Masallıda həmkəndlilərin mübahisəsi ölümlə nəticələnib — FOTO

Masallıda həmkəndlilərin mübahisəsi ölümlə nəticələnib
21:54
16.05.2019
489
Hadisə
A
Masallı rayonunda həmkəndlilərin mübahisəsi ölümlə nəticələnib.

"Ölkə.Az" "Report"-a istinadən xəbər verir ki, hadisə Təzəkənd kəndi ərazisində qeydə alınıb. 

Belə ki, həmin kəndin sakini, 1951-ci il təvəllüdlü Bəxtiyar Mirzəmməd oğlu Rəhmanov döş qəfəsindən aldığı zərbə nəticəsində ölüb.

Hadisə şahidlərinin bildirdiyinə görə, mübahisəyə səbəb Vəfadar, Pərvin, Elnur, İlham və Telman adlı kənd sakinlərinin B.Rəhmanova məxsus evin qabağından keçən su kollektorunun üzərindəki piyada körpüsünü sökmələri olub. Uzun illər bu körpüdən təsərrüfat işləri üçün paybəlli torpaqlarına gediş-gəliş, həm də mal-qaranın örüşə aparılması məqsədilə istifadə olunub. Qarşı tərəf mal-qaranın bu körpüdən keçərək onların otlaq sahələrinə girdiyinə görə sökdüklərini bildiriblər.

Mərhumun oğlu atasının onlara "körpünün taxtalarını sökmüsünüz, eybi yox. Heç olmasa, dəmir dayaqlara toxunmayın. Lakin onlar buna qulaq asmayıblar. Belə olan halda B.Rəhmanov onlardan birinin əlində olan lomu almaq istəyib. Qarşılığında isə döş qəfəsi nahiyəsindən bir neçə yumruq zərbəsi alaraq səhhəti pisləşib. Onu Masall Rayon Mərkəzi Xəstəxanasına çatdırarkən yolda dünyasını dəyişib". 

Mərhumun meyiti müayinə üçün Səhiyyə Nazirliyinin Məhkəmə-Tibbi Ekspertiza və Pataloji Anatomiya Birliyinin Masallı rayon şöbəsinə aparılıb. Ölümün səbəbi ekspertizanın rəyindən sonra məlum olacaq. 

Faktla bağlı Masallı Rayon Prokurorluğunda araşdırma aparılır. 

Ölkə.Az

ŞƏRH YAZ
0

87 yaşlı bibisini qəbiristanlığa aparıb döyərək öldürən şəxsə — HÖKM OXUNDU

87 yaşlı bibisini qəbiristanlığa aparıb döyərək öldürən şəxsə
17:45
Bu gün
158
Hadisə
A
Bakı Ağır Cinayətlər Məhkəməsində Qubada qəbiristanlıqda qadını döyərək öldürməkdə təqsirləndirilən Mişi Migirovun cinayət işi üzrə məhkəmə prosesi başa çatıb.

"Ölkə.Az" xəbər verir ki, hakim Rasim Sadıxovun sədrliyi ilə keçirilən prosesdə hökm oxunub.

Hökmə əsasən, Mişi Migirov 19 il müddətinə azadlıqdan məhrum edilib.

Qeyd edək ki, hadisə ötən il Quba rayonunda baş verib. Rayonunun Qırmızı Slaboda qəsəbəsə sakini əvvəllər məhkum olunan Mişi Miqirov 87 yaşlı bibisi Şüşan Sumxayevanı qəbiristanlığa apararaq döyüb . 

Şərxoş vəziyyətdə olan Mişi Miqirov bibisinə ağır zərbələr endirib. Ahıl qadın xəstəxanaya çatdırılsa da, orada vəfat edib.

Quba RPŞ-nin əməkdaşları tərəfindən M.Miqirov saxlanılıb. 

Natiq Allahverdiyev
Ölkə.Az

ŞƏRH YAZ
0

Bakıda 24 yaşlı nəvə 77 yaşlı nənəsini öldürüb yandırdı — Dəhşətli cinayətin təfərrüatı

Bakıda 24 yaşlı nəvə 77 yaşlı nənəsini öldürüb yandırdı
12:11
Bu gün
842
Hadisə
A
Paytaxtın Nəsimi rayonunda 77 yaşlı nənəsini öldürməkdə təqsirləndirilən Eldar Əfəndiyevin cinayət işi üzrə ibtidai istintaq başa çatıb.

"Ölkə.Az" xəbər verir ki,cinayət işi Bakı Ağır Cinayətlər Məhkəməsində hakim Mirzə Xankişiyevin icraatına verilib. 

Qeyd edək ki, hadisə ötən il noyabrın 6-da paytaxtın Nəsimi rayonu, Ə.Hüseynzadə küçəsi, 81 saylı ünvanda baş verib.

Həmin ünvanda yaşayan 77 yaşlı Tamella Axundovanın meyiti evində yanmış vəziyyətdə tapılıb.

Hadisə yerinə gələn polis və prokurorluq orqanlarının əməkdaşları qadının qəsdən öldürüldüyünü müəyyən ediblər. 

Məlum olub ki, T. Axundovaya evində ürəyindən iki bıçaq zərbəsi vurulub. Daha sonra isə izi itirmək məqsədi ilə ev yandırılıb. 

Araşdırma zamanı qətlin mərhumun nəvəsi, 1994-cü il təvəllüdlü Eldar Əfəndiyev tərəfindən tamah niyyəti ilə törədildiyi məlum olub. O, şübhəli şəxs qismində tutularaq istintaqa cəlb olunub.

Natiq Allahverdiyev
Ölkə.Az

 

ŞƏRH YAZ
0
BAĞLA