Masallıda toy yasa döndü — Həlak olanların SİYAHISI

Masallıda toy yasa döndü
10:35
09.07.2019
5178
Ölkə
A
Masallı rayonunda "KAMAZ" markalı yük avtomobili ilə "Mercedes Vito" markalı mikroavtobusun toqquşması nəticəsində ölən 8 nəfərdən 6-nın adı məlum olub.

"Ölkə.Az" Report-a istinadən xəbər verir ki,  bunlar Lerik rayon sakini 1998-ci il təvəllüdlü Tağıyev Rəşad Atalı oğlu, Lerik rayonu Kəlbəz kənd sakini 2016-ci il təvəllüdlü Rufullayev Ayxan Natiq oğlu, 1983-cü il təvəllüdlü Rzayev Əsgər Yaqub oğlu, 2002-ci il təvəllüdlü Rzayev Hikmət Əsgər oğlu, 2008-ci il təvəllüdlü Rzayev Azər Əsgər oğlu, 2002-ci il təvəllüdlü Tağıyev Əlizahid Atalı oğludur.  

Qəza nəticəsində daha bir nəfərin yaralandığı məlum olub. O, 1985-ci il təvəllüdlü Rzayeva Ruhiyyə Əkbər qızıdır.

Ölən digər iki nəfərin şəxsiyyəti dəqiqləşdirilir. 

***

Masallıda yük maşını Mersedes "Vito" markalı mikroavtobusla toqquşub.

“Ölkə.Az “Report”a istinadən xəbər verir ki, hadisə nəticədə 8 nəfər ölüb. Bir nəfər müxtəlif dərəcəli xəsarətlərlə Masallı Mərkəzi Rayon Xəstəxanasına çatdırılıb. 

Məlumat verilir ki, yaralı qadındır. Məlumata görə, ölənlərin isə 2-si qadın, 3-ü kişi və digər 3-ü məktəblidir. 

Hadisə nəticəsində Lerik rayonu Kəlvəz kənd sakini, 1995-ci il təvəllüdlü Tağıyeva Miranə Atalı qızı xəsarət alıb.

Ona baş-beyinin silkələnməsi, sifət nahiyəsinin əziyi diaqnozu qoyulub. O, hazırda reanimasiyadadır.

Bildirilir ki, qəzaya düşənlər toya gedirlərmiş.

Ölkə.Az

 

ŞƏRH YAZ
0

Bu dəstə Balakəndə meşəni narkotik plantasiyasına çeviribmiş — FOTO

Bu dəstə Balakəndə meşəni narkotik plantasiyasına çeviribmiş
22:40
23.07.2019
3460
Ölkə
A
Balakən rayonunun Gərəkli kəndindəki meşəlik ərazidə xüsusi aqrotexniki qaydada qulluq edilməklə yetişdirilən 900 ədəd çətənə bitkisi aşkar edilib.

“Ölkə.Az” xəbər verir ki, bu barədə Daxili İşlər Nazirliyi məlumat yayıb.

Sözügedən bitkiləri becərən şəxslərin Gərəkli kənd sakinləri Eşqin və Dibirov Motuxov qardaşları, Anar Umarov, Oqtay Gülüyev, Araz Quliyev, Rasim Xəlilov, həmçinin Balakən şəhər sakini Natiq Dibirov olduğu müəyyən edilib.

Onlar şübhəli şəxs qismində saxlanılaraq Balakən Rayon Polis Şöbəsinə gətiriliblər.

Saxlanılan şəxslər ifadələrində əvvəlcədən bir qrup şəxs halında birləşərək meşəlik ərazidə narkotik tərkibli bitkiləri yetişdirib, daha sonra qazanc əldə etmək məqsədilə satmaq istədiklərini bildiriblər.

Faktla bağlı cinayət işi başlanılıb.

Ölkə.Az

ŞƏRH YAZ
0

Azərbaycanda robotexnikaya böyük dəstək — Məktəblərdə robototexnika kursu yaradılacaq

Azərbaycanda robotexnikaya böyük dəstək
21:55
23.07.2019
1326
Ölkə
A
Azərbaycanda 2019-2020-ci tədris ilində 50-dən artıq məktəbdə robototexnika kursu yaradılacaq.

“Ölkə.Az trend-ə istinadən xəbər verir ki, bunu Təhsil Nazirliyinin Təhsilin inkişafı proqramları şöbəsinin müdiri Emin Əmrullayev deyib.

Onun sözlərinə görə, bu kurslar 5000-dən artıq şagirdi əhatə edəcək.

E.Əmrullayev bildirib ki, hazırda Təhsil İnstitutunun əməkdaşları məzmun və tədris planı üzərində işləyirlər:

"Hazırda STEAM-ın (Science, Technology, Engineering, Art and Mathematics - Elm, Texnologiya, Mühəndislik, İncəsənət və Riyaziyyat) tətbiqi üçün hazırlıq işləri davam edir. STEAM müxtəlif fənlərin inteqrativ təliminə əsaslanır, şagirdləri maraqlı layihələrə cəlb etməklə onların motivasiyasını artırır, şagirdlərdə məsələ həlletmə, qrupda iş və əməkdaşlıq, ünsiyyət, yaradıcılıq, tənqidi təfəkkür kimi bacarıqları inkişaf etdirir. Bunun üçün mart ayında Təhsil Nazirliyinin dəstəyi ilə 50 nəfər müəllim İsrailə 4 həftəlik müvafiq təlimlərə göndərilmişdi".

Ölkə.Az

ŞƏRH YAZ
0
BAĞLA