Masallıda and içmədən qayıdan ailə qəzaya düşdü, ölən və yaralananlar var — FOTO

Masallıda and içmədən qayıdan ailə qəzaya düşdü, ölən və yaralananlar var
11:18
12.08.2019
1580
Hadisə
A
Masallıda “VAZ” markalı iki minik avtomobili toqquşub, bir nəfər dünyasını dəyişib.

"Ölkə.Az" Oxu.Az-a istinadən xəbər verir ki, hadisə gecə yarısı köhnə Ələt-Astara magistralının Masallı rayonundan keçən hissəsində qeydə alınıb.

Liman şəhər sakini, 23 yaşlı Nicat Əzimlinin sükanı arxasında olduğu 10 LT 617 dövlət qeydiyyat nişanlı “Vaz 2107” markalı maşın qarşıdan gələn 44 yaşlı Mürşüd Nəsirovun idarə etdiyi 10 EC 733 dövlət qeydiyyat nişanı "Vaz 2106" markalı avtomobillə toqquşub.

Yaralı sürücülər və sərnişinlərdən biri, N.Əzimlinin 41 yaşlı anası Aynur Əzimli Masallı Rayon Mərkəzi Xəstəxanasına çatdırılıblar.

Qəza zamanı “Vaz 2107”-də olan sürücünün atası, 50 yaşlı Vidadi Əzimli isə aldığı xəsarətlərdən dünyasını dəyişib.

Onun meyiti müayinə olunmaq üçün aidiyyəti üzrə təhvil verilib. Qeyd edək ki, “Vaz 2107”-də olan bir ailənin üzvləri hərbi xidmətdə olan övladının andiçmə mərasimindən evə qayıdanda belə bədbəxt hadisə baş verib.

Hazırda faktla bağlı araşdırma aparılır.

Ölkə.Az

 

ŞƏRH YAZ
0

Keçmiş məhkum 2,6 kq heroinlə tutuldu — FOTO

Keçmiş məhkum 2,6 kq heroinlə tutuldu
01:48
Bu gün
310
Hadisə
A
Cəlilabad Rayon Polis Şöbəsi (RPŞ) əməkdaşları tərəfindən narkotik vasitələrin qanunsuz dövriyyəsi və alqı-satqısı ilə məşğul olan şəxslərə qarşı növbəti əməliyyat tədbiri həyata keçirilib.

Daxili İşlər Nazirliyinin (DİN) Mətbuat Xidmətindən "Ölkə.Az"a verilən məlumata görə, əldə edilən əməliyyat məlumatı əsasında Masallı rayon sakini əvvəllər dəfələrlə məhkum olunmuş İntiqam Hüseynov Cəlilabad rayonu Muğan kəndi ərazisində saxlanılıb. Onun idarə etdiyi “VAZ 21015” markalı avtomobilin salonuna baxış zamanı 2 ədəd bağlamada ümumi çəkisi 2 kiloqram 630 qram olan narkotik vasitə heroin aşkar olunaraq götürülüb.

İlkin araşdırma zamanı İ.Hüseynov həmin narkotik vasitəni şəxsiyyəti istintaqa məlum olmayan əvvəldən tanıdığı “Mehdi” adlı İran vətəndaşından satmaq məqsədi ilə aldığını bildirib. İntiqam Hüseynov ifadəsində əvvəllər də dəfələrlə “Mehdi” adlı şəxsdən narkotik vasitələr əldə edərək onların Bakı şəhərində satışını təşkil etdiyi bildirib.

Faktla bağlı saxlanılan şəxs barəsində Cəlilabad RPŞ-nin İstintaq Bölməsində Cinayət Məcəlləsinin müvafiq maddəsi ilə cinayət işi başlanılıb və barəsində məhkəmənin qərarı ilə həbs qətimkan tədbiri seçilib. İstintaq əməliyyat tədbirləri davam etdirilir.

ŞƏRH YAZ
0

ATV-də dava düşdü — Kameralar çəkdi - VİDEO

ATV-də dava düşdü
23:23
12.12.2019
1559
Hadisə
A
ATV-nin "Bizimləsən” verilişində qalmaqallı anlar yaşanıb.

"Ölkə.Az" lent.az-a istinadən xəbər verir ki, verilişə qatılan Günay adlı xanımın keçmiş həyat yoldaşları dalaşıblar. Həmin anlar isə kameraların yaddaşına köçüb.

Günayın ikinci həyat yoldaşı olan Ramin onun xanımının keçmiş həyat yoldaşı İlhamı döyüb.

Həmin anı əks etdirən videonu təqdim edirik:

Ölkə.Az

ŞƏRH YAZ
0
BAĞLA