KORONAVİRUSA YOLUXANLARIN SAYI - CANLI STATİSTİKA

“Maşın Şou”nun finalına 3 nəfər qaldı — Kimlərdir onlar? – DOSYE

“Maşın Şou”nun finalına 3 nəfər qaldı
10:31
15.10.2019
12497
Maqazin
A
Dünən gecə “Maşın” realiti-şousunun aparıcısı Murad Dadaşov sonuncu dəfə səsverməyə “stop” deyib. Bununla da şounun finalçıları məlum olub. Bunlar müğənni və bəstəkar Ramal İsrafilov, teleaparıcı Lalə Mustafayeva və “foodblogger” Suna Kasımoğlu olub.

“Ölkə.Az” “Maşın” şounun “Maskarad”ında finala qalan 3 iştirakçı haqqında qısa məlumatı təqdim edir:

Müğənni və bəstəkar Ramal İsrafiloğlu

Image result for Ramal İsrafilov masin

İsrafilov Ramal 1985-ci il iyun ayının 15-i Şamaxı şəhərində musiqiçi ailəsində dünyaya göz açıb. Valideynlərinin dediyinə görə, 3 yaşında olarkən pianoda ilk dəfə "Cücələrim" mahnısını ifa edib. 1997-ci ildə təhsilini davam etdirmək üçün Bakı şəhəri Bülbül adına orta ixtisas musiqi məktəbinin xanəndə sinfinə daxil olub.

2002-ci ildə görkəmli Azərbaycan bəstəkarı Vaqif Gərəyzadənin yaratdığı "Aypara" vokal qrupuna dəvət olunub.

2004-cü ildə Azərbaycan müğənnisi Abbas Bağırovla birgə yaratdığı "A-Trio" adlı qrupda solist olaraq fəaliyyət göstərib. 2009-cu ildə solo karyerasına start verib və hal-hazırda çox ciddi olaraq həm bəstəkar, həm də müğənni kimi fəaliyyət göstərir.

Ramal xalq artisti Mələkxanım Əyyubovanın qardaşı oğludur.

Teleaparıcı Lalə Mustafayeva

Image result for Lalə Mustafayeva Maşın

Lalə Mustafayeva 1977-ci ildə anadan olub. 

"Miss Xəzər 2002" titulunun sahibi, keçmiş model və populyar teleaparıcı uzun müddət “Lider” televiziyasında çalışıb.

15 klipə, 4 filmə həmçinin Moskvada "Dronqo" filminə çəkilib.

Ailəli olub. Həyat yoldaşı vəfat edib. Ali təhsillidir.

“Foodblogger” Suna Kasımoğlu

Image result for Suna Kasımoğlu Maşın

Suna Kasımoğlu 1971-ci ildə Türkiyədə doğulub. 16 ilə yaxındır Azərbaycanda yaşayan Suna xanım təqribən bir ildir bloqerlik edir. 

O, “Youtube” kanalında  yeməklərin hazırlanma qaydasını əyani şəkildə izləyiciləri ilə bölüşür. 

Suna dəfələrlə Azərbaycanı və Azərbaycan yeməklərini çox sevdiyini dilə gətirir. Yeməklərimizi yeməkdən başqa Kasımoğlu bu 16 ildə onların hazırlanma qaydasını da yetərincə öyrənib.

 Vüsalə Balayeva

Ölkə.Az

ŞƏRH YAZ
0

`“Namiq mənə zəng edə bilməz, qara siyahıdadır” — Aygün Kazımova - VİDEO

`“Namiq mənə zəng edə bilməz, qara siyahıdadır”
13:16
Bu gün
1461
Maqazin
A
“Karantin müddətində evdə oturdum və özümə söz verdim, elə gözəlləşəcəyəm ki, hamının ağlını başından alım”.

"Ölkə.Az" oxu.az-a istinadən xəbər verir ki, bu sözləri Xalq artisti Aygün Kazımova “Xəzər” telekanalında yayımlanan “Fəlidən doğru xəbər” gecə şousunda qonaq olarkən deyib.

Sənətçi onunla qalmaqal edən həmkarlarına əvvəllər cavab versə də, indi isə susmağa üstünlük verdiyi söyləyib:

“Əvvəllər onlar məni əsəbiləşdirirdilər. Cavab verirdim. Cavab verəndə isə aləm dəyirdi bir-birinə. İndi isə cavab vermirəm. Cavab verməyəndə isə onların söylədikləri elə özlərində qalır. Onları susmağımla cəzalandırıram”.

Verilişin aparıcısı Fəlinin (Elşən Cəfərovun) “Sizə məşhurlardan kim zəng etsə, telefonun dəstəyini özünüz yox, menecerinizin qaldırmağını istəyərsiz?” sualına pop diva belə cavab verib:

“Telefonuma nadir hallarda kimsə zəng edir. Çünki nadir hallarda telefonla danışıram. Misal üçün, Namiq Qaraçuxurlu mənə zəng edə bilməz. Çünki onu qara siyahıya atmışam”.

Verilişin gedişatında A.Kazımova illər öncə AzTV-dəki bir çox çıxışlarının montaj edilərək efirdən çıxarıldığını açıqlayıb:

“Əvvələr bir tək televiziyamız var idi. O da ki AzTV. AzTV-dəki çıxışlarımı montaj edib, efirə vermirdilər. Nəinki sözlərimi, bütün çıxışımı kəsib efirdən çıxarırdılar ”.

ŞƏRH YAZ
0

Elariz Məmmədoğlu Amerikadakı biznesindən danışdı — MÜSAHİBƏ

Elariz Məmmədoğlu Amerikadakı biznesindən danışdı
12:21
Bu gün
2737
Maqazin
A
“Green Card” (Yaşıl kart) qazandıqdan sonra ABŞ-a daimi yaşayış üçün köçən, yaradıcılıq fəaliyyətini orada davam etdirən müğənni Elariz Məmədoğlu vətəndən uzaqda həyatının necə keçdiyindən danışıb.

"Ölkə.Az" xəbər verir ki, sənət fəaliyyəti ilə yanaşı Nyu-Yorkda dönərxana açan müğənni Yenisabah.az-ın suallarını cavablandırıb:

 - Vətəndən çox-çox uzaqlarda yazıb-yaratmaq çətin deyil ki? Elariz Məmmədoğlu qərib eldə nədən və yaxud kimdən ilhamlanır? 

- Vətəndən uzaqlarda yazıb-yaratmaq mümkündür. Məsələn, bəstəçi Sergey Raxmaninov da Amerikada yazıb-yaradırdı. Hər şey incəsənət adamının professionallığından asılıdır. 

- Bakı üçün darıxırsınızmı? Azərbaycan yadınıza düşəndə özünüzü necə ovundurursunuz? 

- Bakı və Azərbaycan üçün darıxıram. Azərbaycan yadıma düşəndə ya musiqi dinləyirəm, ya da köhnə dostları arayıram. 

- Geriyə dönməyi, yenidən Azərbaycanda yaşayıb-yaratmağı düşünürsünüzmü? 

- Mənim istədiyim vaxt Bakıya gəlmək iznim var. İndi çox gözəl zamandır. 

- Elariz bəy, sənət dostlarınızın, azərbaycanlı həmkarlarınızın fəaliyyətini izləyirsinizmi? Azərbaycanlı müğənnilərin repertuarı, ifa tərzi sizi qane edirmi? 

- Əlbəttə, sənət dostlarımın fəaliyyətini izləyirəm. Bəzilərinin repertuarı məni qane edir, bəzilərininki isə etmir, amma hər kəs öz işini daha yaxşı bilir. Görünür, belə lazımdır. İfa tərzi isə rəngarəng olmalıdır. Müğənnilər bir-birini təqlid etməməlidirlər. Əksər müğənnilərimizi bəyənirəm. Bəzilərinin ifa tərzi düzgün olmadığına görə sevmirəm. 

- ABŞ-dakı işinizdən razısınızmı? Biznesdə uğur qazana bildinizmi?

 - Azərbaycanda da, ABŞ-da da işimdən razıyam. Biznesdə uğurum var. Konsertlər, toylar, banketlər və restoran işi vaxtaşırı olur (koronavirusa qədər). Lakin hər şey yaxşı olacaq. (Everything will be fine!)

“Azərbaycanda da, Amerikada da uğurlu biznesim var”  – Elariz Məmmədoğlu ilə MÜSAHİBƏ
ŞƏRH YAZ
0
BAĞLA