Mədətovun qızı da ondan İMTİNA ETDİ — FOTO

Mədətovun qızı da ondan İMTİNA ETDİ
11:56
23.05.2019
5181
Maqazin
A
Məşhur prodüser Anar Mədətovun oğlu ,“Qarabağ” klubunun futbolçusu Mahir Emreliden sonra qızı Ayişə də “Mədətov” soyadından imtina edib.

“Ölkə.Az” xəbər verir ki, Ayişə öz İnstaqram hesabında soyadını dəyişərək “Emreli” qeyd edib. 

Qeyd edək ki,  Anar Mədətov 22 illik həyat yoldaşı Elnurə Mədətovadan ayrılaraq  Samirə adlı xanımla evlənməsi  ailə arasında qalmaqala səbəb olub.

Vüsalə Balayeva
Ölkə.Az

ŞƏRH YAZ
0

Şou-biznesdə kasıbçılıqdır, pul yoxdur — Tәranә Sәmәdova

Şou-biznesdə kasıbçılıqdır, pul yoxdur
22:06
Bu gün
298
Maqazin
A
Deməzdim ki, şou-biznesdə sükut hökm sürür. Məsələn, bir neçə gün öncə Tolik Nazilə Səfərlinin ad gününü çox gözəl şəkildə təbrik etdi (gülür). Əslində həqiqətən də sükutdur.

"Ölkә.Az" xәbәr verir ki, bu sözləri məşhur prodüser Təranə Səmədova oxu.az-ın əməkdaşı ilə söhbətində deyib. O, şou-biznesdə höküm sürən sükutu açıqlaması ilə bu cür pozdu:

“Mənə hamı deyir ki, “Təranə niyə heç bir müğənni ilə əvvəlki kimi çalışmırsan?” Cavab olaraq deyirəm ki, pul qazanan müğənnilərin əksəriyyəti artıq öz komandalarını yığıb. Bu komandada kənardan adamlar yoxdur. Yalnız çevrəsində olan yaxın insanlardır. Mən hər hansısa bir müğənniyə gedib deyəsi deyiləm ki, gəlib səninlə işləmək istəyirəm.

Bir qisim müğənnilər isə ümumiyyətlə qazana bilmir. O müğənni ki pul qazana bilmir, mən niyə ona dəyərli vaxtımı sərf edim? Böyük müğənni kütləsi ümumiyyətlə pul qazanmır”.

Bir sıra əməkdar artistləri fəaliyyətsizlikdə günahlandıran Təranə onların şou-biznesdə aktuallığını itirdiyini vurğuladı:  

“Əməkdar artistlər Almaz Ələsgərli, Rəşad İlyasov haradadırlar? Onların sənətinə və özlərinə çox böyük hörmətim var. Amma hazırda onlar təlabatlı ulduzlar deyillər. O gün Şüvəlanda kiçik bir məclisdə idim, gördüm ki, İlqar Sail orada çıxış edir. O zamanında toylardan çıxmırdı. Çox gözəl toylar aparırdı. Amma indi... Elariz Məmmədoğlu isə başını götürüb getdi Amerikaya”.

Səmədova təlabatlı olub, şou meydanında at oynadan məşhurları kateqoriyalara ayırdı:

“Bu gün tələbat Türkan və Pərviz duetinədir, Damlaya, Vasif Əzimova və təbii ki, Röyayadır. Sadəcə, qiymət və adını çəkdiyim müğənnilərin sevən kütlə fərqi var. Müəyyən kütlə var ki, onlar öz toy məclislərinə heç zaman Damlanı çağırmazlar. Onların məclisində Nərgiz Cəlilova, Nəsib Nur aparıcı olmalıdır. Toyda isə Abbas Bağırov, Zamiq Hüseynov, Röya, Günay İbrahimli, Sevda Yahyayeva olmalıdır. Fərqlər çoxdur”.

“Əgər Türkan və Pərviz duetindən, Damla və Vasif Əzimovdan sizə işbirliyi təklifi gəlsə, razılaşarsız?” sualına məşhur prodüserin cavabı bu cür oldu:

“Yaxşı pul qazanırsa, niyə də işləməyim? Biznes və pul qazanmaq ayıb deyil. Biznes elə bir şeydir ki, onu kateqoriyaya bölmək düzgün deyil. Əsas odur ki, biznes pul gətirsin. Təbii ki, işləyərəm. O gün məni bir tanış adam görüb söyləyir ki, Rəqsanədən təzə nə xəbər var? Söylədim ki, xəbərim yoxdur. Deyir ki, sən idin də Rəqsanəni qoymuşdun dağ başına. Onu yüksək tuturdun. O adam yanımızda olub. Görüb ki, müğənni ilə işlədiyim zaman onun üçün necə çalışıb-vuruşurdum, hər bir əziyyətə qatlaşırdım. İnanırsan, indi tükəndiyimi hiss edirəm. Naşükürlüklərdən, təşəkkürsüzlüklərdən yorulmuşam.

“İş təkliflərinə açıq olduğunu bildirən qalmaqallı prodüser Rəqsanə İsmayılovanın müğənni qızı Aysun İsmayılova ilə çalışarsız?” sualına T.Səmədovanın reaksiyası gözlənilməz oldu:

“İş təklifləri müğənnilərdən çox gəlir. Amma qəbul etmirəm. Yeni bir müğənnini sıfırdan götürüb, üzərində işləmək çox böyük məsuliyyət, zaman və güc tələb edir. O ki qaldı Aysu ilə işləməyə, mən bu suala nə hə, nə də ki yox demək istəyirəm. Heç vaxt, heç vaxt demə”.

Sözü şillə kimi üzə deyən Təranə redaksiyamızın əməkdaşı ilə söhbətində şou-biznesin kasıbladığını bildirib, “qaz vurub, qazan dolduran” müğənnilərin adlarını açıqladı:

“Əvvəlki kimi şou-biznesdə pul yoxdur. Müəyyən müğənnilər var ki, onlar “qaz vurub, qazan doldurur”. Pul qazanır Nuri Sərinləndirici. Bu adam toya ən baha qiymətə gedir. Pul qazanır Elton Hüseynəliyev, Abbas Bağırov, Samir Piriyev, Zamiq Hüseynov. Bir sözlə, toyu normal idarə edən sənətçilər yaxşı pul qazana bilir. Mən isə hazırda şou-biznesdən pul qazana bilmirəm. Ayda-ildə bir dəfə kiməsə toy təklif edərəm, oradan da kiçik bir qanorarımı götürərəm”.

Pulsuzluqdan giley-güzar edən Təranə Səmədova müsahibəsinin sonunda yeni işini gün üzünə çıxartdı.

“Bildiyiniz kimi, tezliklə ATV-də “Aldanmış hisslər” serialı yayıma başlayır. Mən bu serialın icraçı prodüseriyəm. Bu seriala “hə” cavabını dərhal vermədim. Serialın ilk bölümlərinə baxdım və mənim qəlbimə toxundu. Qəlbimə toxunduğu üçün serialın prodüserlik işlərini boynuma götürdüm. Serialda xalq artistləri Nurəddin Mehdixanlı və Rasim Balayev kimi aktyorların çəkilməsi gözlənilir. Onlar isə mənim ən çox sevdiyim sənətkarlardır. Bir sözlə bu işə iki əlli razılıq verdim”.

ŞƏRH YAZ
0

İlahə Fədadan Tacir Şahmalıoğluna SƏRT SÖZLƏR — Gül kimi bacımı...

İlahə Fədadan Tacir Şahmalıoğluna SƏRT SÖZLƏR
20:36
Bu gün
2634
Maqazin
A
Müğənni İlahə Fəda ARB telekanalında yayımlanan “Ona qalsa” verilişində ifaçı Tacir Şahmalıoğlu ilə aralarında yaşanan qalmaqaldan danışıb.

O, “Ölkə.Az”ın əməkdaşı ilə söhbətində o, T. Şahmalıoğlunun fikirlərinin onun üçün heç bir əhəmiyyət kəsb etmədiyini bildirib.

“Mən, ümümiyyətlə Taciri adam yerinə qoymuram ki, onun dediyi hər hansı bir sözə, fikir bildirim. Mən səhər də canlı yayımda dedim, konkret fikrimi bildirdim- “İt hürər, karvan keçər”,- deyə İ. Fəda bildirib.

Əməkdaşımızın bu anlaşılmazlığın hansı problemdən qaynaqlandığı barədə verdiyi suala müğənni belə cavab verib:

 “Mənim Tacirin yanında və ya qeyri-birinin yanında başımı aşağı edəcək bir səhvim, günahım yoxdur ki, məni kimsə hədələsin. Sadəcə o, özünü yağ kimi suyun üzərinə çıxarmaq istəyir”.

İlahə xanım bacısı, müğənni Fədayə Laçınla olan münasibətlərindən də danışıb.

 “Biz Fədayə ilə çox mehribanıq. Söz verdiyim kimi el şənliklərinə də gedib, bir yerdə iştirak edəcəyik. Sadəcə, bildiyiniz kimi, yanvar- fevral aylarında toylar az olur. Ona görə, hələki bir yerdə toylarda  görüşə bilmirik. Həm də mən əvvəldən toylara çox getmədiyimə görə, məclislərdə nadir hallarda iştirak edirəm”.

 “Ümumiyyətlə sizə bir şey deyim. Əlbəttdə ki, Fədayə xanımın fikri mənim üçün önəmlidir. Onun bu məsələ barədə bir fikri yoxdur, amma mənim var. Dediyimin sözün də üstündəyəm. Mən əqidəli insanam, harada və kiminlə necə danışmaq lazım olduğunu çox gözəl bilirəm”,- bu fikirləri İ. Fəda Fədayə Laçının onunla Tacirin arasında yaşanan qalmaqala olan münasibətindən danışanda bildirib.

Daha sonra “Bundan sonra adını çəkmək istəmədiyim o məxluq mənim haqqımda nə deyirsə desin, mən ona baş qoşub, onun səviyyəsinə enməyəcəyəm. Bacım onunla el şənliklərinə də getsin, o onun şəxsi işidir. Ümumiyyətlə, mən bu məsələyə qarışmıram. Həm də onları məclisə bir yerdə dəvət edirlər. Axı, o, kimdir ki, Fədayə ona görə, qazancından imtina etsin? Sadəcə, mən deyə bilərəm ki, o insanın bacımın həyatında mənfi rolu olduğuna görə, mənim o insanla ürəyim barışmır və mən də bunu açıq şəkildə hər yerdə deyirəm”, - deyə İlahə Fəda vurğulayıb.

Sonda müğənni Tacir Şahmalıoğlunun onunla, düşmənçilik etməyə savadının  yetmədiyini də bildirib.

“Mən çox emosional insanam. Ümumiyyətlə, Tacirin mənimlə düşmənçilik etməyə, zəkası çatmaz. Mən bunu çoxdan bilirdim, ancaq bu gün mənə bir daha sübut oldu ki, o, çox savadsız insandır. Mən ona irad tutmuşam ki, duş qəbul edərkən, videosunu çəkib sosial şəbəkədə paylaşıb. Bu isə cavabında bildirir ki, “48 dərəcə istidə, əynimdə geyimlə, uşaqla çimmişəm. Burada nə var ki?” – Tacirin savadsızlığı elə buradan görünür. Sonra deyir “ İlahəyə, bu “volyanı” kim verir? Baxın, bu insan azərbaycan dilində savadlı danışa bilmir. Deyə bilmir ki, İlahəyə bu icazəni kim verib? Tacir savadsızlığı ucbatından danışdıqca özünü batırır. Mənim ünvanıma deyir ki, mən kişiyəm, onun başına oyun açaram. (gülür)

 Demək istədiyim odur ki, onun zəkası, İQ səviyyəsi mənimlə eyni səviyyədə olmağa imkan verməz. Ona görə, bu məsələdə artıq söz deməyə ehtiyac yoxdur. Hər şey göz önündədir. O, bilirsiz hansı səviyyədə mənimlə düşmənçilik edə bilər? Uzaqbaşı mən, bloka girəndə sifətimə “kislota” atdıra bilər. Bu qədər.

Vallah, heç mən də onunla düşmənçilik etmirəm, sadəcə mənim bu insandan, gül kimi bacımın həyatını məhv etdiyi üçün xoşum gəlmir. Bunu bizim musiqi camiəsində hamı bilir. Sonda bildirim ki, mən bacımı da, anamı da çox sevirəm. Necə hər zaman arxalarında olmuşam, bu, belə də davam edəcək. Mən onları doğruları ilə, səhvləri ilə hər zaman sevmişəm, hər zamanda sevəcəyəm”,- deyə o, fikirlərini tamamlayıb.

Qeyd edək ki, Tacir Şahmalıoğlunun ARB TV-nin “Ona qalsa” proqramında İlahə Fəda haqqında dediyi sözləri, tərəflər arasında qalmaqala səbəb olub.

Vüsalə Balayeva

Ölkə.Az

ŞƏRH YAZ
0
BAĞLA