Masallıdakı dəhşətli qəzada ölən gəncin anası xəstəxanada özünü öldürdü

Masallıdakı dəhşətli qəzada ölən gəncin anası xəstəxanada özünü öldürdü
20:05
11.07.2019
7861
Hadisə
A
Masallı rayonunda baş verən dəhşətli yol-nəqliyyat hadisəsi zamanı övladı ölən qadın intihar edib.

“Ölkə.Az” oxu.az-a istinadən xəbər verir ki, hadisə zamanı ölən 2002-ci il təvəllüdlü Tağıyev Əlizahir Atalı oğlunun anası intihar edərək həyatına son qoyub.

Məlumata görə, hadisə xəstəxanada baş verib. Belə ki, o, qəzada yaralanan qızı - 1995-ci il təvəllüdlü Tağıyeva Miranə Atalı qızının müalicə aldığı xəstəxanada özünü öldürüb.

Qeyd edək ki, iyulun 9-da Masallı rayonunda yük maşını ilə “Mercedes Vito” markalı mikroavtobus toqquşub.

Qəzada səkkiz nəfər ölüb. İki nəfər isə ağır xəsarət alıb.

ŞƏRH YAZ
0

Keçmiş arvadını öldürmək istəyənə hökm oxundu

Keçmiş arvadını öldürmək istəyənə hökm oxundu
04:34
Bu gün
499
Hadisə
A
Bakı Ağır Cinayətlər Məhkəməsində keçmiş həyat yoldaşını öldürməyə cəhddə təqsirləndirilən Zaur Rzayevin cinayət işi üzrə məhkəmə iclası başa çatıb.

"Ölkə.Az" xəbər verir ki, hakim Azad Məcidovun sədrliyi ilə keçirilən prosesdə hökm oxunub

Məhkəmənin hökmü ilə o, 13 il müddətinə azadlıqdan məhrum edilib.

Qeyd edək ki, hadisə Bakının Binəqədi rayonu Rəsulzadə qəsəbəsində yerləşən gözəllik salonlarının birində baş verib.

Bakı şəhər sakini, 1974-cü il təvəllüdlü Rzayev Zaur Ağahüseyn oğlu gözəllik salonunda işləyən, keçmiş arvadı, 1978-ci il təvəllüdlü Rzayeva Aynur Osman qızını bıçaqlayıb. A.Rzayeva çoxsaylı bıçaq xəsarətləri ilə xəstəxanaya yerləşdirilib.

Faktla bağlı Binəqədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.

Keçirilən əməliyyat tədbirləri nəticəsində hadisəni törətməkdə şübhəli bilinən Z. Rzayev saxlanılıb.

Natiq Allahverdiyev

Ölkə.Az

ŞƏRH YAZ
0

11 manata görə 8 il həbs cəzası aldı

11 manata görə 8 il həbs cəzası aldı
02:32
Bu gün
708
Hadisə
A
Bakı Ağır Cinayətlər Məhkəməsində quldurluq etməkdə təqsirli bilinən Səid Vəliyevin cinayət işi üzrə məhkəmə prosesi yekunlaşıb.

"Ölkə.Az" xəbər verir ki, hakim İradə Həsənzadənin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə Səid Vəliyev 8 il 3 ay müddətinə azadlıqdan məhrum edilib.

Qeyd edək ki, ittihama görə 22 yaşlı S.Vəliyev Bakı Ağır Cinayətlər Məhkəməsinin qarşısında tanımadığı İlkin Abdullayev adlı şəxsə yaxınlaşaraq ondan pul istəyib. İlkin qorxaraq cibində olan 11 manatı Səidə verib. İttihamda o da göstərilir ki, Səid aldığı 11 manatdan ikisini İlkinə geri qaytarıb ki, yol pulu etsin. Bundan sonra Səid polis əməkdaşları tərəfindən saxlanılıb.

Saxlanılan Səid Vəliyevin digər şəxsə qarşı da eyni əməli törətdiyi məlum olub.

Natiq Allahverdiyev

Ölkə.Az

ŞƏRH YAZ
0
BAĞLA