Maşın saxlamaq üstündə qonşusunu öldürdü

"Ölkə.Az" xəbər verir ki, təqsirləndirilən şəxsin şikayətinə aprel ayının 23-də hakim İmran Hacıqayıbovun sədrliyi ilə keçirilən məhkəmə prosesində baxılacaq.

İttihama görə, 2015-ci il iyulun 31-dən avqustun 1-nə keçən gecə Binəqədi qəsəbəsində Sərxan Mahmudov və Z.Manafov münaqişə zəminində bir-birinə bıçaqla xəsarət yetiriblər.

Xəstəxanaya yerləşdirilən yaralılardan S.Mahmudov dünyasını dəyişib. Z.Manafov Binəqədi Rayon Polis İdarəsinin əməkdaşları tərəfindən saxlanılıb. Məlum olub ki, mərhumla təqsirləndirilən şəxs qonşu olublar. Hadisədən əvvəl qonşusu Elçin maşını uyğunsuz yerdə saxlayıb, Zaur maşınını məhəllədən çıxara bilməyib.

Zaur qonşusundan maşınını geri çəkməsini istəyəndə Elçin ona sərt cavab verib. Nəticədə onların arasında mübahisə yaranıb. Bu vaxt mübahisəyə Elçin Qədimovun qohumu Sərxan müdaxilə edib. Sərxan Zaur Manafova söyüş söyüb. Sonda hadisə qanlı olayla nəticələnib.

Qeyd edək ki,Bakı Ağır Cinayətlər Məhkəməsində Hakim Əfqan Hacıyevin sədrliyi ilə keçirilən prosesdə hökm oxunub. Məhkəmənin hökmü ilə Z.Manafov 17 il müddətinə azadlıqdan məhrum edilib.

Natiq Allahverdiyev
Ölkə.Az