MBNP bank sektorunda risklərin diaqnostikasını aparacaq

MBNP bank sektorunda risklərin diaqnostikasını aparacaq
13:57
13.03.2018
1917
İqtisadiyyat
A
“Azərbaycan Respublikasında maliyyə xidmətlərinin inkişafına dair Strateji Yol Xəritəsi”nin “Bankların daha sağlam risk idarəetməsinin təmin edilməsi” sərlövhəli 4.1 nömrəli strateji prioritetinin icrası istiqamətində Azərbaycan Maliyyə Bazarlarına Nəzarət Palatası (MBNP) tərəfindən bank sektorunda risklərin idarə edilməsinin diaqnostikasının aparılması tədbiri nəzərdə tutulub.

"Ölkə.Az" xəbər verir ki, bu barədə "APA-Economics"ə Maliyyə Bazarlarına Nəzarət Palatasından (MBNP) məlumat verilib.

"2017-ci ilin sonlarında banklarla fərdi görüşlər keçirilib. Bununla yanaşı, Palata tərəfindən rüblük əsasda stress testlər aparılır. Cari ildə də stress testlərin qiymətləndirilməsi istiqamətində işlər davam etdiriləcək", - deyə məlumatda vurğulanıb.

MBNP-dən bildirilib ki, bankların sağlamlaşdırılması 2018-ci ildə də Palatanın prioritet hədəflərindən biridir: "Eyni zamanda, Palata tərəfindən müntəzəm əsasda bank səhmdarları ilə kapitallaşma ilə bağlı görüşlər keçirilir".

ŞƏRH YAZ
0

BP Azərbaycandakı layihələrə 37,5 milyard dollar xərcləyib

BP Azərbaycandakı layihələrə 37,5 milyard dollar xərcləyib
21:40
15.12.2018
888
İqtisadiyyat
A
2013-2017-ci illərdə BP Azərbaycandakı layihələrinə 37 milyard 576 milyon dollar sərf edib.

"Ölkə.AZƏRTAC-a istinadən bildirir ki, bu barədə BP-nin "2017-ci ildə Azərbaycanda davamlı inkişaf" adlı hesabatında deyilir.

Hesabata görə, bu vəsaitin 30 milyard 531 milyon dolları əsaslı xərclər, 7 milyard 45 milyon dolları isə əməliyyat məsrəfləri olub.

Qeyd edək ki, BP şirkəti 26 ildir Azərbaycanda neft və qaz yataqlarının geoloji-kəşfiyyatı, işlənməsi və nəqli üzrə iri layihələri idarə edir. Bu vaxtadək BP öz tərəfdaşları ilə birlikdə ölkədəki layihələrə ümumilikdə 72 milyard dollardan çox sərmayə qoyub. Azərbaycanda BP şirkətində 2 min 550 nəfərdən çox ölkə vətəndaşı işləyir və bu, şirkətin ixtisaslaşmış heyətinin 90 faizini təşkil edir.

Ölkə.Az

ŞƏRH YAZ
0

Azərbaycandan Gürcüstana “pul axını” davam edir

Azərbaycandan Gürcüstana “pul axını” davam edir
21:26
15.12.2018
848
İqtisadiyyat
A
Bu ilin yanvar-noyabr aylarında Azərbaycandan Gürcüstana 18 milyon 232 min dollar həcmində pul köçürülüb.

"Ölkə.Az" virtualaz.org-a istinadən bildirir ki, illik müqayisədə Azərbaycandan qonşu ölkəyə daxil olan pul köçürmələrinin həcmində 4 milyon 109 min dollar və ya 29% artım var.

Gürcüstan Milli Bankının məlumatına görə, bu ilin 11 ayında Gürcüstandan Azərbaycana isə 11 milyon 60 min dollar pul köçürmələri həyata keçirilib. Ötən ilin analoji dövrü ilə müqayisədə qonşu ölkədən Azərbaycana daxil olan pul köçürmələrinin həcmi 26,4% artıb. Göründüyü kimi, valyuta axınında hələki Gürcüstan Azərbaycanı üstələyir.

Təkcə noyabr ayında Azərbaycandan Gürcüstana 1 milyon 97 min dollar, Gürcüstandan Azərbaycana isə 1 milyon 4 min dollar köçürülüb.

Yanvar-noyabr aylarında Gürcüstana xarici ölkələrdən cəmi 1 milyard 400 milyon dollardan çox pul vəsaiti daxil olub. Gürcüstana ən çox pul köçürmələrində Rusiya birinci yerdədir.

Ölkə.Az

ŞƏRH YAZ
0
BAĞLA