Məhkumların qohumlarından əfv adı ilə pul alan məhkumun MƏHKƏMƏSİ

Məhkumların qohumlarından əfv adı ilə pul alan məhkumun MƏHKƏMƏSİ
11:11
19.03.2019
491
Ölkə
A
Dələduzluq yolu ilə məhkumların qohumlarından pul almaqda təqsirli bilinən Allahverdiyev Vüqar İsax oğlu Bakı Apellyasiya Məhkəməsinə şikayət edib.

"Ölkə.Az" xəbər verir ki, təqsirləndirilən şəxsin şikayətinə mart ayının 19-da hakim Mirzəli Abbasovun sədrliyi ilə keçirilən prosesdə baxılacaq.

Belə ki, cinayət işinin istintaqı zamanı Allahverdiyev Vüqar İsax oğlu Ədliyyə Nazirliyinin Penitensiar Xidmətin 7 və 13 saylı cəzaçəkmə müəssisələrində saxlanıldığı müddətdə ona telefonla olan danışıq hüququndan istifadə etməsi üçün yaradılmış şəraitdən yararlanaraq özü ilə birlikdə cəza çəkən ayrı-ayrı şəxslərin yaxın qohumlarına zəng etdiyi məlum olub.

O, həmin məhkumların adlarının əfv olunan şəxslər siyahısına saldıracağını deyərək  naməlum şəxslər vasitəsi ilə Quliyeva Kəmalə İnqilab qızından 3000 manat, Məmmədov Firdovsi Tanverdi oğlundan 2500 manat, Həsənov Namiq Məmməd oğlundan 3000 manat tələb edib edib və eyni niyyətlə Məlikova İradə Vahab qızından tələb etdiyi 1500 manat pulu ələ keçirməyə cəhd edib. Habelə cinayət işi üzrə həmin xüsusatlar araşdırılarkən müəyyən edilmiş digər qanunsuz hərəkətləri törətməsinə şübhələr üçün əsaslar olduğundan, ona Cinayət Məcəlləsinin 178.2.2 (təkrar törədilməklə dələduzluq), 178.2.4 (xeyli miqdarda ziyan vurmaqla dələduzluq), 310 (Vəzifəli şəxsin səlahiyyətlərini mənimsəmə) və 32.4, 312.2-ci (Vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət verməyə və ya təkrar rüşvət verməyə təhrik etmə) maddələri ilə ittiham elan edilib.

Natiq Allahverdiyev
Ölkə.Az

ŞƏRH YAZ
0

İyulda əsgərliyə gedənlərin nəzərinə!

İyulda əsgərliyə gedənlərin nəzərinə!
16:56
Bu gün
559
Ölkə
A
Azərbaycan Respublikasında 2019-cu ilin iyul ayında müddətli həqiqi hərbi xidmətə göndərilən çağırışçılar təyin olunduqları xidmət yerləri barədə iyunun 25-də Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən SMS vasitəsilə məlumatlandırılıb.

Xidmətdən "Ölkə.Az"a verilən məlumata görə, əvvəlcədən məlumat verildiyi kimi, iyunun 26-dan isə vətəndaşlar xidmət edəcəkləri hərbi hissə və qoşun növü barədə məlumatı SHXÇDX-nin rəsmi internet saytının “Elektron xidmət” bölməsində özləri haqqında tələb olunan məlumatları müvafiq qaydada daxil etməklə dəqiqləşdirə bilərlər. 

Bununla yanaşı, müddətli həqiqi hərbi xidmətə göndərilənlər mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə də hansı qoşun növünə və ya hansı hərbi hissəyə düşdükləri barədə məlumat əldə edirlər. Bu xidmətdən bütün mobil operatorlara məxsus nömrələri olan şəxslərin istifadəsi mümkündür. 

SHXÇDX-nin internet saytında çağırışçıların məlumatlandırılması xidməti hər il çağırış başlamazdan öncə - dekabr, mart, iyun, sentyabr aylarının sonunda aktivləşir. 

ŞƏRH YAZ
0

Çimərlikdə qanunsuz pul yığanlara qarşı mübarizə başladı — Şlaqbaumlar sökülür

Çimərlikdə qanunsuz pul yığanlara qarşı mübarizə başladı
15:57
Bu gün
2586
Ölkə
A
Bakı Şəhər İcra Hakimiyyətinin (BŞHİ) Ticarət və xidmət departamenti paytaxtdakı çimərliklərə baxış keçirməyə başlayıb.

“Report”un əldə etdiyi məlumata görə, Departamentin əməkdaşları əvvəlcə Şıx çimərliyində olub.

Həmin çimərlikdə 9 müxtəlif məkana baş çəkilib, orada olan qapılar və şlaqbaumlar, habelə qiymət yazılan lövhələr götürülüb. Eyni zamanda sahibkarlara xəbərdarlıq edilib ki, çimərlik ərazilərinə giriş pulsuzdur, əhalidən yalnız xidmətə görə pul almaq olar.

Qeyd edək ki, çimərlik ərazilərinin pulsuz olması ilə bağlı qaydalar özəl çimərliklərə aid deyil.

ŞƏRH YAZ
0
BAĞLA