“Məğlubiyyətin səbəblərindən biri...”

“Məğlubiyyətin səbəblərindən biri...”
20:11
16.04.2017
31
İdman
A
"Kəpəz"i və məşqçisini təbrik edirəm. Onlar yaxşı və gözəl qələbə qazandılar. Bu gün rəqib bizdən güclü oldu".

Ölkə.Az apasport.az-a istinadən xəbər verir ki, bu sözləri "Qəbələ"nin baş məşqçisi Roman Qriqorçuk deyib.

Azərbaycan Premyer Liqasının XXVI turunda səfərdə "Kəpəz"lə qarşılaşan "qırmızı-qaralar" 0:2 hesablı məğlubiyyətə üzülüb.
 
Oyun başa çatdıqdan sonra matç haqqında fikirlərini bölüşən ukraynalı mütəxəssis bunları deyib: "Bu, mövsümdə yeganə görüşdür ki, oyuna görə də rəqibə uduzduq. Bunu qəbul edib, analiz aparmaq, nəticə çıxarmaq lazımdır. Cari mövsümdə belə halla üzləşməmişdik. Məğlubiyyətin səbəblərindən biri psixoloji, emosional cəhətdən hazır olmamağımızdır. Bu vəziyyət qələbə üçün kifayət deyildi. Başa düşürdük ki, bizə yalnız qələbə lazımdır. Bəlkə də bu səbəbdən müəyyən qədər oyun alınmadı. Həm də "Kəpəz"in günü idi. Onlar sürətli, mübariz, həvəsli oynayırdı. Mövsümün gedişində hakimliklə bağlı problemlər olsa da, son matçlar da belə halla üzləşməmişik. Meydan ən yaxşı durumda olmasa da, o qədər də pis vəziyyətdə deyil ki, orda oynamaq olmasın. Uduzmağımız üçün bunlar səbəb deyil. Heyətlə bağlı hər hansı səhv etdiyimizi və ya bu addıma təəssüfləndiyimizi deyə bilmərəm. Analizlər əsasında heyəti müəyyənləşdiririk. Ən hazırlıqlı oyunçuları matça buraxmışdıq. Oyunun sonlarında yaşanan ikitərəfli hücumlarla zəngin futbol azarkeşlərə maraqlı gəlsə də, mən bunu xoşlamıram".

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
461
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0

Futbol üzrə milli komandamızın heyəti açıqlanıb

Futbol üzrə milli komandamızın heyəti açıqlanıb
21:05
21.05.2018
1081
İdman
A
Azərbaycan milli komandasının heyəti açıqlanıb.

"Ölkə.Az" AFFA-ya istinadən xəbər verir ki, baş məşqçi Qurban Qurbanov 27 futbolçuya dəvət göndərib.

Qapıçılar: Kamran Ağayev (“Keşlə”), Anar Nəzirov (“Zirə”), Səlahət Ağayev (“Neftçi”)

Müdafiəçilər: Maksim Medvedev, Bədavi Hüseynov (hər ikisi “Qarabağ”), Ruslan Abışov (“Neftçi”), Ürfan Abbasov, Təmkin Xəlilzadə, İlqar Qurbanov (hamısı “Qəbələ”), Rahil Məmmədov (“Səbail”), Slavik Alxasov (“Keşlə”), Pavel Paşayev (“Aleksandriya”, Ukrayna), Ufuk Budak (“Samsunspor”, Türkiyə)

Yarımmüdafiəçilər: Qara Qarayev, Coşqun Diniyev, Riçard Almeyda (hamısı “Qarabağ”), Namiq Ələsgərov, Rəhman Hacıyev, Emin Mahmudov (hamısı “Neftçi”), Ruslan Qurbanov, Cavid Hüseynov (hər ikisi “Qəbələ”), Cavid İmamverdiyev (“Sumqayıt”), Araz Abdullayev (“Anortosis”, Kipr), Dmitri Nazarov (“Erzgebirge”, Almaniya)

Hücumçular: Ramil Şeydayev, Mahir Mədətov (hər ikisi “Qarabağ”), Amil Yunanov (“Sumqayıt”)

Qeyd edək ki, yığmamız mayın 23-dən iyunun 2-dək Bakıda, iyunun 3-dən 6-dək Astanada, iyunun 7-dən 9-dək Riqada təlim-məşq toplanışı, mayın 29-da Qırğızıstan, iyunun 6-da Qazaxıstan, iyunun 9-da Latviya ilə yoldaşlıq oyunu keçirəcək.

ŞƏRH YAZ
0
BAĞLA