Məhəmməd Salah rekordları alt-üst edir
“Liverpul”un yarımmüdafiəçisi Məhəmməd Salah İngiltərə Premyer Liqasının tarixinə düşüb.
Çempionatın sonuncu – 38-ci turunda “Brayton”la qarşılaşan "Liverpul" 4-0 hesablı inamlı qələbə qazanıb və gələn mövsüm Çempionlar Liqasında oynamağı təmin edib. Matçda ilk qolu vuran misirli futbolçu Premyer Liqadakı qollarının sayını 32-yə çatdırıb. Bu qol ona yeni rekordu bərabərində gətirib. Belə ki, o, İngiltərə Premyer Liqasında ən çox qol vuran futbolçu kimi tarixə düşüb.
36 oyunda 32 qol vuran müsəlman futbolçu 10 dəfə də məhsuldar ötürmə verib.
Qeyd edək ki, indiyə qədər rekord 31 qolla Alan Şirer (1993-1994), Kriştiano Ronaldo (2007-2008) və Luis Suaresə (2013-2014) məxsus idi.
Onu da bildirək ki, Salah bu yaxınlarda 2017/18 mövsümü üçün Premyer Liqanın ən yaxşı futbolçusu seçilib.
Ölkə.Az