KORONAVİRUSA YOLUXANLARIN SAYI - CANLI STATİSTİKA

Maşını qazla işləyən sürücülərin nəzərinə!

Maşını qazla işləyən sürücülərin nəzərinə!
12:01
10.10.2019
4015
Ölkə
A
Son aylarda Azərbaycanda periodik olaraq maye qazın satışında qıtlıq yaranıb. Bir neçə ay əvvəl gündəmə gələn, işıqlandırdığımız məsələ bu gün yenidən aktuallaşıb. (Sözügedən xəbəri bu linkə daxil olaraq oxuya bilərsiz.)

"Ölkə.Az" xəbər verir ki, bir neçə sürücü “Qafqazinfo”ya müraciət edərək bildirib ki, oktyabrın 5-dən bəri paytaxtda maye qaz tapılmır.

Şikayətçi Rufin Quliyev deyir ki, son 5 ayda maye qaz sürücülərə limitlə satılıb: “İndi SOCAR-ın da, Azpetrolun da yanacaqdoldurma məntəqələrində maye qaz yoxdur.

Son günlər saatlarla növbədə dayanıb sonra alırdıq, artıq o da yoxdur. Mənim maşınım Koreya istehsalı olan “Hyundai Sonata”dır, zavoddan maye qazla təchiz edilərək istehsal olunub.

Ona benzin vura bilmirəm, 3 gündür maşını evdə saxlayıb özüm taksi ilə gəzirəm. Biz fikirləşirdik yəqin LPG-nin, yəni maye qazın qiyməti qalxacaq deyə qıtlıq yaranıb.

Amma qiymət də qalxmır, bir nəfər də çıxıb konkret bir söz demir ki, işimizi bilək. Əgər bundan sonra LPG ümumiyyətlə olmayacaqsa, bunu da desinlər bilək.

Maşını CNG ilə işləməsi üçün düzəltdirmək isə 1500 manata başa gəlir”.

SOCAR-ın İctimaiyyətlə Əlaqələr İdarəsinin rəisi İbrahim Əhmədov açıqlamasında bildirib ki, sənayenin inkişafı nəticəsində LPG-yə artan tələbata görə qıtlıq yaranıb:

“Alternativ enerji olan sıxlaşdırılmış qaz, yəni CNG-nin istehlakının artması nəticəsində bazarda LPG-yə olan tələbat azalarsa, yəni, bu gün benzin və LPG ilə işləyənlərin bir qismi CNG-ə keçərsə, problem öz həllini tapar.

Biz artıq bu istiqamətdə böyük bir layihə başlatmışıq. Ölkə üzrə bir çox yanacaqdoldurma məntəqələrində CNG təklif olunacaq.

Misal üçün, şərti olaraq bu gün 100 maşın LPG-dən istifadə edir, hazırda 80-i üçün bazarda yanacaq var. Buna görə 100 maşından 40-ı CNG-ə keçərsə, onda yerdə qalan 60 maşın üçün tələbat tam ödənəcək.

Əsas hədəf budur ki, LPG-ni tam bazardan çıxarmaq yox, azaltmaq lazımdır”.

İ.Əhmədov bu qıtlığa tələbatın artması, yoxsa istehsalın azalmasının səbəb olması haqda sualı belə cavablandırıb:

“Son dönəmdə heç bir şəkildə istehsalın azalması baş verməyib, tələbat artıb. Xüsusilə də emal sənayesində LPG-yə tələbat çoxalıb.

Qeyri-neft sektoru, kimya sənayesi inkişaf edir, bu sektora xammal təchizatı da neft sektorundan gəlir. Sənayedə tələbat artdıqca pərakəndə satışa bir az LPG çatır”.

SOCAR təmsilçisi çıxış yolu kimi sürücülərin CNG-yə üstünlük verməsini göstərib: “Ölkəni yanacaqla təkcə SOCAR təchiz etmir.

Təchizatçı şirkətlər LPG-ni SOCAR-dan almağa məcbur deyillər, xaricdən idxal da edə bilərlər. Bizim irəli sürdüyümüz təşəbbüs budur ki, LPG-yə olan tələbatdan təzyiqi götürək, təklif olunan alternativ CNG daha keyfiyyətlidir, sadəcə quraşdırılma üçün sərmayə tələb edir”.

İbrahim Əhmədov bildirib ki, Neft Emalı Zavodu istehsalı artırmağı planlaşdırır: “Zavod il ərzində 6 milyon ton neft emal etmək gücündədir.

Hədəf budur ki, istehsalı 7,5 milyon tona qaldıraq. Bu, bir neçə ilə reallaşacaq, amma kimya sənayesində də LPG-yə tələbat artırmaqdadır.

Ona görə maye qaz qıtlığının həlli üçün əsas hədəf bu olmalıdır ki, alternativ enerjidən istifadəyə üstünlük verilsin.

Bizim bu işdə üstünlüyümüz budur ki, zəngin qaz yataqlarımız var və qazın istehsalını artırmaq imkanlarımı çoxdur.

CNG daxili istehsaldır və onun sıxlaşdırılması üçün xüsusi zavoda ehtiyac yoxdur. CNG-nin istehsalı LPG qədər mürəkkəb deyil.

Buna görə də CNG-nin tələbatında heç vaxt qıtlıq yarana bilməz. Bu problemin həlli üçün uzun müddətli perspektivdə CNG-yə keçmək əsas hədəfdir”.

Ölkə.Az

ŞƏRH YAZ
0

Müdafiə Naziri Baş Klinik Hospitalın yeni korpusunun açılışında — VİDEO

Müdafiə Naziri Baş Klinik Hospitalın yeni korpusunun açılışında
12:35
Bu gün
584
Ölkə
A
Prezident, Silahlı Qüvvələrin Ali Baş Komandanı İlham Əliyevin diqqət və qayğısı sayəsində Azərbaycan Ordusunun şəxsi heyətinin xidməti, sosial-məişət şəraitinin yaxşılaşdırılması, sağlamlığının qorunması istiqamətində məqsədyönlü tədbirlər həyata keçirilir, hərbi hissələrin maddi-texniki bazası gücləndirilir, müasir standartlara cavab verən hərbi infrastruktur yaradılır.

Müdafiə Nazirliyindən "Ölkə.Az"a verilən məlumata görə, hərbi tibb müəssisələrində həyata keçirilən tikinti-quruculuq işlərinin davamı kimi Silahlı Qüvvələrin Baş Klinik Hospitalının üçüncü müalicə korpusunun açılış mərasimi keçirilib. Tədbirdə iştirak edən Müdafiə naziri general-polkovnik Zakir Həsənov və nazirliyin digər rəhbər heyəti istifadəyə verilən müalicə korpusunda yaradılan şəraitlə tanış olublar.

Müdafiə Nazirliyi Tibb Baş İdarəsinin rəisi general-mayor Natiq Əliyev Müdafiə nazirinə məruzə edib ki, üç mərtəbədən və bir zirzəmidən ibarət müalicə korpusunun ümumi sahəsi 4000 kvadratmetrdir. Burada stomatoloji və oftalmoloji kabinetlər, manipulyasiya, qan götürmə, reanimasiya, növbətçi həkim, oksigen, dezinfeksiya, sterilizasiya, eləcə də digər xidməti və inzibati otaqlar, laboratoriya, yeməkxana, qazanxana, camaşırxana və müalicə alanların reabilitasiyası üçün nəzərdə tutulmuş idman zalı mövcuddur.

Bildirilib ki, dünyanın qabaqcıl ölkələrində istehsal olunan tibbi avadanlıqlarla təchiz edilən şöbədə hərbi qulluqçuların müalicəsi üçün hər cür şərait yaradılıb. Müalicə korpusunda yaradılan şəraitlə tanış olduqdan sonra Müdafiə naziri Tibb Baş İdarəsinin rəhbərliyi qarşısında tibb xidmətinin daha da təkmilləşdirilməsi ilə bağlı müvafiq tapşırıqlar qoyub.

ŞƏRH YAZ
0

Bölgələrdə və Bakıda insanların çölə çıxmasına 2 günlük qadağa qoyulur? — AÇIQLAMA

Bölgələrdə və Bakıda insanların çölə çıxmasına 2 günlük qadağa qoyulur?
12:21
Bu gün
1017
Ölkə
A
Xəbər verdiyimiz kimi dünən Azərbaycanda koronavirusa yoluxanların sayı keçən günlərə nisbətən daha çox olub.

Belə ki, 165 nəfərdə yeni koronavirus infeksiyasına yoluxma faktı qeydə alınıb, 2 nəfər ölüb, 78 nəfər müalicə olunaraq sağalıb və evə buraxılıb. Ölkə ərazisində koronavirusa yoluxanların sayı çoxalma dinamikası ilə davam edərsə bölgələrdə və Bakıda insanların çölə çıxmasına 2 günlük qadağa qoyula bilərmi?

"Ölkə.Az" xəbər verir ki, bununla bağlı Sonxeber.az-a danışan Milli Məclisin Əmək və sosial siyasət komitəsinin sədri Musa Quliyev bildirib ki, bununla bağlı qərarları Operativ Qərargah verir: "Hər kəsin ekspert kimi çıxış edərək yol göstərməsi pandemiya ilə mübarizəyə maneə ola bilər. Çünki Operativ Qərargahda daha geniş məlumatlar var. Onlar bilirlər ki, yoluxma həddi, ağır, yüngül xəstələrin sayı və ölənlərin sayı nə qədərdir, proqnoz necədir. Bizim vətəndaş kimi borcumuz qoyulan qaydalara əməl etmək, tövsiyyələri yerinə yetirmək, sosial məsafəni qorumaq, qoruyucu tibbi maskalardan və əlcəklərdən istifadə etmək, sanitar-gigyenik normaları qorumalıyıq. Koronavirusun nə qədər ki, vaksini tapılmayıb, biz hamımız özümüzü və yaxınlarımızı qorumalıyıq. Təbii ki, qərarları hökumət və Operativ Qərargah verəcək. Bu barədə nəyisə fikir söyləməyimiz doğru olmaz. Amma mən bu barədə nikbinəm. Çünki yoluxanların sayı artsa da, müşahidələr onu göstərir ki, çoxusu ağır xəstələr deyil. Artıq Operativ Qərargahın nəzarəti altında proses gedir. Sağalanların da sayı artır. Əsas məsələ prosesin nəzarət altında olmasıdır. Amma hansı tədbirlər görülə biləcəyi Operativ Qərargahın səlahiyyətindədir".

ŞƏRH YAZ
0
BAĞLA