” aparatının işinə mane olub. NASA-nın mətbuat xidməti bu barədə məlumat yayıb:

“Qırmızı Planetdə bu günə qədər gördüyümüz ən güclü fırtınadır. 10 iyun tarixindən fırtına 15.8 milyon kvadrat mil (41 milyon kvadrat km) ərazini əhatə edib. Bu ərazi Şimali Amerika və Rusiyanın birgə ərazisinə bərabərdir. Fırtına günəş işığını elə bağlayıb ki, gündüzü gecəyə çevirib. Bizim “Opportunity” roveri hazırda fırtınanın mərkəzində yerləşir”.

“Opportunity” 2004-cü ildən Qırmızı Planetdədir. NASA bildirir ki, aparatın elmiş işi 8 iyun tarixindən dayandırılıb. Sonuncu dəfə aparatla 10 iyun tarixində əlaqə qurmaq mümkün olub. Məlumata əsasən, aparatın tempraturu mənfi 29 dərəcədir.

Hikmət Həsənov
Ölkə.Az

ŞƏRH YAZ
0

Madurodan Trampa gözlənilməz təklif

Madurodan Trampa gözlənilməz təklif
01:30
Bu gün
3460
Dünya
A
Venesuela prezidenti Nikolas Maduro amerikalı həmkarı Donald Trampa açıq dialoqa başlamağı təklif edib.

"Ölkə.Az" xəbər verir ki, Maduro bunun üçün ABŞ prezidentinin Venesuela ilə bağlı siyasətini dəyişmək niyyətini nümayiş etdirməli olduğunu bildirib.

O həmçinin qeyd edib ki, Trampla bütün vacib məsələlər üzrə dialoqa başlamağa hazırdır.

Xatırladaq ki, bir müddət öncə Maduro ABŞ prezidentinin milli təhlükəsizlik məsələləri üzrə müşaviri Con Boltonu Venesuelada çevriliş hazırlamaqda ittiham edib.

Ölkə.Az

ŞƏRH YAZ
0

Ulu öndər Heydər Əliyevin xatirəsi İtaliyada yad olunub — FOTO

Ulu öndər Heydər Əliyevin xatirəsi İtaliyada yad olunub
01:04
Bu gün
2119
Dünya
A
Dekabrın 12-də İtaliyanın Neapol şəhərinin Şərqşünaslıq Universitetində ulu öndər Heydər Əliyevin xatirəsinə həsr olunan anım tədbiri keçirilib.

"Ölkə.Az" report-a istinadla xəbər verir ki, Bakı-Neapol Assosiasiyası, Neapol Şərqşünaslıq Universiteti və Azərbaycan Dillər Universitetinin birgə təşkilatçılığı ilə keçirilən tədbirdə şəhər ictimaiyyətinin, elmi-akademik dairələrin, kütləvi informasiya vasitələrinin nümayəndələri iştirak ediblər.

Tədbirdə çıxış edən Azərbaycanın İtaliyadakı səfiri Məmməd Əhmədzadə ulu öndər Heydər Əliyevin Azərbaycan tarixindəki mühüm rolu, müstəqilliyimizin qorunması, dövlətçiliyimizin möhkəmlənməsi və ölkəmizin dayanıqlı inkişafının təmin olunmasındakı xidmətləri barədə danışıb.

Ümummilli Liderin Azərbaycan-İtaliya əməkdaşlığının, iki ölkənin xalqları arasında əlaqələrin, o cümlədən Neapol şəhəri ilə təmasların inkişafına xüsusi diqqət yetirdiyini bildirən diplomat Ulu Öndərin Azərbaycana rəhbərlik etdiyi 1972-ci ildə Bakı və Neapol şəhərləri arasında qardaşlaşma münasibətlərinin əsasının qoyulduğu, eyni zamanda, 1997-ci ildə İtaliyaya rəsmi səfəri çərçivəsində Neapol şəhərinə də səfər etdiyi barədə məlumat verib.

Ulu Öndərin əsasını qoyduğu siyasi xəttin bu gün Prezident İlham Əliyev tərəfindən uğurla davam etdirildiyindən bəhs edən diplomat, habelə Heydər Əliyev Fondunun Azərbaycan mədəniyyətinin dünyada təbliğinə, o cümlədən Azərbaycan və İtaliya arasında humanitar sahələrdə əlaqələrə verdiyi töhfələrdən danışıb.

Tədbirdə Neapol Şərqşünaslıq Universitetinin rektoru Elda Morlikkio və universitetin professoru, tanınmış şərqşünas alim Mikele Bernardini də çıxış ediblər. Onlar Neapol Şərqşünaslıq Universitetinin Azərbaycanın ali təhsil müəssisələri ilə əməkdaşlıqda maraqlı olduğunu, iki ölkə arasında mədəniyyət və təhsil sahələrində mübadilələrə töhfə verməyə hazır olduqlarını bildiriblər.

Sonda Ulu Öndərin Azərbaycanın müasir tarixindəki rolundan bəhs edən, italyan dilində hazırlanmış "Xilaskarın həyatı" adlı sənədli film nümayiş etdirilib.

Qeyd edək ki, tədbirdən əvvəl səfir M.Əhmədzadə ilə Neapol Şərqşünaslıq Universitetinin rektoru Elda Morlikkio arasında keçirilmiş görüşdə əməkdaşlıq imkanları müzakirə edilib, bu universitetlə Azərbaycan Dillər Universiteti arasında əməkdaşlıq haqqında anlaşma memorandumu imzalanıb.

Tədbir çərçivəsində İtaliyanın yerli televiziya kanallarına müsahibələr verilib.

Ölkə.Az

ŞƏRH YAZ
0
BAĞLA