Mədəniyyət və incəsənət xadimlərinə mükafatlar təqdim olundu

Mədəniyyət və incəsənət xadimlərinə mükafatlar təqdim olundu
16:30
16.05.2019
1942
Mədəniyyət
A
Mayın 16-da Mədəniyyət Nazirliyində Azərbaycan Respublikasının Prezidenti İlham Əliyevin müvafiq sərəncamları ilə təltif edilmiş mədəniyyət və incəsənət xadimlərinə mükafatlar təqdim olundu.

"Ölkə.Az" xəbər verir ki, mərasimdə çıxış edən mədəniyyət naziri Əbülfəs Qarayev ölkəmizdə mədəniyyət, incəsənət və elm sahəsinə göstərilən dövlət qayğısından danışdı. Vurğuladı ki, ulu öndər Heydər Əliyev Azərbaycana rəhbərliyinin bütün dövrlərində mədəniyyət və incəsənət xadimlərinə böyük diqqət və qayğı göstərib. Ümummilli liderin bu siyasəti hazırda Prezident İlham Əliyev tərəfindən uğurla davam etdirilir: “Dövlət başçısı hər zaman müxtəlif sahələrdə çalışan insanların əməyini yüksək qiymətləndirərək onları mükafatlandırıb. Ölkə həyatının digər sahələrindən fərqli olaraq, mədəniyyət sahəsində təltif edilənlərin sayı daha çoxdur. Bu da özlüyündə mədəniyyət xadimlərinin uğurlu fəaliyyətindən xəbər verir”.

Mədəniyyətimizin dünyada tanıdılması və təbliği istiqamətində görülən işlərdən söz açan nazir Birinci vitse-prezident, Heydər Əliyev Fondunun rəhbəri Mehriban xanım Əliyevanın bu sahədə müstəsna xidmətlərini xüsusi vurğuladı.

Əbülfəs Qarayev daha sonra dedi: “Sevindirici haldır ki, bu gün iki ayrı sahənin əməkdaşlarına mükafatlar təqdim edirik. Xalq artisti Hacı İsmayılov Azərbaycanın sevilən aktyorlarından biridir. Onun teatrda, kinoda yaratdığı obrazlar öz unikallığı ilə fərqlənir. Rollarının hər birinin məxsusi xarakteri var. Əməkdar artist Yadigar Muradov uzun illərdir Şuşa Dövlət Musiqili Dram Teatrına rəhbərlik edir və kollektiv maraqlı tamaşalar hazırlayır. Ötən ilin sonlarında teatrın binası yenidən qurularaq kollektivin istifadəsində verildi. İnanırıq ki, çox da uzaq olmayan bir vaxtda bu teatr öz doğma məkanında – Şuşada öz fəaliyyətini davam etdirəcək. “Nə? Harada? Nə zaman?” Televiziya Klubu Komandasının üzvləri Balakişi Qasımov və Elman Talıbov Azərbaycan gəncliyini beynəlxalq intellektual oyunlarda layiqincə təmsil edirlər”.

Sonra ölkə başçısının müvafiq sərəncamları ilə “Şöhrət” ordeni ilə təltif olunan Xalq artisti Hacı İsmayılov və “Tərəqqi” medalına layiq görülmüş Əməkdar artist Yadigar Muradov, Balakişi Qasımov, Elman Talıbova mükafatların vəsiqə və nişanları təqdim edildi. Nazir bütün təltif olunanlara cansağlığı, yeni uğurlar arzuladı.

Sonda mükafata layiq görülənlər çıxış edərək fəaliyyətlərinə verilən yüksək qiymətə, göstərilən diqqət və qayğıya görə ölkə başçısına dərin minnətdarlıqlarını bildirdilər.

Ölkə.Az

ŞƏRH YAZ
0

Mehriban Əliyeva xalq artistinin müalicəsini üzərinə götürdü

Mehriban Əliyeva xalq artistinin müalicəsini üzərinə götürdü
13:11
26.02.2020
979
Mədəniyyət
A
Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın tapşırığına əsasən, əfsanəvi "Qaya” vokal instrumental qrupunun keçmiş solisti, Xalq Artisti Rauf Babayevin müalicəsi ilə bağlı məsələləri Fond öz nəzarətinə götürüb.

"Ölkə.Az" xəbər verir ki, fevralın 23-də axşam saatlarında ürəyində yaranan narahatlıq səbəbindən müayinə məqsədi ilə Elmi Tədqiqat Kardiologiya İnstitutuna yerləşdirilib.

Rauf Babayev ürəyin işemik xəstəliyi, ürək çatışmazlığı diaqnozları ilə 2 gün ərzində burada müalicəsini davam etdirib. Sənətkarın müalicəsinin sonrakı mərhələlərini həyata keçirmək üçün Rauf Babayev Mərkəzi Klinikaya köçürülüb.

Ötən gün Fondun icraçı direktoru Anar Ələkbərov sənətkara baş çəkib. Hazırda Rauf Babayevin vəziyyəti stabil qiymətləndirilir.

1937-ci il təvəllüdlü əfsanəvi müğənni 1961-ci ildən "Qaya" vokal instrumental qrupunun üzvü olub. 1995–2001-ci illərdə "Bəri bax" vokal qrupunun bədii rəhbəri işləyib. 2001-ci ildən "Qaya" Dövlət Ansamblının bədii rəhbəridir.

ŞƏRH YAZ
0

Ölümdən dönən əməkdar artist xalqa səsləndi — “Mənim adımdan istifadə edib pul yığırlar” - VİDEO

Ölümdən dönən əməkdar artist xalqa səsləndi
00:54
25.02.2020
2584
Mədəniyyət
A
ARB TV-nin “Ona qalsa” verilişində əməkdar artist Rəhman Rəhmanovla telefon bağlantısı yaradılıb.

"Ölkə.Az" xəbər verir ki, ağır koma vəziyyətində xəstəxanaya gəlməsindən danışan əməkdar artist hazırda səhhətinin qismən düzəldiyini, yaxın günlərdə yenidən əməliyyata girəcəyini bildirib:

“Artıq əməliyyat olunmuşam, ikinci əməliyyat da gözlənilir. Heç nədən xəbərim olmayıb, məni komada gətiriblər. Sağ olsun həkimlər məni dirildib, dünyaya yenidən gətiriblər. Mənə maddi dəstəkdən daha çox xalqın mənəvi dəstəyi lazımdır.

Sənət camiyəsindən də gəlib-gedirlər yanıma. Eşitmişəm ki, mənim adımdan istifadə edib pul yığırlar. Hamıya səslənirəm ki, pul zad yığmasınlar, maddi dəstəyə ehtiyacım yoxdur. Bir nəfər şəxs çox israrla köməklik etdi, böyük köməklik etdi, amma mən xahiş edirəm ki, belə şeylər etməsinlər. Mənə kömək edən insanlara, həkimlərə həyatımı borcluyam, məni xilas etdilər”.

Ölkə.Az

ŞƏRH YAZ
0
BAĞLA