"Məhərrəm ayında konsert verməyin yaxşı olmadığını demişdim" — Şəbnəm Tovuzlu

11:28
11.09.2019
5528
Maqazin
A
Müğənni Şəbnəm Tovuzlu İstanbulda 8 sentyabra planlanlaşdırılmış solo-konsertinin baş tutmamasının səbəbini açıqlayıb.

"Ölkə.Az" shownews.az-a istinadən xəbər verir ki, müğənni gələn ay möhtəşəm solo konsert ilə Türkiyədə sevənlərinin qarşısına çıxacağını bildirib:

“Konsertim ləğv olunmayıb, oktyabr ayının 27-də baş tutacaq. Mən əvvəlcədən təşkilatçılara Məhərrəm ayında konsert verməyin yaxşı olmadığını demişdim. Hərçənd ki, bildiklərini etdilər.

1800 nəfərlik zaldır. Türkiyədə kifayət qədər sevənim var. Konsertim ləğv olunmayıb, sadəcə təxirə salınıb. Daha möhtəşəm etməyə indi vaxtımız da kifayət qədərdir. Türk tamaşaçılarının qarşısına yeniliklərimlə çıxacağam”.

Qeyd edək ki, məlumata görə, İstanbulun Taksim meydanında yerləşən məkanların birində baş tutacaq konsertin gerçəkləşməməsininə səbəb biletlərin satılmaması olub. Konsertə günlər qalmış məkanın sahibləri ifaçı ilə əlaqə saxlayaraq biletlərin satılmamasını xəbər veriblər. Boş zalda səhnəyə çıxmaq istəməyən Tovuzlu konserti oktyabr ayına təxirə salıb.

Ölkə.Az

ŞƏRH YAZ
0

Abramoviçin keçmiş arvadı yunan milyarderə ərə getdi — FOTO

Abramoviçin keçmiş arvadı yunan milyarderə ərə getdi
11:03
Bu gün
823
Maqazin
A
Roman Abramoviçin keçmiş arvadı Darya Jukova yunan milyarder Stavros Niarxosa ərə gedib.

"Ölkə.Az" oxu.az-a istinadən xəbər verir ki, İsveçrənin “Klum” hotelində keçirilən toy cütlüyə 6,5 milyon dollara başa gəlib.

Çağırılmış qonaqların sırasında dizayner Stella Makkartni, amerikalı aktrisa Keyt Hadson və Böyük Britaniyanın şahzadəsi Beatris də olub.

Məlumata əsasən, cütlük hələ ötən ilin oktyabrında rəsmi nikaha girib.

Xatırladaq ki, Roman Abramoç və Darya Jukova 2017-ci ildə boşanıblar. Bu nikahdan onların iki övladı var.

ŞƏRH YAZ
0

Azərbaycanlı bloqer sərvətini nümayiş etdirdi — VİDEO

Azərbaycanlı bloqer sərvətini nümayiş etdirdi
09:15
Bu gün
1443
Maqazin
A
Rusiyada yaşayıb, orada videobloqerlik fəaliyyəti ilə məşhurlaşan, iş adamı və xeyriyyəçi, əslən Azərbaycanlı Hüseyn Həsənov yeni paylaşımı ilə diqqətləri üzərinə çəkib.

"Ölkə.Az" oxu.az-a istinadən xəbər verir ki, bir çox məşhurlar qazanclarını gizlətdiyi bir vaxtda Hüseyn var-dövlətini telefonun kamerasına çəkərək “İnstagram” hesabının “Hekayə” bölümündə paylaşıb.  

Bloqer dəstə-dəstə yüzlük avro, dollar və rubl əskinasları iş masasının üstünə səpərək “Səmimi qəlbdən arzu edirəm ki, hər biriniz səhər yuxudan oyananda bunları görün” sözlərini deyib.  

Məşhur daha sonra pullarını qucaqlayaraq, başını onların üstünə qoyub və “Bu pulları paylamağa başlayaq?”, - sualı ilə izləyicilərinə səslənib.  

Hüseyn tərəfindən keçirilən bu soğruya 89% izləyici “Hə” cavabını verib.  

Qeyd edək ki, sosial şəbəkədə böyük auditoriyaya sahib olan Hüseyn Həsənov müxtəlif oyunlar keçirməklə sosial media hesablarını inkişaf etdirir. Hüseyn restoran işi ilə məşğul olur və şəxsi geyim markası var.  

Bakıya tez-tez baş çəkən H.Həsənov burada da gənclərin diqqət mərkəzində olan məşhurlardan biridir. Bloqerin “İnstagram” hesabında hazırda 12,5 milyon izləyicisi var.  

ŞƏRH YAZ
0
BAĞLA