Mavi almaz rekord qiymətə satıldı

Mavi almaz rekord qiymətə satıldı
17:38
16.05.2018
954
Dünya
A
İsveçrənin Cenevrə şəhərində keçirilən hərracda mavi almaz satışa çıxarılıb.

“Ölkə.Az” xəbər verir ki, son 300 ili avropalı əsilzadələrin əlində dolaşan almaz 6.7 milyon dollara satılıb.

“Sotheby’s” hərrac evində satışa çıxarılan mavi almaz İspaniya kralı V Filipp tərəfindən 1715-ci ildə evləndiyi Parma hersoginyası Elizabet Farneseyə toy hədiyyəsi kimi verilib.

3 əsr İspaniya, Fransa, İtaliya və Avstriya əsilzadələrinin sahib olduğu 6.1 karatlıq almazın kim tərəfindən alındığı bilinmir.

Qeyd edək ki, bu almaz Hindistandakı Qolkonda mədənindən çıxarılıb.

Hikmət Həsənov
Ölkə.Az

ŞƏRH YAZ
0

İsveçdə quraqlıq — Müsəlmanlar yağmur duasına çıxacaq

İsveçdə quraqlıq
10:49
Bu gün
273
Dünya
A
İsveçdə uzun müddətdir yağış yağmadığı üçün quraqlıq davam edir.

“Ölkə.Az” xəbər verir ki, quraqlıq səbəbindən İsveçdəki müsəlmanlar bu gün yağmur duasına çıxacaqlar. Quraqlıq səbəbindən baş verən yanğınlarda ölkədəki minlərlə hektar sahə yanaraq kül olub.

İsveç İslam Federasiyasının sədri Tahir Akan paytaxt Stokholmda ölkədə yaşayan müsəlmanların iştirakı ilə yağmur duasına çıxacaqlarını bildirib.

İsveç Kilsəsi də ötən həftə internet vasitəsilə quraqlıq səbəbindən fermerlərin çətin vəziyyətdə olduğunu bildirib və xalqdan yağmur yağması üçün dua etmələrini istəyib.

Kilsənin məlumatına əsasən, yağış yağdırmaq üçün ən gözəl fikir dua etməkdir.

Hikmət Həsənov
Ölkə.Az

ŞƏRH YAZ
0

Rəqqada ABŞ koalisiyası qurbanlarının minlərlə cəsədi aşkarlandı

Rəqqada ABŞ koalisiyası qurbanlarının minlərlə cəsədi aşkarlandı
00:53
Bu gün
1844
Dünya
A
Suriyanın Rəqqa şəhərində dinc sakinlərin dəfn edildiyi kütləvi məzarlıqlar aşkarlanıb: ən azından 1200 cəsəd.

"Ölkə.Az" “Ren.TV”yə istinadla xəbər verir ki, onların əksəriyyəti aviasiya zərbələri nəticəsində dünyalarını dəyişiblər.

Rəqqa Fərat çayının şimal hissəsində yerləşir və razılıq əsasında bu ərazidə yalnız ABŞ-ın başçılıq etdiyi koalisiyanın təyyarələri fəaliyyət göstərib.

Könüllülər hər gün dağıntılar altından yüzlərlə cəsəd çıxarırlar. Eyni zamanda özləri də hər an ölümlə üz-üzədirlər: terrorçular şəhərdə 8 minə yaxın mina basdırıblar. Artıq 900 sakin bu minaların qurbanı olub. 

Məzarlarda terrorçulara və onların qurbanlarına məxsus cəsədlər də tapılır. Amma aviasiya zərbələri zamanı həlak olanlar mütləq üstünlük təşkil edirlər.

Ölkə.Az

ŞƏRH YAZ
0
BAĞLA