Mebel sexində faciə
Sabunçu rayonunda, Zabrat–Pirşağı şosesində yerləşən mebel sexində bədbəxt hadisə baş veib.
“Ölkə.Az”ın məlumatına görə, mebel sexində fəhlə işləyən, 1995-ci il təvəllüdlü Ağayev Ruhid Rakif oğlunun üzərinə taxtalar aşıb. 23 yaşlı gənc təcili yardım maşını ilə xəstəxanaya aparılarkən aldığı xəsarətlər nəticəsində dünyasını dəyişib. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Sabunçu rayon şöbəsinə aparılıb.
Faktla bağlı Sabunçu rayon prokurorluğunda araşdırmalara başlanılıb.
