MBNP-in səlahiyyətləri artırıldı

MBNP-in səlahiyyətləri artırıldı
18:18
14.07.2017
24
İqtisadiyyat
A
Prezident İlham Əliyev "Əmanətlərin sığortalanması haqqında" qanununda dəyişikliklər edilməsi barədə" qanunu təsdiqləyib.

"Ölkə.Az" xəbər verir ki, qanun layihəsinə əsasən Əmanətlərin Sığortalanması Fondunun Himayəçilik Şurasında maliyyə bazarlarına nəzarət orqanının (Maliyyə Bazarlarına Nəzarət Palatası - red.) nümayəndələrinin sayı azaldılacaq, müvafiq icra hakimiyyəti orqanlarının nümayəndələrinin sayı isə artırılacaq. Belə ki, Əmanətlərin Sığortalanması Fondunun Himayəçilik Şurasında MBNP-nin bir nümayəndəsi, Mərkəzi Bankın bir nümayəndəsi, müvafiq icra hakimiyyəti orqanlarının üç nümayəndəsi və iştirakçı bankların təqdimatı ilə onların iki nümayəndəsi təmsil olunacaq.

Bunadək qüvvədə olan qanunvericiliyə əsasən, Fondun Himayəçilik Şurasında MBNP-nin iki nümayəndəsi, Mərkəzi Bankın bir nümayəndəsi, müvafiq icra hakimiyyəti orqanlarının iki nümayəndəsi və iştirakçı bankların təqdimatı ilə onların iki nümayəndəsi təmsil olunur.

Əlavə edək ki, indiyədək Fondun Himayəçilik Şurası öz səlahiyyətlərini müstəqil həyata keçirib. Ölkə başçısı tərəfindən qanunun təsdiqlənməsi ilə Fond bunu müvafiq icra hakimiyyəti orqanı ilə razılaşdırmalı olacaq.

Əgər indiyədək Əmanətlərin Sığortalanması Fondunun icraçı direktoru və onun müavini Himayəçilik Şurası tərəfindən vəzifəyə təyin edilirdisə, bundan sonra bu vəzifəyə təyinat və azadolma müvafiq icra hakimiyyəti orqanı tərəfindən aparılacaq.

ŞƏRH YAZ
0

Neft ucuzlaşır

Neft ucuzlaşır
09:30
Bu gün
40
İqtisadiyyat
A
Dünya birjalarında neftin qiyməti müxtəlif istiqamətlərdə dəyişir.

"Ölkə.Az" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,09 dollar və ya 0,16% artaraq 56,64 dollar təşkil edib.

ICE London qitələrarası birjasında Brent markalı neftin 1 barelinin dəyəri isə 0,12 dollar və ya 0,19% azalaraq 62,60 dollar olub.

ŞƏRH YAZ
0

Sergey Lavrov Azərbaycanla Rusiya arasındakı ticarət əlaqələrindən danışıb

Sergey Lavrov Azərbaycanla Rusiya arasındakı ticarət əlaqələrindən danışıb
23:50
19.11.2017
186
İqtisadiyyat
A
“Cari ilin ilk 9 ayında iki ölkə arasında ticarət dövriyyəsi ən azı 60 faizdən çox artıb".

Ölkə.Az-ın APA-ya istinadən məlumatına görə, bunu Rusiyanın xarici işlər naziri Sergey Lavrov Azərbaycan prezidenti İlham Əliyev ilə görüşdə bildirib.

Nazir deyib ki, bu, ticarət dövriyyəsinin azalması tendensiyasının qarşısını almaq və investisiya qoyuluşu sahəsində tempi artırmaq istiqamətində çox ciddi addımdır: "Bu il Stavropolda uğurla keçirilmiş Regionlararası Forumu qeyd etməliyəm. Bakıda parlamentlərarası komissiyanın iclası keçirilib. Biz diplomatik münasibətlərin 25 illiyi ilə əlaqədar həmkarımla qarşılıqlı səfərlər etmişik. Moskvada arxiv sənədlərinin sərgisi keçirilib. Sabah bu tarixə həsr edilmiş əlavə tədbir keçirəcəyik. “ADA” Universitetinə çıxış etmək dəvətinə görə təşəkkürümü bildirmək istəyirəm”.
 
Sergey Lavrov həmçinin qeyd edib ki, Rusiya ATƏT-in Minsk qrupunun həmsədrlər üçlüyünün üzvü kimi düyünün açılmasına hərtərəfli kömək göstərməkdə və Dağlıq Qarabağ münaqişəsinin həlli istiqamətində irəliləyişi təmin etməkdə maraqlıdır.
 
“Burada biz sizinlə tamamilə razıyıq ki, bu istiqamətdə fəal səylər göstərmək lazımdır”, deyə nazir vurğulayıb.

ŞƏRH YAZ
1
BAĞLA