MDB PA Azərbaycanda seçkilərlə bağlı monitorinqlərə başladı

MDB PA Azərbaycanda seçkilərlə bağlı monitorinqlərə başladı
18:47
12.02.2018
4783
Siyasət
A

Müstəqil Dövlətlər Birliyi Parlamentlərarası Assambleyasının iştirakçısı olan dövlətlərdə demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi beynəlxalq institutunun (MDB PA DİMBİ) Bakı filialı 2018-ci il aprelin 11-nə təyin edilmiş Azərbaycan Respublikası prezidenti seçkiləri ilə əlaqədar olaraq təsdiq olunmuş İş Planına əsasən uzunmüddətli monitorinqlərə başlayıb.

Filialın mətbuat xidmətindən "Ölkə.Az"a bildiriblər ki, müxtəlif istiqamətlərdə həyata keçiriləcək monitorinqlər seçkilərin elan olunmasından rəsmi nəticələrin dərc edilməsinədək olan müddəti əhatə edəcək. MDB PAA DİMBİ Bakı filialı nəzdində yaradılan qərargahın Lənkəran, Şəki, Gəncə, Sumqayıt bölgələrində filialları yaradılacaq və ekspertlər bu bölgələrdə monitorinqlər aparacaqlar.

ŞƏRH YAZ
0

Zimbabvenin Prezidenti Azərbaycanda səfərdədir

Zimbabvenin Prezidenti Azərbaycanda səfərdədir
18:51
Bu gün
604
Siyasət
A
Zimbabve Respublikasının Prezidenti Emmerson Mnanqaqva yanvarın 18-də Azərbaycan Respublikasına işgüzar səfərə gəlib.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Zimbabve Respublikasının Prezidenti Emmerson Mnanqaqvanı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Ramiz Həsənov və digər rəsmi şəxslər qarşılayıblar. 

Ölkə.Az

ŞƏRH YAZ
0

ƏƏSMN-in qurumlarından 1-i ləğv edilir, 3-ü birləşdirilir — SİYAHI

ƏƏSMN-in qurumlarından 1-i ləğv edilir, 3-ü birləşdirilir
18:49
Bu gün
523
Siyasət
A
Əmək və Əhalinin Sosial Müdafiəsi Nazirliyinin tabeliyindəki qurumlardan 1-i ləğv edilir, 3-ü isə birləşdirilir.

“Ölkə.Az” xəbər verir ki, bu, Prezident İlham Əliyevin imzaladığı Əmək və Əhalinin Sosial Müdafiəsi Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında fərmanda əksini tapıb.

Fərmana əsasən, Əmək və Əhalinin Sosial Müdafiəsi Nazirliyinin Əmək və Sosial Problemlər üzrə Elmi Tədqiqat və Tədris Mərkəzi ləğv edilir. Bununla bağlı Nazirliyə bir ay müddətində tədbirlər görməsi tapşırığı verilib. 

Eyni zamanda Nazirlər Kabineti Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun nəzdində Yetkinlik yaşına çatmamış görmə imkanı məhdud şəxslər üçün Bərpa Mərkəzi, Baxımsız, kimsəsiz və sosial təhlükəli vəziyyətdə olan yetkinlik yaşına çatmayanlar üçün Sosial Sığınacaq və Reabilitasiya Müəssisəsi və Yaşayış yeri olmayan 18 yaşdan yuxarı şəxslər üçün Sosial Sığınacaq sosial xidmət müəssisələrinin əsasında vahid qurumun yaradılmasını bir ay müddətində təmin etməli və bu barədə Prezidentə məlumat verməlidir. 

Əmək və Əhalinin Sosial Müdafiəsi Nazirliyinə hər üç müəssisədə işləyən işçilərin bu fərmana əsasən yaradılacaq vahid qurumda müvafiq vəzifələrə təyin edilməsi ilə bağlı tədbirlər görmək, bu fərmanda nəzərdə tutulan tədbirlərin nəticəsi barədə bir ay müddətində Prezidentə məlumat vermək tapşırılıb. 

Ölkə.Az

ŞƏRH YAZ
0
BAĞLA