Maşın alverçilərinin “probeq” fırıldağı — VİDEO

Maşın alverçilərinin “probeq” fırıldağı
15:41
11.02.2019
7798
Ölkə
A
Avtomobillərin yürüşünün geri çəkilməsini necə müəyyən etmək olar?

 

"Ölkə.Az" xəbər verir ki, ARB TV-nin “Günə Doğru” proqramında mövzu ilə bağlı süjet hazırlanıb.

Hazırda 2000-ci ildən əvvəl istehsal olunan avtomobillərin satışında artım müşahidə olunur. Bəzi vətəndaşlar yaranmış əlverişli şəraitdən istifadə edərək uzun müddət istismar etdiyi avtomobilini baha qiymətə satmaq üçün müxtəlif üsullardan istifadə edir. Sözü gedən metodlardan ən çox yayılanı yürüşə müdaxilə edərək göstəricisini azaltmaqdır.

Sürücü: “Yürüşü arxaya çəkilibsə, bu, onun görkəmindən bəlli olur”.

Sürücü: “Bu maşınımdan əvvəl bir maşın aldım, ustaya aparıb yürüşünü yoxlatdım. 200 min idi alanda, 400 min yürüşü olduğunu göstərdi. Aparıb qaytardım”.

Satıcılar ustaların köməyi ilə avtomobilin odometrinə müdaxilə edərək istismar müddətində qət etdiyi məsafəni dəfələrlə azaldır. Bununla onlar alıcını avtomobilin az istifadə olunduğuna səliqəli saxlanıldığına inandırmağa çalışırlar. Çünki yürüşün böyük olması avtomobilin çox istifadə edildiyinə və gələcəkdə texniki problemlərin ortaya çıxacağına işarə hesab olunur.

Usta: “Son zamanlar belə tendensiya müşahidə edilir ki, istənilən adam maşın alır, müəyyən bir müddət sürdükdən sonra maşını satır. Bu zaman da daha yüksək məbləğə satmaq üçün avtomobilin yürüşünü geri çəkirlər”.

Avtomobillərin yürüşünün geri çəkilməsi proseduru bahalı deyil və 30-80 manat arasında dəyişir. Lakin proses tam həyata keçirilmədiyi üçün onu müəyyən etmək mümkün olur. Yürüşə müdaxilənin hansı avtomobillərdə mümkün olmasına gəlincə isə, 2002-ci ildən sonra istehsal olunan avtomobillərin yürüş göstəricisinə müdaxilə etmək çox çətindir. Çünki bu avtomobillərin odometri ilə yanaşı digər detallarında da yürüş göstəriciləri yaddaşa yazılır. Digərlərində isə göstərici yalnız odometrdə saxlanıldğı üçün onu silmək mümkün olur.

Hazırda satış bazarında daha çox Almaniya istehsalı olan avtomobillərin yürüşünə müdaxilə edilir. Sözügedən nəqliyyat vasitələrinin əksəriyyəti 20 ildən çox istifadə edildiyi üçün yürüş göstəricisinin azaldılmasına ehtiyac yaranır.

Usta: “Bütün elektron bloklarda qeydə alınmış yürüşü geri çəkilərsə, onu heç bir avadanlıqda təyin etmək mümkün deyil. Lakin avtomobilə xüsusi baxış keçirməklə bunu təyin etmək mümkündür”.

Salona diqqət etməklə də istismar müddətini qismən müəyyən etmək olar. Sükan, qoltuqlar və ən əsası oturacaqlar avtomobilin istifadə müddətini göstərən ən önəmli vasitələrdir.

Avropada bəzi ölkələrdə yürüşə müdaxiləyə görə vətəndaş cinayət məsuliyyətinə cəlb oluna bilər. Ölkəmizdəki mövcud qanunvericilikdə isə belə faktlar üçün xüsusi müddialar nəzərdə tutulmayıb. 

Ölkə.Az

ŞƏRH YAZ
1

“Rəşadın ayağı bir neçə gün əvvəl, bədəni isə bu gün tapılıb” — PİLOTUN ÖLÜM TƏFƏRRÜATI

“Rəşadın ayağı bir neçə gün əvvəl, bədəni isə bu gün tapılıb”
14:25
Bu gün
498
Ölkə
A
“Rəşadın nəşi təyyarənin düşdüyü yerdən tapılıb”.

"Ölkə.Az" xəbər verir ki, bu sözləri News24.az-a açıqlamasında mərhumun qayınatası Qabil Hüseynli deyib. 

Onun sözlərinə görə, cəsəd bütöv deyilmiş: “Hazırda nəşin tapıldığı yerdən qayıdıram. Nəşin tanınması üçün məni çağırmışdılar. Cəsəd bütöv deyil. Çanaq və bədənin müəyyən hissələri tapılıb”. 

Q.Hüseynlinin dediyinə görə, pilotun nəşinin bir ayağı 3 gün öncə tapılıbmış. Amma bu haqda ailəsinə məlumat verilməyib: “Ayağının birini tapıblarmış. Amma bizə bu haqda heç nə deməmişdilər. İndi də bədənin kresloda olan hissəsi aşkarlanıb”.

Mərhum pilotun qayınatasının dediyinə görə, sabah saat 9-da onunla vida mərasimi olacaq: “Bu gün Təzə Pir Məscidində nəş yuyulacaq. Sabah səhər saat 9-da Dadaş Bünyadzadə küçəsində yaşadığı evdə onunla vida mərasimi keçiriləcək. Daha sonra Müdafiə Nazirliyinin Hərbi Tədris Mərkəzində rəsmi vidalaşma mərasimi olacaq. Və əsgəri qaydada II Fəxri Xiyabanda dəfn olunacaq”.

Qabil Hüseynlinin dediyinə görə, təyyarə düşdüyü yerə bərk çaxıldığı üçün cəsəd hissələrə ayrılıb: “Mütəxəssislər deyir ki, “MİQ 29” yerə enərkən burnu üstə zərblə çırpılıb. Sıxılma prosesi gedib və cəsəd əzilib. Pilot kabinəsi də bu səbəbdən yerini dəyişib. Cəsədin ancaq bədən hissəsi bütöv qalıb”.

Xatırladaq ki, polkovnik-pilot Rəşad Ataakişiyevin nəşi bu gün tapılıb. 

Qeyd edək ki, iyulun 24-də saat 22.00 radələrində plana uyğun olaraq gecə vaxtı təlim-məşq uçuşları keçirən HHQ-nın MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. 

Allah rəhmət eləsin!

ŞƏRH YAZ
0

Qadını qaçırdı, qeyri-rəsmi nikahda yaşadılar, axırda isə... — Şamaxıda CİNAYƏT

Qadını qaçırdı, qeyri-rəsmi nikahda yaşadılar, axırda isə...
13:56
Bu gün
1246
Ölkə
A
Qaçırdığı qadını öldürməyə cəhddə təqsirli bilinən Şirzad Əsədov barəsindəki hökmdən Sumqayıt Apellyasiya Məhkəməsinə şikayət edib.

"Ölkə.Az" xəbər verir ki, onun şikayəti ilə bağlı məhkəmə prosesi hakimi Elman Əhmədovun sədrliyi ilə keçiriləcək.

Qeyd edək ki, hadisə ötən il Şamaxı rayonunun Meysəri kəndində baş verib. Kənd sakini, 1986-cı il təvəllüdlü Zöhrə Güloğlan qızı Əlqəmbəyeva qeyri-rəsmi nikahda yaşadığı Ş.Əsədov tərəfindən döyülüb. O, ağır bədən xəsarətləri ilə Şamaxı Rayon Mərkəzi Xəstəxanasına yerləşdirilib.

Məlumata görə, 35 yaşlı Ş.Əsədov əvvəllər məhkum olunub. O, hadisədən 15 gün öncə Z.Əlqəmbəyevanı qaçırıb və onlar qeyri-rəsmi nikahda yaşayıblar. Qadın əvvəllər bir dəfə evli olub.

Şirzad Əsədov Cinayət Məcəlləsinin 29, 120.2.4-cü (xüsusi amansızlıqla və ya ümumi təhlükəli üsulla adamöldürməyə cəhd) və 126.2.3 (qəsdən sağlamlığa ağır zərər vurma xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı törədildikdə) maddəsi ilə təqsirli bilinib.

Bakı Ağır Cinayətlər Məhkəməsinin hökmü ilə o,16 il müddətinə azadlıqdan məhrum olunub. 

Natiq Allahverdiyev
Ölkə.Az

 

ŞƏRH YAZ
0
BAĞLA