MDB dövlət başçıları Soçidə 18 sənədə imza atdılar

MDB dövlət başçıları Soçidə 18 sənədə imza atdılar
17:01
11.10.2017
232
Dünya
A
Rusiyanın Soçi şəhərində MDB ölkələrinin dövlət başçılarının sammiti keçirilib.

"Ölkə.Az"ın APA-ya istinadən verdiyi məlumata görə, sammitdə ilk olaraq dövlət başçıları məhdud tərkibdə görüş keçiriblər.
 
Sonra isə görüş nümayəndə heyətlərinin iştirakı ilə davam etdirilib.
 
Geniş tərkibdə görüşdə 2018-ci ildən MDB-yə sədrlik edəcək Tacikistan prezidenti İmaməli Rahmon çıxış edib. O, təşkilatın fəaliyyətinin gücləndirilməsi ilə bağlı ölkəsinin və hökumətinin görəcəyi işlərdən danışıb. 
 
Sonra MDB-yə gələn ildən həmsədrlik edəcək Türkmənistan prezidenti Qurbanqulu Berdiməhəmmədov çıxış edib. 
 
Sammitdə çıxış edən Rusiya Federasiya Şurasının sədri Valentina Matviyenko MDB Parlamentlərarası Assambleyasının fəaliyyətindən, Rusiyanın quruma sədrlik etdiyi müddətdə görülən işlərdən danışıb. 
 
Sonda MDB liderləri sammitin yekunu olaraq müzakirə olunan məsələlərlə bağlı 18 sənəd imzalayıblar. Bu sənədlərə "MDB-nin sədrliyi haqqında" qərar, "MDB dövlət başçılarının növbəti sammitinin keçirilməsi haqqında protokol qərarı", "MDB-nin İcraiyyə Komitəsinin sədri haqqında" qərar,  "Korrupsiyaya qarşı mübarizədə əməkdaşlıq Konsepsiyası”, "Terrorçuluqla mübarizə və ekstremizmin digər təzahürləri, eləcə də onların maliyyələşdirilməsi sahəsində informasiya mübadiləsi haqqında Saziş" 2019-cu ilin MDB-də "Kitab İli", 2020-ci ilin 1941-45-ci il Böyük Vətən Müharibəsində Qələbənin 75 illiyi ili" elan olunması haqqında" və digər qərarlar daxildir. 
 
Qeyd edək ki, MDB ölkə liderlərinin sammitində Azərbaycan prezidenti İlham Əliyev də iştirak edib.  

ŞƏRH YAZ
0

Netanyahu yenidən Putinə zəng etdi

Netanyahu yenidən Putinə zəng etdi
21:56
24.09.2018
255
Dünya
A
İsrail baş naziri Binyamin Netanyahu ilə Rusiya prezidenti Vladimir Putin arasında telefon danışığı olub.

"Ölkә.Az" “İnterfaks”a istinadən xəbər verir ki, telefon söhbəti İsrail tərəfinin təşəbbüsü ilə baş tutub. 

Bildirilir ki, Netanyahu bir daha Putinə İl-20 təyyarəsində olan hərbçilərin ölümü ilə əlaqədar başsağlığı verib. 

Söhbət zamanı qeyd olunub ki, İsrail hərbçiləri tərəfindən Moskvaya təqdim olunan hesabat Rusiya Müdafiə Nazirliyinin məlumatları ilə düzgün gəlmir. 

Putin bildirib ki, Rusiyanın Suriya Hava-Hücumundan Müdafiə sisteminin gücləndirilməsi ilə bağlı qərarı mövcud duruma uyğundur və rusiyalı hərbçilərin təhlükəsizliyinə xidmət edir.

İsrailin Ynet nəşri isə iddia edir ki, söhbət zamanı tərəflər Rusiyanın Suriyaya S-300 kompleksinin verilməsi məsələsini müzakirə ediblər. 

Ölkә.Az

ŞƏRH YAZ
0

İranı qana bulayan terror hücumunun iştirakçıları həbs edildi

İranı qana bulayan terror hücumunun iştirakçıları həbs edildi
19:32
24.09.2018
519
Dünya
A
İranın Əhvaz şəhərində hərbi parad zamanı törədilən terror aktının iştirakçıları həbs edilib.

“Ölkə.Az” xəbər verir ki, terrorçular parad vaxtı kütləyə atəş açmışdılar və İran prezidenti Həsən Ruhani son anda xilas edilmişdi. İran kəşfiyyatının naziri Mahmud Alevi bildirib ki, silahlı hücumun bir çox iştirakçısı həbs edilib.

Həlak olanların bu gün dəfn mərasimi keçirilib və Alevi mərasimdə iştirak edib. O, jurnalistlərə açıqlamalar verib. Nazir bildirib ki, hücumu həyata keçirən 4 nəfər öldürülüb və hadisəyə görə məsuliyyət daşıyan bir çox şəxs həbs edilib. Kəşfiyyat naziri bildirib ki, terror hücumunun arxasında dayanan bütün cinayətkarlar həbs ediləcək.

Hikmət Həsənov
Ölkə.Az

ŞƏRH YAZ
0
BAĞLA