Məhəmməd Vəliyev haqqında torpaqların qanunsuz satışı və saxta seçkilər iddiası — Birlik sədrinin CAVABI

Məhəmməd Vəliyev haqqında torpaqların qanunsuz satışı və saxta seçkilər iddiası
16:43
21.08.2017
733
Ölkə
A
Azərbaycan Əfqanıstan Veteranlar İctimai Birliyi ətrafında qalmaqal səngimir.

Birliyin sədri Məhəmməd Vəliyev Torpaq alveri, pul mənimsəmə və saxta seçkilərdə ittiham edilir. Bununla bağlı "Ölkə.Az"-da "Torpaq alveri, pul mənimsəmə və saxta seçkilər — Əfqanıstan Veteranlar İctimai Birliyində baş verən çirkin oyunlar" başlıqlı yazı dərc olunmuşdu.

Azərbaycan Əfqanıstan Veteranlar İctimai Birliyi Nərimanov rayon sədri Əsgərov Arif İsgəndər oğlu "Ölkə.Az"-a açıqlamasında bildirib ki, Birliyin sədri Məhəmməd Vəliyev 2005-ci ildə saxta konfrans keçirərək 2010-cu ilə qədər sədr seçilib.

Əsgərov Arifin sözlərinə görə, Məhəmməd Vəliyevin 2010-cu ilin avqust ayının 13-dən səlahiyyət müddəti bitsə də, hələ də sədr vəzifəsində qalır:

"Ədliyyə Nazirliyinə bununla bağlı müraciət etmişik. Ədliyyə Nazirliyi bizə rəsmi sənəd göndərərək bildirib ki, Məhəmməd Vəliyev 2005-ci ildən bu günə qədər konfrans keçirməyib. Məhəmməd Vəliyevin səlahiyyətləri olmaya-olmaya əfqanıstan veteranlarının səlahiyyətlərini pozub. Veteranlara Bakı şəhər Suraxanı rayon Bahar qəsəbəsində 10 hektar 35 sot torpaq sahəsi ayrılıb. Məhəmməd Vəliyev səlahiyyətləri olmayaraq Əfqanıstan veteranı olmayan şəxslərə həmin torpaq sahələrini satıb".

10 il konfrans keçirməyən Məhəmməd Vəliyev 2016-cı il 27 oktyabr tarixində konfrans keçirib və bu konfransı 5-ci konfrans adlandırıb deyən, Azərbaycan Əfqanıstan Veteranlar İctimai Birliyinin Nərimanov rayon sədri Arif Əsgərov Məhəmməd Vəliyevin həmin konfransda 45 rayon sədrinin iştirak etdiyini açıqlamasını yalan adlandırıb:

"Biz dəqiq bilirik ki, həmin konfransda cəmi 45 nəfər adam olub. Məhəmməd Vəliyevin dediyi kimi yox, orada cəmi 20 nəfər rayon sədri olub. Həmin sədrlər isə rayonlardan gələnlərdir. Bakıdan cəmi 2 rayon sədri həmin tədbirdə iştirak edib".

Məhəmməd Vəliyevin özünə hami kimi Siyavuş Novruzovu seçərək onu da konfransa dəvət etdiyini deyən, Arif Əsgərov qeyd edib ki, Siyavuş Novruzovun heç o tədbirin konfrans, yoxsa təşəbbüs qrupu seçdiyindən xəbəri olmayıb:

"Siyavuş Novruzov əgər əfqanıstan müharibəsi veteranıdırsa, niyə bir dəfə Milli Məclisdə Əfqanıstan veteranlarının probemlərini qabartmayıb? Dəfələrlə Siyavuş Novruzova məktub ünvanlamışıq ki, Əsfqanıstan müharibəsi veteranlarını qəbul etsin, ancaq bir dəfə bizi qəbul etməyib".

Arif Əsgərov daha sonra iddia etdi ki, Məhəmməd Vəliev 2010-cu ildə Dilarə Əliyeva 251 ünvanındakı ofislərini satıb:

"Hal hazırda bununla bağlı məhkəməyə müraciət etmişik, Baş prokuror yanında Korrupsiyaya qarşı Mübarizə Baş İdarəsində Məhhəmd Vəliyevin əməlləri ilə bağlı iş gedir".

Məsələni aydınlaşdırmaq üçün Azərbaycan Əfqanıstan Veteranlar İctimai Birliyinin sədri Məhəmməd Vəliyevlə əlaqə saxladıq. Məhəmməd Vəliyev bildirdi ki, bu məsələyə cavab verməkdən yorulmuşam:

"Bu iddiaların hamısı dövlət orqanları tərəfindən araşdırılır. Nəticələr də yavaş-yavaş bəlli olur. Heç nə deyə bilmərəm. Haqqımda deyilənlər yalan və böhtandır. Mənim haqqımda məhkəməyə, prokrorluğa müraciət ediblər. Sizə heç nə deyə bilmərəm. Necə istəyirsiniz, elə də yazın".

Qeyd edək ki, Azərbaycanda 10 minə yaxın Əfqanıstan müharibəsi veteranı olduğu halda Azərbaycan Əfqanıstan Veteranlar İctimai Birliyinin cəmi 351 üzi var.

Səxavət Məmməd
Ölkə.Az

ŞƏRH YAZ
0

Məktəb direktoruna qarşı plan hazırlayanlar öz torlarına düşdülər

Məktəb direktoruna qarşı plan hazırlayanlar öz torlarına düşdülər
15:46
Bu gün
541
Ölkə
A
Ağdam rayonunda məktəb direktorunun evinin həyətində silah-sursat basdıran şəxslərlə bağlı maraqlı məlumatlar üzə çıxıb.

“Ölkə.Az” xəbər verir ki, bu il fevralın 9-da Dövlət Təhlükəsizliyi Xidməti və Ağdam Rayon Polis Şöbəsi daxil olmuş əməliyyat məlumatı əsasında birgə əməliyyat-axtarış tədbirləri həyata keçirib və 1-ci Yüzbaşlı kənd sakini, həmin kənddəki məktəbin direktoru Polad Zeynalova məxsus həyətyanı sahəyə baxış keçirilib. Bu zaman oradan 2 ədəd - “İJ” və “TOZ-8” markalı tüfənglər, 1 ədəd “Naqan” markalı tapança,  2 ədəd “F-1” qumbarası, 1 ədəd mərmi, 3 ədəd avtomat patron darağı və 18 ədəd müxtəlif çaplı patron aşkar edilərək götürülüb. Aparılan araşdırmalar zamanı əməliyyat məlumatının hüquq-mühafizə orqanlarına qəsdən ötürüldüyü, silah-sursatın Polad Zeynalova məxsus olmaması məlum olub. Araşdırmalar nəticəsində məlum olub ki, P. Zeynalovun həyətindən aşkarlanan silah-sursat, kənd məktəbində müəllim işləyən Vüsal Əliyev, onun bacısının həyat yoldaşı rayonun Baharlı kənd sakini Rizvan Mirzəliyev və Elnur Vaqifoğlu tərəfindən basdırılıb.

Bildirilir ki, bir müddət əvvəl Yüzbaşı kənd məktəbinin direktoru vəfat edib və onun yerinə oğlu Polad Zeynalov təyin edilib. Bundan sonra məktəbin direktoru ilə orada müəllim işləyən Vüsal Əliyev arasındakı əvvəldən gərgin olan münasibətlər daha da gərginləşib. Ədavət zəminində V.Əliyev direktorun həbs edilməsinə çalışıb və dostu Elnur Vaqifoğlu ilə birgə plan hazırlayıblar. Bu işdə onlara V.Əliyevin bacısının həyat yoldaşı Rizvan Mirzəliyev də kömək edib və onlar əldə etdikləri silah-sursatı gizli yolla Polad Zeynalovun evinin həyətində basdırıblar. Daha sonra bu barədə hüquq-mühafizə orqanlarına məlumat ötürülüb.

Məlumata görə, direktorun işdən çıxarılması və həbs edilməsi üçün planın əsas müəllifi olan Elnur Vaqifoğlu bölgədə jurnalist kimi tanınır və bir neçə saytın rəhbəridir. Onun barəsində mətbuatda daha çox xoşagəlməz məlumatlara rast gəlinir.

ŞƏRH YAZ
0

Gömrük Komitəsi yayılan videolara cavab verdi

Gömrük Komitəsi yayılan videolara cavab verdi
15:23
Bu gün
1224
Ölkə
A
Ötən gün sosial şəbəkələrdə gömrük orqanlarının və əməkdaşlarının ünvanına ittihamların əks olunduğu video yayılıb.

Dövlət Gömrük Komitəsindən "Ölkə.Az"a verilən məlumata görə, videoda Azərbaycan vətəndaşı olan şəxs İrandan gətirdiyi və iddiaya görə, əsasən ərzaq məhsullarından ibarət yükün gömrükdən əsassız şəkildə buraxılmamasından şikayət edərək buna gömrük əməkdaşlarının və gömrük orqanlarının qanunsuz əməlləri kimi don geyindirməyə çalışır: "Dövlət Gömrük Komitəsi bildirir ki, fiziki şəxslər tərəfindən ölkə ərazisinə güzəştli qaydada gətirilən ərzaq məhsullarının miqdarı "Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları" barədə Azərbaycan Nazirlər Kabinetinin 305 saylı qərarı ilə müəyyən olunub. Həmin qərara əsasən, fiziki şəxslər hər təqvim ayı ərzində 30 kiloqrama qədər müxtəlif növ ərzaq məhsullarını güzəştli qaydada, yəni gömrük vergi və rüsumlarından azad şəkildə ölkə ərazisinə gətirə bilərlər.

Videoda gömrük orqanlarının və gömrük əməkdaşlarının ünvanına əsassız ittihamlar irəli sürən Astara rayon sakini Faiq Cəfərzadəyə gəlincə isə o 4, 12, 18 və 20 aprel tarixlərində, ümumilikdə 1 ayda 4 dəfə, 2, 14, 16, 17 və 22 may tarixlərində isə ümumilikdə 5 dəfə İran İslam Respublikasına səyahət edib və dəfələrlə xəbərdarlıq edilməsinə, müvafiq izahat və təbliğat işləri aparılmasına baxmayaraq, hər dəfə geri dönərkən özü ilə qanunda nəzərdə tutulandan artıq miqdarda ərzaq məhsullarını gömrük sərhədindən keçirməyə cəhd göstərib. Üstəlik, bu cəhdlər zamanı hər dəfə ona gömrük qanunvericiliyinin tələblərini izah edən gömrük əməkdaşlarını müxtəlif ifadələrlə ittiham və təhqir edib.

Dövlət Gömrük Komitəsi bir daha vətəndaşları və xarici ölkələrə səyahət edən şəxsləri gömrük qanunvericiliyinin tələblərinə əməl etməyə, ölkənin iqtisadi təhlükəsizliyini təmin edən gömrük orqanlarının fəaliyyəti ilə bağlı məlumat yayarkən diqqətli, qərəzsiz və qanunun aliliyinə hörmət etməyə çağırır".

ŞƏRH YAZ
0
BAĞLA