Maykl Pens: "ABŞ İrana nüvə silahına sahib olmağa icazə verməyəcək"

 "Ölkə.Az" xəbər verir ki, vitse-prezidentin bu barədə Münhen təhlükəsizlik konfransında çıxış edib. Çıxışın mətni siyasətçinin Tvitter hesabında yayımlanıb.

Çıxışda deyilir: "Prezident Trampın da hakimiyyəti dövründə İran ölkəmizi və müttəfiqlərimizi  hədələyə biləcəyi nüvə silahına heç vaxt sahib ola bilməz. Biz bu siyasəti davam etdirəcəyik".

Pens əlavə edib ki, Tramp açıq şəkildə ABŞ-ın düşmənləri məhv edərək tarixin zibilliyinə yollayacağını bəyan edib. Onların yeri elə tarixin zibilliyidir.

Vitse-prezident eyni zamanda bəyan edib ki, Rusiya Donbasdakı fəaliyyətinə görə məsuliyyət daşımalıdır: "Biz elə etməliyik ki, Rusiya məsuliyyət daşısın. Eyni zamanda Minsk razılaşmasına əməl edilməsini tələb etməliyik. Bununla da Ukraynanın şərqində zorakılıq həddi aşağı düşəcək".

Pens həm də vurğulayıb ki, ABŞ prezidenti Donald Tramp Vaşinqton və Moskvanın yeni təmas nöqtələri tapacağına inanır.

Hikmət
Ölkə.Az