Mədət Quliyev: "Bayrağımız Azərbaycanın bütün tarixi torpaqlarında dalğalanacaq"

Mədət Quliyev:
17:58
08.11.2018
2031
Siyasət
A
Dövlət Təhlükəsizliyi Xidmətində (DTX) Azərbaycanın Dövlət bayrağının qəbul edilməsinin 100 illiyinə və 9 noyabr - Dövlət Bayrağı Gününə həsr olunmuş tədbir keçirilib.

DTX-dan "Ölkə.Az"a verilən məlumata görə, dövlət himninin səsləndirilməsi ilə başlayan tədbiri Dövlət Təhlükəsizliyi Xidmətinin rəisi, Azərbaycanın Milli Qəhrəmanı, general-polkovnik Mədət Quliyev giriş sözü ilə açaraq, şəxsi heyəti bu əlamətdar gün münasibətilə təbrik edib, Dövlət bayrağının hər bir Azərbaycan vətəndaşının qürur mənbəyi, müstəqil dövlətimizin şərəfi, qüdrəti olduğunu və gənc nəslin vətənpərvərlik ruhunda formalaşmasında böyük rol oynadığını bildirib.

Dövlət Təhlükəsizliyi Xidmətinin rəisi qeyd edib ki, müasir Azərbaycanın qurucusu Ümummilli Lider Heydər Əliyevin təşəbbüsü və əvəzsiz səyləri ilə Azərbaycan Xalq Cümhuriyyətinin ülvi yadigarı, 1990-cı ilin noyabrında Naxçıvan Muxtar Respublikasında ikinci dəfə təsdiq edilmiş üçrəngli Dövlət bayrağı rəsmi dövlət rəmzi olmaqla yanaşı, milli həmrəyliyin, azərbaycançılıq məfkurəsinin ətrafında bütün vətənpərvər soydaşlarımızın sıx birləşməsinin başlıca amillərindəndir. Bildirilib ki, möhtərəm Prezident Zati-aliləri cənab İlham Əliyev tərəfindən böyük uzaqgörənliklə Dövlət Bayrağı Gününün təsis edilməsi, dövlətimizin başçısının bilavasitə rəhbərliyi və iştirakı ilə paytaxt Bakıda və respublikanın bölgələrində Dövlət bayrağının vüqarla dalğalanması üçün yaradılmış möhtəşəm meydanlar, muzeylər və komplekslər qəlbi hər zaman Azərbaycanla döyünən vətəndaşların qürur, and və milli özünüdərk yeridir.

General-polkovnik Mədət Quliyev Silahlı Qüvvələrin Ali Baş Komandanı cənab İlham Əliyevin müdrik rəhbərliyi ilə Dövlət bayrağının Azərbaycanın bütün tarixi və əzəli torpaqlarında daim zirvələrdə dalğalanacağını bildirərək, şəxsi heyətə Vətənin zəfərləri və qüdrətlənməsi naminə xidmətdə müvəffəqiyyətlər arzulayıb.

Azərbaycanın müstəqillik rəmzi olan Dövlət bayrağının ilk dəfə yaranması tarixindən danışan DTX-nin Heydər Əliyev adına Akademiyasının professoru, filologiya elmləri doktoru Cəlal Qasımov diqqətə çatdırıb ki, Ümummilli Lider Heydər Əliyevin təşəbbüsü ilə üçrəngli bayrağımız 1990-cı il noyabrın 17-də ilk dəfə Naxçıvanda ucaldılıb. Bu addım ölkə əhalisi tərəfindən tarixi və mütərəqqi bir hadisə kimi dəyərləndirilir.

Qeyd olunub ki, Azərbaycan Respublikasının Prezidenti cənab İlham Əliyevin 17 noyabr 2009-cu il tarixli fərmanı ilə 9 noyabr tarixi Dövlət Bayrağı Günü elan edilib. Ən müqəddəs rəmzlərdən olan bayraq xalqın varlığının sübutu, müstəqil dövlət qurmaq və ona sahib çıxmaq bacarığının əsas göstəricisidir. Ona görə də özünütəsdiq simvolu olan bayraq bütün dünyada qürur və güvənc yeri sayılır. Bayraq həm də dövlətin və xalqın kimliyinin, apardığı azadlıq mücadiləsinin, təfəkkür və düşüncə tərzinin ən bariz ifadəsidir. Məhz bu baxımdan xalqımızın azadlığını, istiqlalı uğrunda apardığı mübarizəni, milli kimliyini, ölkənin suverenliyini və yüksəlişini tərənnüm edən üçrəngli Dövlət Bayrağımız hər bir vətənpərvər azərbaycanlının qürur mənbəyidir.

Ölkə.Az

ŞƏRH YAZ
0

"Bu qüvvələr ölkə vətəndaşlarına saxta sənədlər verməklə, “siyasi mühacir” alveri ilə məşğul olurlar" — Deputat

12:58
Bu gün
423
Siyasət
A
“Qlobal böhranlar, kataklizmlər fonunda Azərbaycanın inkişafı anti-Azərbaycan qüvvələri tərəfindən qısqanclıqla qarşılandığından, ölkəmizin inkişafını dayandırıb, böhrana sürükləmək üçün ən müxtəlif vasitələrə əl atırlar. Ölkə daxilində birlik hökm sürdüyündən bu niyyətlərini həyata keçirə bilməyən qüvvələrə, müxtəlif saxta yollarla Avropaya gedən və özlərini “siyasi mühacir” hesab edən, Vətənini korporativ maraqları naminə satmağa hazır olan şəxslərin xidmətindən istifadə edir. Anti-Azərbaycan qüvvələr belə “insanlar”ın xidmətindən yararlanmaqla yalan, böhtan kampaniyasını təşkil etməklə, Azərbaycanda ictimai-siyasi proseslərı pozmağa cəhd göstərirlər”.

Bunu “Ölkə.Az”a açıqlamasında millət vəkili Kamran Bayramov deyib.

Onun sözlərinə görə,   bu şəxslərin bir qisminin Azərbaycana heç bir aidiyyatı yoxdur. “Onların eləsi var ki,  ümumiyyətlə Azərbaycanda olmayıb. Sadəcə ölkəmizi sevməyən qüvvələr belə insanların da “xidmət”indən maksimum “yararlanmağa”  çalışır. Məqsəd nə yolla olur-olsun Azərbacanın daxili işlərinə müdaxilə etməklə  inkişafı dayandırmaq və sabitliyi pozmaqdır.  Ümumiyyətlə,  bəzi dövlətlərin beynəlxalq hüquqa zidd olaraq başqa ölkələrin daxili işinə kobudcasına müdaxiləsinin şahidi oluruq. Bu qüvvələr ən müxtəlif metod və taktikalardan, müasir texnologiyaların imkanından yararlanmaqla, həm daxildə, həm da xaricdə  istənilən ölkə haqqında mənfi imic formalaşdırmağa çalışırlar. 

Azərbaycan da belə hallarla üzləşir. Bu gün saxta sənədlərlə ölkəni tərk edib, Avorpa ölkələrində “siyasi mühacir” həyatı yaşayanlar anti-Azərbaycan qüvvələrin əlində ölkəmizə qarşı bir vasitə kimi istifadə olunur. Onlar həqiqətdən, reallıqdan uzaq,  böhtan, qərəz, təhqir dolu ifadələrlə Azərbaycan rəhbərliyinin və ölkəmizin ünvanına ifadələr işlədir. Yəni, bu insanların  müasir siyasi  və informasiya kommunikasiya texnologiyaları vasitələrindən istifadə etməklə belə, qərəzli kampaniyalar aparması ölkəmizə qarşı düzənlənən çox ciddi məkrli planlardan xəbər verir. Bunun qarşısı alınmalıdır”, - deputat qeyd edib.

Deputat  deyib ki, Azərbaycan demokratik və hüquqi dövlət olduğundan ölkədə siyasi plüarizm,  fikir və söz azadlığı hökm sürür, istənilən şəxs və ya siyasi qüvvə fikirlərini sərbəts ifadə edir. “Bu gün Azərbaycanda  siyasi mövqeyinə, düşüncəsinə, səsləndirdiyi ifadəyə görə təqiblərə məruz qalmır. Əksinə demokratik bir ölkə olaraq onların hüquqları qanunla qorunur. Lakin bəzi qüvvələri ölkədəki sabitlik narahat etdiyindən və ictimai-siyasi sabitliyi poza bilmədiyindən, cəmiyyətin onları dəstəkləmədiyindən  xaricdəki anti-Azərbaycan qüvvələrlə əlbir olub, niyyətlərini reallaşdırmaq istəyirlər. Bu qüvvələr  ölkə vətəndaşlarına saxta sənədlər verməklə “siyasi mühacir” alveri ilə məşğul olurlar. Göndərdiyi şəxsləri isə anti-Azərbaycan qüvvələrin yanına göndərməklə, onlarında xidmətindən istifadə edirlər. Biz  hüquq-mühafizə orqanlarının belə şəbəkələri ifşa etməsinin şahidi olmuşuq. Hesab edirəm ki, cəmiyyət olaraq  ölkədə sabitliyin pozulmasına xidmət edən  qərəzli, təhqir, böhtan xarakterli kampaniya aparmasına həssas yanaşmalı və diqqətli olmalıyıq.  Ona görə də bütün sağlam, milli mövqedə dayanan siyasi qüvvələri Azərbaycana qarşı xarici təbliğata və təsirlərə, ilk növbədə isə siyasi proseslərə və seçkilərə müdaxilələrə qarşı vahid cəbhədə birləşməlidir. İnanıram ki, milli mənafeləri hər şeydən üstün tutan partiyalar siyasi baxışlarından asılı olmayaraq,  ölkənin suverenliyinə, Azərbaycanın müstəqilliyinə qarşı çıxış edənlərə qəti və layiqli cavab verəcək, dövlətimizə qarşı çıxmasına imkan verməyəcək”. 

Mürtəza
Ölkə.Az

ŞƏRH YAZ
0

Bu şəxslər min manat cərimələnəcək — Qanun dəyişdi

Bu şəxslər min manat cərimələnəcək
10:16
Bu gün
1489
Siyasət
A
Prezident İlham Əliyev İnzibati Xətalar Məcəlləsində dəyişiklik edilməsi haqqında qanunu imzalayıb.

"Ölkə.Az" xəbər verir ki, sənədə əsasən Məcəllənin 471-ci maddəsi aşağıdakı redaksiyada verilir:

"Maddə 471. Maliyyə bazarlarına nəzarət orqanına haqların ödənilməməsi

Banklar və xarici bankların yerli filialları, bank olmayan kredit təşkilatları, sığorta bazarının peşəkar iştirakçıları, poçt rabitəsinin milli operatoru, kredit büroları, idman mərc oyunlarının operatorları, qiymətli kağızlar bazarında fəaliyyəti lisenziyalaşdırılan şəxslər və mərkəzi depozitar, lotereya təşkilatçısı, investisiya fondları və onların idarəçiləri tərəfindən qanuna uyğun olaraq müəyyən edilən məbləğdə və qaydada haqların müvafiq icra hakimiyyəti orqanının müəyyən etdiyi orqana (quruma) ödənilməməsinə görə –vəzifəli şəxslər min manat məbləğində, hüquqi şəxslər üç min manat məbləğində cərimə edilir".

ŞƏRH YAZ
0
BAĞLA