Məhkəmə polis rəisinə bəraət vermədi

Məhkəmə polis rəisinə bəraət vermədi
16:20
14.02.2018
1385
Ölkə
A
Binəqədi rayon Polis İdarəsi Narkotiklərlə Mübarizə Şöbəsinin keçmiş rəisi, polis mayoru Mahir Əkbərovun barəsində olan məhkəmə qərarından verilən apellyasiya şikayətinə baxılıb.

"Ölkə.Az" xəbər verir ki, Bakı Apellyasiya Məhkəməsində hakim Qail Məmmədovun sədrliyi ilə baş tutan prosesdə qərar elan edilib.

Qərara görə, Mahir Əkbərovun apellyasiya şikayəti təmin edilməyib.

İttihama görə, Mahir Əkbərovun həyat yoldaşı Leyla Əkbərova vətəndaşlardan 150 min manat pul alaraq dələduzluq yolu ilə ələ keçirməkdə ittiham edilib.
O, vətəndaşları işə düzəltmək, universitetə qəbul etdirmək, diplom almasına kömək göstərmək vədləri verməklə bu əməlləri törədib.

Zərərçəkənlərdən biri olan Anara Məmmədova bildirib ki, ondan işə düzəltmək adı ilə 100 min manatdan çox pul alınıb. Bu işdə Mahir Əkbərovun anası, Əmək və Əhalinin Sosial Müdafiəsi Nazirliyinin Xətai rayon İdarəsində şöbə rəisi işləyən Nigar Əkbərovanın da adı hallanıb. O, həm istintaqda, həm də məhkəmədə şahid kimi ifadə verib.

Bu məhkəmə prosesi ərəfəsində Mahir Əkbərov mətbuata açıqlama verərək zərərçəkmiş Anara Məmmədova və onun həyat yoldaşı Dəyanət Məmmədov barədə ittihamlar irəli sürüb. O iddia edib ki, Dəyanət Məmmədov işlədiyi şirkətdə maliyyə maxinasiyalarına yol verərək əlavə qazanc əldə edir və özünü yüksək vəzifəli şəxslərin yaxın adamı kimi təqdim edir.
Bundan sonra Dəyanət Məmmədov Yasamal rayon Məhkəməsinə müraciət edib. O, Mahir Əkbərov barəsində xüsusi ittiham qaydasında şikayət edib və səsləndirdiyi fikirlərin yalan olduğunu bildirib.

Binəqədi rayon Polis İdarəsi Narkotiklərlə mübarizə söbəsinin keçmiş rəisi olan polis mayoru Mahir Əkbərovun işi üzrə Yasamal rayon Məhkəməsində araşdırma aparılıb.

Hakim Azər Tağıyevin sədrliyi ilə baş tutan prosesdə Mahir Əkbərov Cinayət Məcəlləsinin 147.1-ci (böhtan yayma) maddəsi ilə təqsirli bilinib. O, 500 manat məbləğində cərimə edilib.

Bu hökmdən Mahir Əkbərov apellyasiya şikayəti verib. O, şikayətində bərəsində olan hökmün ləğv edilməsini, bəraət hökmünün çıxarılmasını istəyib. 
Xatırladaq ki, Leyla Əkbərova Bakı Ağır Cinayətlər Məhkəməsinin hökmü ilə 9 il müddətinə azadlıqdan məhrum edilib. Hökmdən verdiyi apellyasiya şikayəti təmin edilməyib və hökm qüvvədə saxlanılıb.

Bu məhkəmə prosesindən sonra zərərçəkmiş Anara Məmmədova prokurorluğa rəsmi qaydada ərizə ilə müraciət edib. O, Mahir Əkbərovun arvadı ilə əlbir olmaqda, onun barəsində dələduzluq və rəsmi sənədləri saxtalaşdırma ittihamı ilə cinayət işi başlanmasını istəyib.

Lakin prokurorluqda aparılan araşdırmalardan sonra Mahir Əkbərovun barəsində olan cinayət təqibinə xitam verilib.

ŞƏRH YAZ
0

Sürüşmə sahəsində vəziyyət necədir?

Sürüşmə sahəsində vəziyyət necədir?
22:13
Bu gün
88
Ölkə
A
Ekologiya və Təbii Sərvətlər Nazirliyi tərəfindən yaradılan Qərargah Badamdar sürüşmə sahəsindəki son vəziyyəti açıqlayıb.

Qərargahdan "Ölkə.Az"a daxil olan məlumata görə, saat 21:00-a olan monitorinqin nəticəsinə əsasən aktivlik dinamikası dəyişməz olaraq qalıb. Sürüşmə kütləsi üzərindəki xırda süxurların yola doğru hərəkəti müşahidə edilib. İndiki saata nəzərəçarpacaq dəyişiklik qeydə alınmayıb.

Ölkə.Az

 

ŞƏRH YAZ
0

Muxtar Babayev görüş keçirdi

Muxtar Babayev görüş keçirdi
21:14
Bu gün
501
Ölkə
A
Bu gün Ekologiya və Təbii Sərvətlər Nazirliyində nazir Muxtar Babayevlə Latviya Respublikasının nümayəndə heyəti arasında görüş keçirilib.

Nazirlikdən "Ölkə.Az"a verilən məlumata görə, görüş zamanı gələcək əməkdaşlığın perspektivləri və qarşılıqlı maraq doğuran məsələlər müzakirə edilib.

Ölkə.Az

ŞƏRH YAZ
0
BAĞLA