Məhkəmə Cənubi Koreya prezidentinin rəfiqəsinə hökm oxudu
Seul məhkəməsi sabiq Cənubi Koreya prezidentinin rəfiqəsinə hökm oxuyub.
"Ölkə.Az" xəbər verir ki, məhkəmənin hökmü ilə Tsoy Sun Sil 3 il azadlıqdan məhrum edilib. Buna səbəb isə qızı üçün qanunsuz imtiyazlar əldə etməsidir. Məhkəmə 13 işdən biri üzrə artıq hökmünü verib. Sabiq prezidentin rəfiqəsi 13 maddə ilə ittiham edilir.
Məhkəmənin fikrinə görə, Sun Sil əlaqələrinddən istifadə edərək qızının prestijli universitetə qəbul edilməsinə şərait yaradıb.
Eyni zamanda tədris vaxtı onun qızına yüksək qiymətlər verilib. Bu hökmə əsasən universitetin iki rəhbər işçisi də 2 və 1.5 il həbsə məhkum edilib.
Qeyd edək ki, Suna qarşı 13 ittiham irəli sürülüb. O,70 min dollar mənimsəməkdə də ittiham edilir. Qalmaqal ötən ilin oktyabr ayında başlayıb.
Hikmət
Ölkə.Az
