Masallıdakı dəhşətli qəzada ölən gəncin anası xəstəxanada özünü öldürdü
Masallı rayonunda baş verən dəhşətli yol-nəqliyyat hadisəsi zamanı övladı ölən qadın intihar edib.
“Ölkə.Az” oxu.az-a istinadən xəbər verir ki, hadisə zamanı ölən 2002-ci il təvəllüdlü Tağıyev Əlizahir Atalı oğlunun anası intihar edərək həyatına son qoyub.
Məlumata görə, hadisə xəstəxanada baş verib. Belə ki, o, qəzada yaralanan qızı - 1995-ci il təvəllüdlü Tağıyeva Miranə Atalı qızının müalicə aldığı xəstəxanada özünü öldürüb.
Qeyd edək ki, iyulun 9-da Masallı rayonunda yük maşını ilə “Mercedes Vito” markalı mikroavtobus toqquşub.
Qəzada səkkiz nəfər ölüb. İki nəfər isə ağır xəsarət alıb.
