"Maşın mənim həyatımdır" — Qeyri-adi taksi sürücüsü + FOTO

23:55
15.05.2019
1555
Ölkə
A
İnsanlar çox vaxt sahib olduqları şeylərin dəyərini bilmir, problemlər qarşısında tez ruhdan düşərək geri çəkilirlər. Lakin elə insanlar var ki, ən böyük sərvət olan sağlamlıqlarını itirsələr belə bütün çətinliklərin sinə gərərək həyata bağlanmağı bacarırlar.

"Ölkə.Az" bioxu.az-a istinadən bildirir ki, Goranboy rayonunun Nərimanlı kənd sakini, I qrup əlil Elşad Məmmədov da bu cür insanlardandır. O, 15 il əvvəl hər iki ayağından məhrum olsada, ruhdan düşməyərək gəncliyindən məşğul olduğu sürücülük peşəsini davam etdirib. Avtomobili idarə edə bilmək üçün pedalları əllə idarə ediləcək şəklə salaraq taksi fəaliyyəti ilə məşğul olan E.Məmmədov avtomobili sağlam sürücülər kimi idarə edir.

Bu yolla həyatına rəng qatmaqla yanaşı, ailəsinin dolanışığını yardımçı olur. O, hətta əksər təmir işlərini də özü aparır. 57 yaşlı Elşad Məmmədov hər şeyin heç də indi göründüyü kimi asan başa gəlmədiyini söyləyib. Səhhətində problemləri 1989-cu ildən başlayan Goranboy sakini bütün müalicələrə baxmayaraq, 2004-cü ildə hər iki ayağını itirməli olub. E.Məmmədov ayaqlarını itirməyin ona çox pis təsir etdiyini, hər an ölüm haqda fikirləşdiyini söyləyib:

“Ölümü fikrimdən çıxara bilmirdim. Elə fikirləşirdim ki, bu gün öləcəm, sabah öləcəm. Sağ qalmağıma inamım yox idi. Sonradan qərara gədim ki, maşın alım. Maşını alaraq onda öz ideyamla əllə idarə etmək üçün düzəlişlər etdim. Yavaş-yavaş bu maşının köməyilə bütün problemlərimi yaddan çıxardım. İndi sükan arxasında oturanda özümü sağlam adam kimi hiss edirəm”.

Goranboy sakini avtomobilinin onunçün yaşam səbəbi, həyat mənbəyi olduğunu söyləyib:

“Maşın mənim həyatımdı. Ana balasız qala bilmədiyi kimi mən də maşınsız qala bilmərəm. Axşamdan hiss edəndə ki, maşında nasazlıq var, həmin gün gözümə yuxu getmir. Sabah olan kimi çayımı içməmiş başlayıram nasazlığını düzəltməyə. Ona görə də 2004-cü ildən sürsəm də məni yolda qoymayıb, 1 dəfə olsun benzini qurtarmayıb, təkəri belə buraxmayıb”.

Tək narahatlığının yol hərəkəti qaydalarını bilməyən, sürücülük mədəniyyəti olmayan sürücülər olduğunu deyən E.Məmmədovun müştəriləri də kifayət qədərdir. Qazaxdan Şirvanadək bütün ətraf rayonlara hər gün müştəri aparan Goranboy sakini müştərilərin sağlam sürücülərdən daha çox ona etibar etdiklərini bildirib.

Elşad Məmmədovun istəyi fiziki məhdudiyyətli şəxslər üçün hazırlanmış avtomobilə sahib olmaqdır. 1985-ci il istehsalı olan “dəmir” dostunun artıq köhnəldiyindən bir müddət öncə əlillər üçün nəzərdə tutulmuş avtomobil almaq üçün müraciət edib. Lakin Əmək və Əhalinin Sosial Müdafiəsi Nazirliyinindən ona avtomobillərin yalnız Qarabağ və Böyük Vətən müharibəsi əlillərinə verildiyi bildirilib.

Ölkə.Az

ŞƏRH YAZ
0

Bakının ən böyük Yeni il yolkası burada qurulacaq

Bakının ən böyük Yeni il yolkası burada qurulacaq
18:07
Bu gün
666
Ölkə
A
Qarşıdan gələn 31 dekabr - Dünya Azərbaycanlılarının Həmrəylik Günü və 1 yanvar - Yeni il bayramı ilə əlaqədar paytaxt Bakıda quraşdırılacaq ən böyük Yeni il yolkasının qurulacağı yer məlum olub.

"Ölkə.Az" xəbər verir ki, bu barədə Trend-ə Bakı Şəhər İcra Hakimiyyətinin Xidmət və Ticarət Departamentindən məlumat verilib.

Məlumata görə, Bakının müxtəlif yerlərində yolkalar quraşdırılacaq: "Rayon icra hakimiyyətləri tərəfindən yeni il yolkaları Bakıdakı park və istirahət mərkəzlərində quraşdırılacaq. Bakının ən böyük yolkası isə bu dəfə "Azneft" dairəsində qurulacaq. Həmin yolkanın hündürlüyü 34 metr olacaq. Yolkaların quraşdırılmasına dekabrın 15-dən start veriləcək".

Xatırladaq ki. ötən il Bakının ən böyük yeni il yolkası paytaxtın Azadlıq meydanında quraşdırılmışdı. Yolkanın hündürlüyü 37 metr diametri isə 16 metr idi.

ŞƏRH YAZ
0

Qısqanc ər arvadının boğazını kəsdi — QƏBƏLƏDƏ DƏHŞƏTLİ QƏTL

Qısqanc ər arvadının boğazını kəsdi
17:01
Bu gün
2298
Ölkə
A
Qəbələ rayonunda arvadını qətlə yetirməkdə təqsirli bilinən Cəsarət İbrahimovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Şəki Ağır Cinayətlər Məhkəməsinə göndərilib.

Cinayət işi hakim Nahid Mirzəyevin icraatına verilib.

Qeyd edək ki, hadisə bu il rayonun Mirzəbəyli kəndində qeydə alınıb. Kənd sakini, 33 yaşlı Cəsarət Ağalar oğlu İbrahimov qısqanclıq zəminində həyat yoldaşı, 33 yaşlı Ülviyyə Rasim qızı İbrahimovanın bıçaqla boğazını kəsib. Nəticədə çoxlu qan itirən qadın hadisə yerində ölüb.

Polis əməkdaşları tərəfindən saxlanılan Cəsarət İbrahimov Cinayət Məcəlləsinin 120.1-ci (qəsdən adam öldürmə) maddəsi ilə ittiham olunur.

Natiq Allahverdiyev
Ölkə.Az

ŞƏRH YAZ
0
BAĞLA