Məhəmməd Əlinin oğlu saxlanıldı
Məşhur boksçu Məhəmməd Əlinin oğlu Florida hava limanında saxlanılıb
"Ölkə.Az" xəbər verir ki, oğul Məhəmməd Əli hava limanının immiqrasiya xidməti tərəfindən saxlanılıb.
Verilən xəbərə görə oğul Məhəmməd Əli anası ilə birlikdə Yamaykadan ABŞ-a qayıdırmış. İmmiqrasiya xidmətinin əməkdaşları onu bir neçə saatlıq saxlayıblar. Xidmət oğul Məhəmməd Əliyə müsəlman olub-olmadığı barədə sual verib. Müsbət cavab aldıqdan sonra onu iki saat ərzində dindiriblər. Dindirilmə zamanı əsasən onun harada doğulduğu və əsli-kökü barədə suallar verilib.
Məhəmmədin vəkili bildirib ki, Əli ailəsi üçün məsələnin Donald Trampın müsəlmanları ABŞ-dan qovmaq barədə təşəbbüsü ilə əlaqəli olduğu məlumdur. Oğul Məhəmməd Əli ABŞ vətəndaşıdır və Filadelfiyada anadan olub.
Hikmət
Ölkə.Az
