KORONAVİRUSA YOLUXANLARIN SAYI - CANLI STATİSTİKA

“Medvedyev İrəvana səfəri zamanı Paşinyana “qulaqburması” verəcək” — Siyasi şərh

“Medvedyev İrəvana səfəri zamanı Paşinyana “qulaqburması” verəcək”
17:44
29.04.2019
6977
Analitika
A
Aprelin 30-da İrəvanda Avrasiya İqtisadi İttifaqının hökumət başçılarının zirvə toplantısı keçiriləcək və bu məqsədlə bu gün axşam Rusiyanın baş naziri Dmitriy Medvedyev də işgüzar səfərlə Ermənistana gələcək. 2019-cu ildən Ermənistan Avrasiya İqtisadi İttifaqına rəhbərlik etsə də, İrəvanın təşkilata üzv olan ölkələrlə münasibəti elə də yaxşı deyil. Təşkilatın əsas üzvləri sayılan Qazaxstan və Belarsla Ermənistan arasında gərgin münasibətlər davam etməkdədir. Bunun bir sıra səbəbləri var. Birincisi, Kollektiv Təhlükəsizlik Müqaviləsi Təşkilatının (KTMT) baş katibi məsələsində İrəvanın bu ölkələrlə münasibəti kəskinləşdi. Belə ki, KTMT-yə üzv olan ölkələr Paşinyana Ermənistanın baş katibi postunu icra edən Yuri Xaçaturovu geri çağırıb, onun əvəzinə yenisini təyin etməyə imkan vermədilər.

 Digər əsas məsələlər isə Avrasiya İqtisadi İttifaqına üzv olan ölkələrin Azərbaycanla daha sıx münasibət bəsləməsidir. Çünki Avrasiya İtifaqına üzv olan ölkələr Ermənistanı  siyasi, iqtisadi baxımdan cəlbedici ölkə hesab etmədiyindən onunla əməkdaşlqıda elə də maraqlı deyildirlər. Ona görə də nəinki Cənubi Qafqaz, MDB məkanında, eyni zamanda yaxın bölgələr üçün cəlbedici, qovşaq rolunu oynayan, perspektivli  Azərbaycanla əməkdaşlığa üstünlük verirlər. Bu ölkələrin  Azərbaycanla əməkdaşlıq etməsini şərtləndirən digər amil isə Bakının həmin ölkələrlə sadiq tərəfdaş imicinin qazanmasıdır.

Xüsusən də Nikol Paşinyan hakimiyyəti dönəmində Ermənistanın  istər Avrasiya İqtisadi İttifaqında, istərsə də KTMT-ki  fəaliyyəti Rusiyanı narahat etməyə bilməz. Ən azından ona görə ki, hər iki təşkilatın əsas təşəbbüskarı və flaqmanı məhz Rusiyadır. Rusiyanın baş naziri Dmitriy Medvedyevin də İrəvana səfərini məhz bu konteksdən qiymətləndirmək lazımdır. Medvedyev təkcə zirvə toplantısında iştirak etməyəcək, eyni zamanda bu axşam Ermənistanın baş naziri Nikol Paşinyanla görüşüb bir sıra ciddi məsələləri müzakirə edəcək. Bəzi ekspertlər hesab edir ki, Medvedyev Paşinyana  yürürtdüyü siyasətdən narahat olduğunu və bunun heç də ona ucuz başa gəlməyəcəyini analadacaq.

Yaranmış duruma Cənubi Qaqaz Politoloqlar Klubunun rəhbəri İlqar Vəlizadə ilə aydınlıq gətirməyə çalışdıq. “Ölkə.Az”a açıqlamasında  İ.Vəlizadə deyib ki, Paşinyan hakimiyyətə gəldikdən sonra Ermənistanla  KTMT və Avrasiya İqtisadi İttifaqına üzv ölkələr arasında münasibətlər gərginləşməyə başalyıb və bu artan xətt üzrə davam etməkdədir.

“ Ermənistan 2019-cu ildən Avrasiya iqtisadi İttifaqına rəhbərlik etsə də, faktiki olaraq üzv ölkələrlə normal münasibət qura bilmir və onlarla əməkdaşlığa da meyl etmir. Əksinə, Paşinyan daha çox Qərb və İranla əməkdaşlığa can atır. Düzdür, Avrasiya İttifaqına üzv ölkələr də İrəvanla  əməkdaşlıqda elə də maraqlı deyildirlər. Çünki Ermənistanla əməkdaşlığın elə də ciddi dividend gətirəcəyini görmürlər. Bu baxımdan onlar  daha çox Azərbaycanla əməkdaşlığa can atırlar. Yaranmış durum təbii ki, Rusiyanı narahat edə bilməz. Ona görə də Rusiyanın baş nazirinin İrəvana səfərində bağlı qapılar arxasında  əsas müzakirə prredmetlərindən biri bu olacaq. Ola bilsin ki, Medvedyevin Paşinyana yanlış siyasətinə görə, açıq  təhdid xarakterli mesajları da ola bilər. Bu istisna deyil. Çünki Paşinyan bu gün Rusiyaya alternativ olaraq Qərb ölkələrini Ermənistanın strateji obyektlərinə sərmayə  qoymağa çağırır və onların idarəedilməsinə çalışır. Bu da birbaşa olaraq Rusiyanın maraqlarına uyğun deyil. Moskva bunu açıq şəkildə bəyan edib”, - ekspert bildirib.

Ekspert onu da əlavə edib ki, bu gün hətta Rusiya mənşəli erməni oliqarxlar  Ermənistan yatırdığı sərmayəni geri çəkməyə başlayıb:

 “Digər tərəfdən İrəvan Rusiyanın “Qazprom” şirkətində yoxlamalar aparır. Ümumiyyətlə Ermənistanın son bir ildə yürütdüyü siyasət nəticəsində Avrasiya İqtisadi ittifaqına üzv ölkələrlə İrəvan arasında ciddi gərginlik yaşanmaqdadır. Bu da Rusiyanın müəllifi olduğu təşkilatlarının fəaliyyətinə ciddi xələl gətirməklə, onların gələcək taleyinə ciddi kölgə salır.Ermənistanın destruktiv fəaliyyəti nəticəsində Avrasiya İttifaqında ziddiyətlər artır. Medvedyev Paşinyanla görüşündə mütləq bu məsələləri onun diqqətinə çatdıracaq. Hətta ona sərt mesajlar verə bilər. Əgər Ermənistan Moskvanın dediklərinə riayət etməzsə, o zaman Rusiya bu ölkəyə satdığı qazın qiymətini qaldıra bilər.Odur ki, istənilən halda yürütdüyü uğrusuz siyasət nəticəsində Ermənistanı yaxşı heç nə gözləmir”.

Mürtəza
Ölkə.Az

ŞƏRH YAZ
1

Ermənistan yeni işğal üçün müharibəyə hazırlaşır — Millət vəkilindən ŞOK XƏBƏRDARLIQ

Ermənistan yeni işğal üçün müharibəyə hazırlaşır
01:38
04.07.2020
2277
Analitika
A
“Ermənistan tərəfi yenidən müharibəyə başlamaq istəyir. Ancaq işğalçı ölkə bu dəfə törətdiyi təxribata elə cavab alacaq ki, onu heç vaxt unutmayacaq”.

"Ölkə.Az" xəbər verir ki, bunu  açıqlamasında Demokratik İslahatlar Partiyasının sədri, deputat Asim Mollazadə deyib.

Onun fikrincə, Rusiya həmişə Ermənistanı öz ordusu kimi silah-sursatla təmin edib.

Asim Mollazadə

 

“Ermənistan silahlı qüvvələri artıq Rusiya Silahlı Qüvvələrinin tərkib hissəsidir. Rusiya Ermənistanı kifayət qədər silahla təmin edib. Bunu yalnız indi deyil, həmişə öz qoşunlarına etdiyi kimi edir”, - partiya sədri vurğulayıb.

A.Mollazadə bildirib ki, Ermənistan hər vaxt qoşunların təmas xəttində təxribatlar törədir və bunu davam etdirməkdə maraqlıdır: “Ermənistan müharibəni yenidən başlamaq və işğal etdiyi əraziləri genişləndirmək istəyir. Düşünürəm ki, dövlətimizin keşiyində duran Azərbaycan Ordusu da bu təxribatlara cavab verməyə tam hazırdır. Cavabımız elə ağır olacaq ki, Ermənistan tərəfi bunu çətin unuda bilsin”.

Hərbi ekspert Ramil Məmmədli isə hesab edir ki, iqtisadi imkanlarını, daxili siyasi vəziyyətini analiz etdikdə birmənalı şəkildə Ermənistanın müharibə edəcək gücdə olmadığı üzə çıxır:

“Təbii ki, ermənilər adətləri üzrə təxribat xarakterli əməliyyatlar keçirə bilərlər. Əgər belə bir cəhd olarsa, əlbəttə ki, Azərbaycan Ordusu bunun qarşısını almağa və əks-hücumla Ermənistan ordusunu yerində oturtmağa qadirdir. İnanmıram ki, Ermənistanın hazırkı hərbi-siyasi rəhbərliyi 2016-cı ilin aprelində baş verənləri yenidən yaşamaq istəsinlər. Onların ordusunun şəxsi heyətinin sayını, texniki imkanlarını Azərbaycan Ordusu ilə müqayisə edəndə, işğalçı ölkənin yenidən müharibəyə başlamasının mümkün olmadığı aydın olur”.

Ramil Məmmədli

R.Məmmədlinin fikrincə, müharibəni başlayan ölkənin maliyyə imkanları güclü olmalıdır: “Bununla yanaşı, daxili siyasi sabitliyi olmalıdır. Ermənistanda isə nə iqtisadiyyat güclüdür, nə də daxili siyasi vəziyyətləri sabitdir. Sadə bir nümunə deyim: texniki təchizat vasitələri istisna olmaqla, müharibədə döyüşə göndərilən hər bir əsgərin üzərindəki silah-sursat və geyiminin məbləği 10-20 min ABŞ dolları arasında dəyişir. Ermənistanın şəxsi heyətini bu formada geyindirib hücuma göndərməyə gücü çatmaz”.

Qeyd edək ki, Gürcüstan mətbuatı Rusiyanın Ermənistana növbəti dəfə külli miqdarda silah-sursat göndərdiyini yazıb. Belə ki, hərbi mənbələr son günlər Rusiyanın mülki hava xəttlərindən istifadə edərək Ermənistana silahlar, həmçinin “Qrad” reaktiv-yaylım atəşi sistemləri çatdırdığını bildirir.

Mənbə silahların Ermənistana İran hava məkanından istifadə edərək gizlin çatdırıldığını bildirib. report

ŞƏRH YAZ
0

Azərbaycan Ordusunda islahatlar yeni müstəviyə keçib — Ekspertlər

Azərbaycan Ordusunda islahatlar yeni müstəviyə keçib
15:11
17.05.2020
2965
Analitika
A
“Ordunun modernləşdirilməsi ən vacib məsələlərdəndir, bu gün ordumuza ən müasir silahlar alınıb”.

"Ölkə.Az" bildirir ki, bunu “Report”a açıqlamasında orduda aparılan islahatları şərh edərkən Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Aqil Abbas deyib.

O bildirib ki, əvvəllər orduda vəziyyət acınacaqlı idi. Deputat tez-tez hərbi hissələrə baş çəkdiyini və son illərdə ordunun maddi-texniki bazasının gücləndirildiyinin şahidi olduğunu söyləyib.

A.Abbas qeyd edib ki, son illərdə xeyli sayda yeni hərbi hissələr tikilərək istifadəyə verilib: “Əsgərlərə ən yüksək səviyyədə kalorisi olan yeməklər verilir. Əvvəllər əsgərlər paltarlarını yuyurdular, yemək bişirirdilər, indi bunu mülki insanlar edir. Əsgərin işi ancaq vətəni müdafiə etməkdir. Daha hərbi maşınları 18-19 yaşlı əsgərlər sürmür, əvvəllər buna görə tez-tez qəzalar olurdu. İndi isə hərbi maşınları idarə etməyə mülki insanlar cəlb olunub deyə, qəzaların sayı da azalıb. Azərbaycan Ordusunda böyük islahatlar aparılıb. Təbii ki, müəyyən problemlər ola bilər, heç bir ölkənin ordusu bundan uzaq deyil”.

Azərbaycan Ordusunun mayın 18-dən 22-dək keçiriləcək genişmiqyaslı əməliyyat-taktiki təlimlərindən danışan deputat bunu şəxsi heyətin döyüş qabiliyyətinin artırılması kimi qiymətləndirib.

“Bütün təlimlər döyüş qabiliyyətini artırmağa hesablanıb. Təlimlər həm də əsgərin, gizirin, müddətdən artıq xidmət edən hərbi qulluqçuların, zabit heyətinin döyüş ruhunu artıraraq onları daha da səriştəli edir. Praktiki məşqlərdə bütün nöqsanlar, çatışmazlıqlar aşkarlanaraq aradan qaldırılır. Ordumuza alınan yeni hərbi texnikaların, silah-sursatın, döyüş vasitələrinin istismarı yoxlanılır və şəxsi heyətə daha mükəmməl öyrədilir. 

Təlim ordunu döyüşə hazırlamaq deməkdir. Azərbaycan Ordusu mütəmadi genişmiqyaslı təlimlər keçirir. Bu da döyüş taktikasını, döyüş ruhunu, ümumiyyətlə döyüş qabiliyyətini artırmaq üçün ən önəmli məsələdir”, - A.Abbas vurğulayıb.

Hərbi ekspert Ramil Məmmədli isə Azərbaycan Ordusunda islahatlarla bağlı köklü dəyişikliklərin 2005-ci ildən başlandığını, lakin 2013-2014-cü illərdən bu dəyişikliklərin başqa bir müstəviyə keçdiyini deyib.

O bildirib ki, bu dəyişikliklərin əsasında əsgər-zabit münasibətləri ilə bağlı yeniliklər dayanır: “2014-cü ilə kimi mətbuatda və cəmiyyətdə əsgər-zabit münasibətlərində bir çox narahatlıq və nizamnamədən kənar hadisələrin olmasına dair xəbərlər yer alırdısa, bu gün övladını hərbi xidmətə göndərən Azərbaycan vətəndaşı rahatdır. O bilir ki, oğlunun komandiri – zabiti ona öz övladı, qardaşı, dostu kimi yanaşacaq. Bu, birinci və vacib məsələdir. İslahatlarla bağlı növbəti məsələ maddi-texniki bazanın gücləndirilməsi ilə bağlıdır. 

Burada əsas yeri əsgərlərin yataqxanaların (kazarma) müasirləşdirilməsi, hərbi hissələrdə müasir tələblərə cavab verən işlərin görülməsi, zabit, gizir və müddətdən artıq xidmət edən hərbi qulluqcuların sosial vəziyyətinin yaxşılaşdırılması idi. Əvvəlcə onların maaşlarının artırılması məsələsi təmin olundu. Eyni zamanda onların mənzillərlə təminat məsələsi həll edildi. Bu gün də bu proses mərhələli formada davam edir. Xidmət müddətinə uyğun olaraq zabitlər və gizirlər evlərlə, torpaq sahələri ilə təmin olunurlar”.

Silah və hərbi texnika parklarının yenilənməsini islahatların davamı kimi qiymətləndirən hərbi ekspert bu sahədə köklü dəyişikliklərin olduğunu bildirib: “Hava hücumundan müdafiə sistemi yenidən quruldu, Hərbi Hava Qüvvələrinin texniki imkanlarının gücləndirilməsi üçün müasir təyyarələrin alınmasına başlanıldı. Bu proseslə Qərbin modern texnologiyalarının mənimsənilməsinə start verildi. Bu, bir neçə günə həll olan məsələ deyil, buna görə də islahatlar davamlı şəkildə aparılır. 

Quru Qoşunlarda Azərbaycan Ordusunun istifadəsində olan texnikalar yeniləndi, çoxlu sayda zirehli maşınlar alındı, artilleriya qurğuları, atıcı silahların yeniləşməsi prosesinə başlanıldı. Bununla yanaşı Azərbaycan Ordusunda təlimlərinin sayının artdığının şahidi olduq.

İslahatlara kadr dəyişiklikləri məsələsini də aid etmək olar. Uzun illər Müdafiə Nazirliyinin rəhbər strukturlarında vəzifə tutan şəxslər işdən uzaqlaşdırıldı. Onların yerinə daha gənc və perspektivli zabitlər gətirildi”. 

Ekspertin sözlərinə görə, təəssüf ki, bəzi şəxslər düşünmədən ordu ilə bağlı bəzi şayiələr yayırlar: "Bu da daim internet pusqusunda duran düşmənin işinə yarayır. Fəaliyyəti nə zamansa hərb ilə bağlı olan şəxslərin isə ordu ilə bağlı hər hansı neqativ açıqlamaları hərbçilər arasında ruh düşkünlüyü yarada bilər. Bu səbəbdən həm xidmət keçən, həm ehtiyatda olan hərbçilər öz bəyanat və açıqlamalarında maksimum diqqətli olmalıdırlar və gördüyü istənilən neqativ halla bağlı dövlətin müvafiq qurumlarına müraciət etməlidirlər". 

ŞƏRH YAZ
0
BAĞLA